ಲಖನೌ (ಉತ್ತರ ಪ್ರದೇಶ): ಕುಖ್ಯಾತ ಹಿಸ್ಟರಿ - ಶೀಟರ್ ವಿಕಾಸ್ ದುಬೆ ಮನೆಯ ಮೇಲೆ ದಾಳಿ ನಡೆಸಲು ಹೋದ ಪೊಲೀಸ್ ತಂಡದ ಮೇಲೆ ತೀವ್ರ ಗುಂಡಿನ ದಾಳಿ ನಡೆದಿದ್ದು, ಎಂಟು ಮಂದಿ ಪೊಲೀಸರು ಕಾನ್ಪುರದಲ್ಲಿ ಹುತಾತ್ಮರಾಗಿದ್ದಾರೆ. ಗುಂಡಿನ ದಾಳಿಯಲ್ಲಿ 6 ಪೊಲೀಸರು ಸೇರಿದಂತೆ 7 ಮಂದಿ ಗಾಯಗೊಂಡಿದ್ದಾರೆ.
ಯಾರೀ ಹಿಸ್ಟರಿ -ಶೀಟರ್ ವಿಕಾಸ್ ದುಬೆ?
- ಕುಖ್ಯಾತ ಹಿಸ್ಟರಿ ಶೀಟರ್ ವಿಕಾಸ್ ದುಬೆ 2001ರಲ್ಲಿ ರಾಜ್ಯ ಸಚಿವ ಸಂತೋಷ್ ಶುಕ್ಲಾ ಅವರ ಹತ್ಯೆಯ ಪ್ರಮುಖ ಆರೋಪಿ.
- ಕಾನ್ಪುರದ ಶಿವ್ಲಿ ಪೊಲೀಸ್ ಠಾಭಾ ಪ್ರದೇಶದಲ್ಲಿರುವ ತಾರಚಂದ್ ಇಂಟರ್ ಕಾಲೇಜಿನ ಸಹಾಯಕ ವ್ಯವಸ್ಥಾಪಕ ಸಿದ್ಧೇಶ್ವರ ಪಾಂಡೆ ಅವರ ಹತ್ಯೆಯಲ್ಲೂ ಈತನ ಕೈವಾಡ ಇರುವುದು ಬಹಿರಂಗವಾಗಿತ್ತು.
- 2000ನೇ ಇಸವಿಯಲ್ಲಿ ಶಿವ್ಲಿ ಪೊಲೀಸ್ ಠಾಣೆ ಪ್ರದೇಶದಲ್ಲಿ ರಾಂಬಾಬು ಯಾದವ್ ಹತ್ಯೆ ಪ್ರಕರಣದಲ್ಲಿ ಜೈಲಿನೊಳಗಿಂದಲೇ ಪಿತೂರಿ ನಡೆಸಿದ ಆರೋಪ ವಿಕಾಸ್ ದುಬೆ ಮೇಲಿದೆ.
- ವಿಕಾಸ್ ದುಬೆ 2004ರಲ್ಲಿ ಕೇಬಲ್ ಉದ್ಯಮಿ ದಿನೇಶ್ ದುಬೆ ಅವರ ಹತ್ಯೆಯ ಆರೋಪಿ.
- 2018ರಲ್ಲಿ ವಿಕಾಸ್ ದುಬೆ ಜೈಲಿನಲ್ಲಿ ಇದ್ದುಕೊಂಡೇ ತನ್ನ ಸೋದರ ಸಂಬಂಧಿ ಅನುರಾಗ್ ಮೇಲೆ ಹಲ್ಲೆ ನಡೆಸುವ ಸಂಚು ರೂಪಿಸಿದ್ದ.
- ಹಿಸ್ಟರಿ ಶೀಟರ್ ವಿಕಾಸ್ ದುಬೆ ಯುಪಿಯ ಕೆಲ ರಾಜಕೀಯ ಪಕ್ಷಗಳಲ್ಲೂ ಹಿಡಿತ ಹೊಂದಿದ್ದಾನೆ.
- ಅಕ್ರಮವಾಗಿ ಆಸ್ತಿ ಹೊಂದಿರುವ ಆರೋಪವೂ ವಿಕಾಸ್ ದುಬೆ ಮೇಲಿದೆ.
- ಈತನ ಮೇಲೆ 60ಕ್ಕೂ ಹೆಚ್ಚು ಪ್ರಕರಣಗಳು ದಾಖಲಾಗಿವೆ.
