ವೈದ್ಯಕೀಯ ಆಧಾರದ ಮೇಲೆ ಜಾಮೀನು ಕೋರಿದ ಗೋಧ್ರಾ ಹತ್ಯಾಕಾಂಡ ಅಪರಾಧಿ

ಗುಜರಾತ್​ನ ಗೋಧ್ರಾ ಹತ್ಯಾಕಾಂಡದ ಅಪರಾಧಿಯೋರ್ವ ಇಂದು ಸುಪ್ರೀ ಕೋರ್ಟ್​ಗೆ ವೈದ್ಯಕೀಯ ಆಧಾರದ ಮೇಲೆ ಜಾಮೀನು ನೀಡುವಂತೆ ಕೋರಿ ಅರ್ಜಿ ಸಲ್ಲಿಸಿದ್ದಾನೆ.

ನವದೆಹಲಿ: 2002ರ ಗೋಧ್ರಾ ಹತ್ಯಾಕಾಂಡದ ಅಪರಾಧಿಯಾಗಿರುವ ಕಿಶನ್​ ಕೊರಾನಿ ಅವರು ವೈದ್ಯಕೀಯ ಆಧಾರದ ಮೇಲೆ ಜಾಮೀನು ನೀಡುವಂತೆ ಸುಪ್ರೀಂಕೋರ್ಟ್‌ಗೆ ಅರ್ಜಿ ಸಲ್ಲಿಸಿ ಮನವಿ ಮಾಡಿದ್ದಾರೆ.

ಅರ್ಜಿ ಪರಿಶೀಲನೆ ನಡೆಸಿದ ಅಪೆಕ್ಸ್​​ ಕೋರ್ಟ್,​ ಸಹಾಯಕ ಎಸ್‌ಪಿ ಅಥವಾ ಈ ಹುದ್ದೆಗೆ ಕೆಳಗಿರದ ಅಧಿಕಾರಿಯೊಬ್ಬರು ಅಪರಾಧಿಯ ಆರೋಗ್ಯ ಸ್ಥಿತಿಯ ಬಗ್ಗೆ ಒಂದು ವಾರದೊಳಗೆ ಇಮೇಲ್ ಮೂಲಕ ವರದಿಯನ್ನು ಸಲ್ಲಿಸಬೇಕು ಎಂದು ನ್ಯಾಯಾಲಯವು ನಿರ್ದೇಶಿಸಿದೆ. ನಂತರ ಈ ಜಾಮೀನು ಅರ್ಜಿ ಬಗ್ಗೆ ತೀರ್ಮಾನ ತೆಗೆದುಕೊಳ್ಳಲಾಗುವುದು ಎಂದು ತಿಳಿಸಿದೆ.

ಇದೇ ಜನವರಿ ತಿಂಗಳಲ್ಲಿ ಸುಪ್ರೀಂಕೋರ್ಟ್​, ಗೋಧ್ರಾ ಗಲಭೆಯ ನಂತರದ ಪ್ರಕರಣವೊಂದರಲ್ಲಿ 15 ಜನರಿಗೆ ನೀಡಲಾದ ಜೀವಾವಧಿ ಶಿಕ್ಷೆಗೆ ಜಾಮೀನು ನೀಡಿತ್ತು. ಅಪರಾಧಿಗಳೆಲ್ಲರೂ ಗುಜರಾತ್‌ನಿಂದ ಹೊರಬಂದು ಮಧ್ಯಪ್ರದೇಶದಲ್ಲಿ ಸಾಮಜಿಕ ಸೇವೆಯಲ್ಲಿ ತೊಡಗಿಕೊಳ್ಳಬೇಕು ಎಂಬ ಷರತ್ತನ್ನು ನ್ಯಾಯಾಲಯ ವಿಧಿಸಿತ್ತು.