ಕೊಲ್ಲಂ: ಕೇರಳದ ಕೊಲ್ಲಂನಲ್ಲಿ ನಡೆದ ಬಾಲಕಿಯೊಬ್ಬಳ ಸಾವು ಇನ್ನೂ ಈ ನಿಗೂಢವಾಗಿದೆ. ಮನೆ ಪಕ್ಕದ ನದಿಯಲ್ಲಿ ಶವವಾಗಿ ಪತ್ತೆಯಾದ ಬಾಲಕಿಯದ್ದು, ಅಪಹರಣ ಮತ್ತು ಕೊಲೆ ಎಂಬ ಆರೋಪವನ್ನು ಸಂಬಂಧಿಕರು ಮಾಡುತ್ತಿದ್ದಾರೆ.
ಈ ಬಗ್ಗೆ ಪ್ರತಿಕ್ರಿಯೆ ನೀಡಿರುವ ಬಾಲಕಿ ಅಜ್ಜ ಮೋಹನ ಪಿಳ್ಳೈ, ನಮ್ಮ ಮಗು ಒಂಟಿಯಾಗಿ ನದಿಗೆ ಹೋಗುವವಳಲ್ಲ. ಈ ಸಾವಿನ ಹಿಂದೇ ಯಾವುದೋ ಕಾಣದ ಕೈಗಳ ಕೈವಾಡ ಇದೆ. ಅಲ್ಲದೇ, ದೇವಸ್ಥಾನಕ್ಕೆ ಹೋಗುವ ಮಾರ್ಗ ಮಧ್ಯೆ ಈ ನದಿ ಬರುವುದೇ ಇಲ್ಲ. ಇದು ಸಹಜ ಸಾವಲ್ಲ. ನನ್ನ ಮೊಮ್ಮಗಳನ್ನು ಯಾರೋ ಅಪಹರಿಸಿ ಕೊಲೆ ಮಾಡಿದ್ದಾರೆ ಎಂದು ಆರೋಪಿಸಿದ್ದಾರೆ.
ಬಾಲಕಿ ಅಜ್ಜ ಮೋಹನ ಪಿಳ್ಳೈ ಆರೋಪ
ಪ್ರದೀಪ್ ಮತ್ತು ಧನ್ಯಾ ದಂಪತಿಯ ಮಗಳಾದ ದೇವಾನಂದ, ವಕ್ಕನಾಡ್ನ ಸರಸ್ವತಿ ವಿದ್ಯಾನಿಕೇತನ ಶಾಲೆಯಲ್ಲಿ ಒಂದನೇ ತರಗತಿಯಲ್ಲಿ ಓದುತ್ತಿದ್ದಳು. ಕಳೆದ ಶುಕ್ರವಾರ ಏಳು ವರ್ಷದ ಬಾಲಕಿ ದೇವಾನಂದ, ಕೊಲ್ಲಂನ ತನ್ನ ಮನೆಯ ಪಕ್ಕದ ನದಿಯಲ್ಲಿ ಶವವಾಗಿ ಪತ್ತೆಯಾಗಿದ್ದಳು. ಈ ಸಾವಿನ ಸುತ್ತ ಸಾಕಷ್ಟು ಅನುಮಾನಗಳು ಎದ್ದಿದ್ದವು
