ದೇವ್ರೇ, ದೇವ್ರೇ.. ದುಡ್ಡು ಮಾಡಲು ಇಂಥಾ ಕೆಲಸ ಮಾಡ್ಬೇಕಾ.. ಅಮೇಜಾನ್​ ವಿರುದ್ಧ ಎಫ್​ಐಆರ್​!

ಹಿಂದೂಗಳ ಧಾರ್ಮಿಕ ನಂಬಿಕೆಗಳಿಗೆ ಧಕ್ಕೆ ತರುವ ರೀತಿಯಯಲ್ಲಿ ಅಮೇಜಾನ್​ ಸಂಸ್ಥೆ ಟಾಯ್ಲೆಟ್​ ಸೀಟ್​, ಡೋರ್​ ಮ್ಯಾಟ್​ಗಳನ್ನು ಮುದ್ರಿಸಿ ಮಾರಾಟ ಮಾಡಿದೆ. ಇದರಿಂದ ಹಿಂದೂಗಳ ಧಾರ್ಮಿಕ ಭಾವನೆಗಳಿಗೆ, ನಂಬಿಕೆಗಳಿಗೆ ಧಕ್ಕೆಯಾಗಿದೆ. ಇದರ ವಿರುದ್ಧ ನೋಯಿಡಾ ಪೊಲೀಸ್​ ಠಾಣೆಯಲ್ಲಿ ಎಫ್​ಐಆರ್ ದಾಖಲಾಗಿದೆ.

ನೋಯಿಡಾ : ಜಾಗತಿಕ ಮಾರುಕಟ್ಟೆಯಲ್ಲಿ ಅಮೇಜಾನ್​ ತನ್ನ ಭದ್ರ ಬಾಹುಗಳನ್ನು ಚಾಚಿದೆ. ಕೋಟ್ಯಂತರ ಮಂದಿ ನಿತ್ಯ ಈ ಅಮೇಜಾನ್​ ಮಾರುಕಟ್ಟೆಯೊಂದಿಗೆ ವ್ಯವಹರಿಸುತ್ತಿದ್ದಾರೆ. ಹೀಗೆ ಹೆಸರು ಮಾಡಿರುವ ಅಮೇಜಾನ್​ ಇದೀಗ ಹಿಂದೂಗಳ ಧಾರ್ಮಿಕ ನಂಬಿಕೆಗಳಿಗೆ ಧಕ್ಕೆ ತರುವ ಹೀನ ಕೆಲಸ ಮಾಡಿದೆ. ದುಡ್ಡು ಮಾಡಲು ಧಾರ್ಮಿಕ ಭಾವನೆಗಳಿಗೆ ಧಕ್ಕೆ ತಂದ ಅಮೇಜಾನ್ ವಿರುದ್ಧ​ ಎಫ್​ಐಆರ್​ ದಾಖಲಾಗಿದೆ.

ಹಿಂದೂಗಳ ನಂಬಿಕೆಗಳಿಗೆ ಧಕ್ಕೆಯಾಗುವ ರೀತಿ ಅಮೇಜಾನ್​ ತನ್ನ ಉತ್ಪನ್ನಗಳನ್ನು ಮುದ್ರಿಸಿ ಮಾರಾಟ ಮಾಡಿದೆ. ಇದರಿಂದ ಹಿಂದೂಗಳ ನಂಬಿಕೆಗಳಿಗೆ ಧಕ್ಕೆಯಾಗಿದ್ದು, ನೋಯಿಡಾ ಪೊಲೀಸ್​ ಠಾಣೆಯಲ್ಲಿ ಅಮೇಜಾನ್‌ ವಿರುದ್ಧ ಎಫ್​ಐಆರ್ ದಾಖಲಾಗಿದೆ.

ಅಮೇಜಾನ್‌ ಹಲವು ಬಾರಿ ಹೀಗೆ ಧಾರ್ಮಿಕ ನಂಬಿಕೆಗಳನ್ನು ಘಾಸಿಗೊಳಿಸಿದೆ. 2017ರಲ್ಲಿ ಭಾರತದ ರಾಷ್ಟ್ರೀಯ ಧ್ವಜವನ್ನು, 2018ರಲ್ಲಿ ಗೋಲ್ಡನ್​ ಟೆಂಪಲ್​ ಚಿತ್ರವನ್ನು ಮುದ್ರಿಸಿ ವಿವಾದಕ್ಕೆ ಗುರಿಯಾಗಿತ್ತು. ಈ ಬಗ್ಗೆ ಕೆನಡಾ ಸರ್ಕಾರಕ್ಕೆ ಟ್ವೀಟ್​ ಮಾಡಿರುವ ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್​, ಅಮೇಜಾನ್​ನ ಈ ಧೋರಣೆಯನ್ನು ಸಹಿಸಲು ಸಾಧ್ಯವಿಲ್ಲ. ಈ ಕೂಡಲೇ ಕಂಪನಿಯ ಮೇಲೆ ಕಠಿಣ ಕ್ರಮ ಕೈಗೊಳ್ಳಿ ಎಂದು ಟ್ವಿಟರ್​ನಲ್ಲಿ ಆಗ್ರಹಿಸಿದ್ದಾರೆ.