ಕೋಲ್ಕತ್ತಾ(ಪಶ್ಚಿಮ ಬಂಗಾಳ): ಕೊರೊನಾ ಆತಂಕದ ನಡುವೆಯೇ ಅಂಫಾನ್ ಚಂಡಮಾರುತದ ರುದ್ರ ನರ್ತನ ಆರಂಭವಾಗಿದೆ. ಭಯಂಕರ ಸ್ವರೂಪ ಪಡೆದುಕೊಂಡಿರುವ ಅಂಫಾನ್ ಚಂಡಮಾರುತ ಮಧ್ಯಾಹ್ನ 2:30ರಿಂದಲೇ ಅಬ್ಬರಿಸುತ್ತಿದೆ.
ಪಶ್ಚಿಮ ಬಂಗಾಳದಲ್ಲಿ ಅಂಫಾನ್ ಚಂಡಮಾರುತದ ಅಬ್ಬರ
ಮುಂದಿನ ನಾಲ್ಕು ಗಂಟೆಯವರೆಗೂ ಚಂಡಮಾರುತದ ಮಹಾ ಅಬ್ಬರ ಇರಲಿದೆ. ಪಶ್ಚಿಮ ಬಂಗಾಳ, ಒಡಿಶಾ ಕರಾವಳಿಯಲ್ಲಿ ಭಯಂಕರ ಗಾಳಿಯೊಂದಿಗೆ ಮಹಾಮಳೆ ಸುರಿಯುತ್ತಿದೆ. ಗಂಟೆಗೆ 180 ಕಿಲೋ ಮೀಟರ್ ವೇಗದಲ್ಲಿ ಗಾಳಿ ಬೀಸುತ್ತಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಮಾಹಿತಿ ನೀಡಿದೆ. ಅಂಫಾನ್ ಚಂಡಮಾರುತವು ಈಗಾಗಲೇ ಪಾರಾದೀಪ್ ಪ್ರದೇಶವನ್ನು ದಾಟಿದ್ದು, ಬಾಲಸೋರ್ಗೆ ಅಪ್ಪಳಿಸಲಿದೆ ಎಂದು ವಿಶೇಷ ಪರಿಹಾರ ಆಯುಕ್ತ ಪ್ರದೀಪ್ ಕುಮಾರ್ ಜೆನಾ ಹೇಳಿದ್ದಾರೆ.
ಒಡಿಶಾದಲ್ಲಿ ಅಂಫಾನ್ ಚಂಡಮಾರುತದ ಅಬ್ಬರ
ಚಂಡಮಾರುತದ ಅಪ್ಪಳಿಸುವುದಕ್ಕೂ ಮೊದಲು ಪಶ್ಚಿಮ ಬಂಗಾಳ ಮತ್ತು ಒಡಿಶಾದಿಂದ ಸುಮಾರು 4 ಲಕ್ಷದ 50 ಸಾವಿರ ಜನರನ್ನು ಸ್ಥಳಾಂತರಿಸಲಾಗಿದೆ. ಒಡಿಶಾದಿಂದ 1.20 ಲಕ್ಷ ಜನರನ್ನು ಸ್ಥಳಾಂತರ ಮಾಡಿದ್ರೆ, ಪಶ್ಚಿಮ ಬಂಗಾಳದಿಂದ 3.30 ಲಕ್ಷ ಜನರನ್ನು ಸ್ಥಳಾಂತರಿಸಲಾಗಿದೆ.
