ನವದೆಹಲಿ: ಕೌನ್ಸಿಲ್ ಆಫ್ ಸೈಂಟಿಫಿಕ್ ಅಂಡ್ ಇಂಡಸ್ಟ್ರಿಯಲ್ ರಿಸರ್ಚ್ (ಸಿಎಸ್ಐಆರ್) ಭಾರತದ ಅತಿದೊಡ್ಡ ಸಂಶೋಧನಾ ಮತ್ತು ಅಭಿವೃದ್ಧಿ (ಆರ್ & ಡಿ) ಸಂಸ್ಥೆಯಾಗಿದೆ. 1942 ಸೆಪ್ಟೆಂಬರ್, 26 ರಂದು ಡಾ. ಶಾಂತಿ ಸ್ವರೂಪ್ ಭಟ್ನಾಗರ್ ಇದನ್ನು ಸ್ಥಾಪನೆ ಮಾಡಿದ್ರು.
ಸಿಎಸ್ಐಆರ್ಗೆ ವಿಜ್ಞಾನ ಮತ್ತು ತಂತ್ರಜ್ಞಾನ ಸಚಿವಾಲಯವು ಧನ ಸಹಾಯ ನೀಡುತ್ತದೆ. ಇದು 1860 ರ ಸೊಸೈಟಿಗಳ ನೋಂದಣಿ ಕಾಯ್ದೆಯ ಪ್ರಕಾರ ಸ್ವಾಯತ್ತ ಸಂಸ್ಥೆಯಾಗಿ ಕಾರ್ಯನಿರ್ವಹಿಸುತ್ತಿದೆ.
ಸಿಎಸ್ಐಆರ್ 38 ರಾಷ್ಟ್ರೀಯ ಪ್ರಯೋಗಾಲಯ, 39 ಔಟ್ರೇಚ್ ಕೇಂದ್ರಗಳು, 3 ಇನ್ನೋವೇಶನ್ ಕಾಂಪ್ಲೆಕ್ಸ್ ಮತ್ತು 5 ಘಟಕಗಳನ್ನು ಹೊಂದಿದೆ. ಸಿಎಸ್ಐಆರ್ ಆರ್ & ಡಿ ಪರಿಣತಿ ಮತ್ತು ಅನುಭವ ಹೊಂದಿರುವ ಸುಮಾರು 4,600 ಸಕ್ರಿಯ ವಿಜ್ಞಾನಿಗಳನ್ನು ಒಳಗೊಂಡಿದ್ದು, 8000 ವೈಜ್ಞಾನಿಕ ಮತ್ತು ತಾಂತ್ರಿಕ ಸಿಬ್ಬಂದಿಗೆ ಬೆಂಬಲವಾಗಿ ಇದ್ದಾರೆ.
ಸಿಮಿಗೊ ಇನ್ಸ್ಟಿಟ್ಯೂಷನ್ ರ‍್ಯಾಂಕಿಂಗ್ ವರ್ಲ್ಡ್ ರಿಪೋರ್ಟ್ 2014 ರ ಪ್ರಕಾರ, ಸಿಎಸ್ಐಆರ್ ವಿಶ್ವದಾದ್ಯಂತ ಇರುವ 4,851 ಸಂಸ್ಥೆಗಳ ಪೈಕಿ 84ನೇ ಸ್ಥಾನದಲ್ಲಿದೆ. ಟಾಪ್ 100 ಜಾಗತಿಕ ಸಂಸ್ಥೆಗಳಲ್ಲಿ ಏಕೈಕ ಭಾರತೀಯ ಸಂಸ್ಥೆ ಇದಾಗಿದೆ.
