ಸಿಎಎ ವಿರೋಧಿ ಹೋರಾಟ: ಪೊಲೀಸ್​ ಸೇರಿ ನಾಲ್ವರು ಸಾವು - ಪೆಟ್ರೋಲ್​ ಪಂಪ್​ ಧಗಧಗ!

ದೆಹಲಿ ಈಶಾನ್ಯ ಭಾಗದಲ್ಲಿ ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ನಡೆಯುತ್ತಿದ್ದ ಪ್ರತಿಭಟನೆ ಇದೀಗ ಹಿಂಸಾಚಾರ ರೂಪ ತಾಳಿದ್ದು, ಸಾವಿನ ಸಂಖ್ಯೆ ನಾಲ್ಕರ ಗಡಿ ದಾಟಿದೆ.

ನವದೆಹಲಿ: ರಾಷ್ಟ್ರರಾಜಧಾನಿ ದೆಹಲಿಯಲ್ಲಿ ಪೌರತ್ವ ತಿದ್ದುಪಡಿ ಕಾಯ್ದೆ ವಿರುದ್ಧ ನಡೆಯುತ್ತಿರುವ ಪ್ರತಿಭಟನೆ ಸಂಜೆಯಾಗುತ್ತಿದ್ದಂತೆ ಹಿಂಸಾಚಾರ ರೂಪ ತಾಳಿದ್ದು, ಸಾವಿನ ಸಂಖ್ಯೆ ನಾಲ್ಕಕ್ಕೆ ಏರಿಕೆಯಾಗಿದೆ.

ದೆಹಲಿಯ ಮೌಜ್​ಪುರ್​ದಲ್ಲಿ ನಡೆಯುತ್ತಿದ್ದ ಪ್ರತಿಭಟನೆ ವೇಳೆ ಎರಡು ಗುಂಪುಗಳ ನಡುವೆ ಕಲ್ಲು ತೂರಾಟ ನಡೆದಿದ್ದು, ಈ ವೇಳೆ, ಪ್ರತಿಭಟನಾಕಾರರನ್ನು ಚದುರಿಸಲು ತೆರಳಿದ್ದ ಪೊಲೀಸ್ ಮುಖ್ಯ​ ಪೇದೆ ರತನ್​ ಲಾಲ್​ ಸಾವನ್ನಪ್ಪಿದ್ದರು. ಈ ಹಿನ್ನೆಲೆಯಲ್ಲಿ ಪೊಲೀಸರು ಭಾರಿ ಬಂದೋಬಸ್ತ್​ ಕೈಗೊಂಡಿದ್ದು, ಪೊಲೀಸ್ ಸರ್ಪಗಾವಲು ಹಾಕಲಾಗಿದೆ.

ಇನ್ನು ಸಂಜೆಯಾಗುತ್ತಿದ್ದಂತೆ ಪ್ರತಿಭಟನೆ ಹಿಂಸಾಚಾರ ತಾಳಿದ್ದು, ಮೂವರು ಸಾವನ್ನಪ್ಪಿದ್ದಾರೆ. ಪ್ರತಿಭಟನೆ ನಿಯಂತ್ರಣಕ್ಕೆ ತರಲು ತೆರಳಿದ್ದ 10ಕ್ಕೂ ಹೆಚ್ಚು ಪೊಲೀಸ್​ ಪೇದೆಗಳು ಹಾಗೂ ಡಿಸಿಪಿ ಅಮಿತ್​ ಶರ್ಮಾ ಈ ಸಂದರ್ಭದಲ್ಲಿ ಗಾಯಗೊಂಡಿದ್ದಾರೆ. ಇನ್ನು ಪ್ರತಿಭಟನಾಕಾರರು ಗೋಕುಲ್​ಪುರ್​ ಪ್ರದೇಶದಲ್ಲಿ ಕಾರು, ಅಂಗಡಿಗಳು​, ಪೆಟ್ರೋಲ್​ ಪಂಪ್​ಗಳಿಗೆ ಬೆಂಕಿ ಹಚ್ಚಿದ್ದಾಗಿ ತಿಳಿದು ಬಂದಿದೆ. ಮುನ್ನೆಚ್ಚರಿಕೆ ಕ್ರಮವಾಗಿ ನಾಳೆ ದೆಹಲಿ ಈಶಾನ್ಯ ಭಾಗದಲ್ಲಿನ ಶಾಲೆಗಳಿಗೆ ರಜೆ ಘೋಷಣೆ ಮಾಡಲಾಗಿದೆ.

• Delhi Deputy Chief Minister Manish Sisodia: All government & private schools to remain closed in violence affected North East district of Delhi. I have spoke to Union HRD Minister Ramesh Pokhriyal in connection with the board exams in the district, they shall be postponed. pic.twitter.com/AaPogSu3GU

  — ANI (@ANI) February 24, 2020 " class="align-text-top noRightClick twitterSection" data="

  Delhi Deputy Chief Minister Manish Sisodia: All government & private schools to remain closed in violence affected North East district of Delhi. I have spoke to Union HRD Minister Ramesh Pokhriyal in connection with the board exams in the district, they shall be postponed. pic.twitter.com/AaPogSu3GU

  — ANI (@ANI) February 24, 2020

  ">

  Delhi Deputy Chief Minister Manish Sisodia: All government & private schools to remain closed in violence affected North East district of Delhi. I have spoke to Union HRD Minister Ramesh Pokhriyal in connection with the board exams in the district, they shall be postponed. pic.twitter.com/AaPogSu3GU

  — ANI (@ANI) February 24, 2020

ದೆಹಲಿಯ ಈಶಾನ್ಯ ಭಾಗದಲ್ಲಿ ಪರಿಸ್ಥಿತಿ ಮತ್ತಷ್ಟು ವಿಕೋಪಕ್ಕೆ ತಿರುಗಿದ್ದು, 144 ಸೆಕ್ಷನ್​​ ಜಾರಿಗೊಳಿಸಲಾಗಿದೆ. ಘಟನೆ ಬಗ್ಗೆ ವರದಿ ಮಾಡಲು ತೆರಳಿದ್ದ ಪತ್ರಕರ್ತರ ಮೇಲೂ ಕಲ್ಲು ತೂರಾಟ ಮಾಡಲಾಗಿದೆ. ಶಾಂತಿಯುತವಾಗಿ ಪ್ರತಿಭಟನೆ ನಡೆಸುವಂತೆ ಮುಖ್ಯಮಂತ್ರಿ ಅರವಿಂದ್​ ಕೇಜ್ರಿವಾಲ್ ಟ್ವೀಟ್​ ಮೂಲಕ​ ಮನವಿ ಮಾಡಿದ್ದಾರೆ. ಇದ್ಯಾವುದನ್ನ ಲಕ್ಷಿಸದೇ ಪ್ರತಿಭಟನಾಕಾರರು ಹಿಂಸಾಚಾರ ಮುಂದುವರೆಸಿದ್ದಾರೆ.