ಸಾಲಬಾಧೆಯಿಂದ ಹೊರಬರಲು ಆಟಿಕೆ ಗನ್​ ತೋರಿಸಿ ಸಹೋದರಿಯರ ಕಿಡ್ನಾಪ್​ಗೆ ಯತ್ನಿಸಿದ ಯುವಕ

ಸಾಲ ತೀರಿಸಲು ಹಣದ ಬೇಡಿಕೆಯಿಡುವ ಸಂಬಂಧ ಇಬ್ಬರು ಸಹೋದರಿಯರನ್ನು ಅಪಹರಿಸಲು ಯತ್ನಿಸಿರುವ ಯುವಕ, ಬಳಿಕ ಪೊಲೀಸರಿಗೆ ಶರಣಾಗಿದ್ದಾನೆ.

ನಾಗ್ಪುರ: ನಾಗ್ಪುರದಲ್ಲಿ ಯುವಕನೋರ್ವ ಇಬ್ಬರು ಸಹೋದರಿಯರಿಗೆ ಆಟಿಕೆ ಗನ್​ನಿಂದ ಬೆದರಿಕೆ ಹಾಕಿ ಅಪಹರಿಸಲು ಯತ್ನಿಸಿದ್ದಾನೆ.

ಈ ಘಟನೆ ಧರಂಪೇಟ್ ಪ್ರದೇಶದಲ್ಲಿ ನಡೆದಿದ್ದು, ಆರೋಪಿಯನ್ನು ರೋಶನ್ ಖಂಡೇಕರ್ (24) ಎಂದು ಗುರುತಿಸಲಾಗಿದೆ. ಘಟನೆ ಬಳಿಕ ಆತ ಪರಾರಿಯಾಗಿದ್ದು, ನಂತರ ಧಂತೋಲಿಯಲ್ಲಿ ಪೊಲೀಸರಿಗೆ ಶರಣಾಗಿದ್ದಾನೆ ಎಂದು ಅಂಬಾಜಾರಿ ಪೊಲೀಸ್ ಠಾಣೆಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.

ಸುತ್ತಮುತ್ತಲಿನ ಸಿಸಿಟಿವಿಯಲ್ಲಿ ರೋಶನ್​ ಕೃತ್ಯ ಸೆರೆಯಾಗಿದೆ. 2.5 ಲಕ್ಷ ರೂಪಾಯಿ ಸಾಲವಿದ್ದು, ಇದನ್ನು ತೀರಿಸಲು ಹಣದ ಅವಶ್ಯಕತೆ ಇತ್ತು. ಅದಕ್ಕಾಗಿ ಇವರಿಬ್ಬರನ್ನು ಅಪಹರಿಸಿ ಹಣದ ಬೇಡಿಕೆ ಇಡಬೇಕೆಂದುಕೊಂಡು ಕೃತ್ಯ ಎಸಗಿರುವುದಾಗಿ ಖಂಡೇಕರ್ ಒಪ್ಪಿಕೊಂಡಿದ್ದಾನೆ ಎಂದು ಅಧಿಕಾರಿ ತಿಳಿಸಿದ್ದಾರೆ.