ನೆಟ್​ಫ್ಲಿಕ್ಸ್​ ಭಯಬೇಡ; ಪಾಲಕರಿಗೆ ಸಿಗಲಿದೆ ಹೆಚ್ಚಿನ ನಿಯಂತ್ರಣ ಅವಕಾಶ

ವಿಡಿಯೋ ಸ್ಟ್ರೀಮಿಂಗ್ ದೈತ್ಯ ನೆಟ್​ಫ್ಲಿಕ್ಸ್​ ಈಗ ಪಾಲಕರಿಗೆ ಹೆಚ್ಚಿನ ನಿಯಂತ್ರಣದ ಅವಕಾಶಗಳನ್ನು ನೀಡಿದ್ದು, ಮಕ್ಕಳು ನೋಡಬಹುದಾದ ವಿಡಿಯೋ ಕಂಟೆಂಟ್​ ಅನ್ನು ಮೊದಲಿಗಿಂತಲೂ ಹೆಚ್ಚು ಪರಿಣಾಮಕಾರಿಯಾಗಿ ನಿಯಂತ್ರಿಸಬಹುದಾಗಿದೆ.

ವಿಡಿಯೋ ಸ್ಟ್ರೀಮಿಂಗ್​ ಆ್ಯಪ್ ನೆಟ್​ಫ್ಲಿಕ್ಸ್​ನಲ್ಲಿ ಮಕ್ಕಳು ವೀಕ್ಷಿಸಬಹುದಾದ ವಿಡಿಯೋ ಕಂಟೆಂಟ್​ ನಿಯಂತ್ರಿಸಲು ಕಂಪನಿ ಹೊಸ ಕ್ರಮಗಳನ್ನು ಅಳವಡಿಸಿದೆ. ನೆಟ್​ಫ್ಲಿಕ್ಸ್​ನಲ್ಲಿ ಚಿಕ್ಕ ಮಕ್ಕಳು ಯಾವ ವಿಡಿಯೋಗಳನ್ನು ನೋಡಬಹುದೆಂಬುದನ್ನು ಮತ್ತಷ್ಟು ಪರಿಣಾಮಕಾರಿಯಾಗಿ ಪಾಲಕರು ನಿಯಂತ್ರಿಸಲು ಇದರಿಂದ ಸಾಧ್ಯವಾಗಲಿದೆ.

ಇನ್ನು ಮುಂದೆ ಪಾಲಕರು ತಮ್ಮ ವೈಯಕ್ತಿಕ ಪ್ರೊಫೈಲ್​ಗೆ ಪಿನ್​ ಅಳವಡಿಸುವ ಮೂಲಕ ಮಕ್ಕಳು ಅದನ್ನು ಬಳಸದಂತೆ ತಡೆಯಬಹುದು ಹಾಗೂ ಮಕ್ಕಳು ನೋಡಲು ಯೋಗ್ಯವಲ್ಲದ ಟೈಟಲ್​ಗಳನ್ನು ಫಿಲ್ಟರ್​ ಮಾಡಿ ಹೆಚ್ಚಿನ ನಿಯಂತ್ರಣ ಹೊಂದಬಹುದು. ಫಿಲ್ಟರ್​ ಮೂಲಕ ನಿರ್ದಿಷ್ಟ ಸಿರೀಸ್​ ಅಥವಾ ಸಿನಿಮಾದ ಟೈಟಲ್​ಗಳನ್ನು ಬ್ಲಾಕ್​ ಮಾಡಿದರೆ ನಂತರ ಈ ಟೈಟಲ್​ಗಳು ನಿರ್ದಿಷ್ಟ ಪ್ರೊಫೈಲ್​ನಲ್ಲಿ ಕಾಣಿಸುವುದೇ ಇಲ್ಲ ಎಂದು ನೆಟ್​ಫ್ಲಿಕ್ಸ್​ ತಿಳಿಸಿದೆ.

ಮಕ್ಕಳಿಗಾಗಿ ರಚಿಸಲಾದ ಪ್ರೊಫೈಲ್​ ಮೂಲಕ ಅವರು ಏನನ್ನು ವೀಕ್ಷಿಸುತ್ತಿದ್ದಾರೆ ಎಂಬುದರ ಮೇಲೆ ಕಣ್ಣಿಡಬಹುದು ಹಾಗೂ ಎಪಿಸೋಡ್​ಗಳ ಆಟೋ ಪ್ಲೇ ಸ್ಥಗಿತಗೊಳಿಸುವ ನಿಯಂತ್ರಕಗಳನ್ನು ಸಹ ನೆಟ್​ಫ್ಲಿಕ್ಸ್​ ಅಳವಡಿಸಿದೆ. ಅಕೌಂಟ್​ ಸೆಟ್ಟಿಂಗ್ಸ್​ನ 'Profile and Parental Controls' ಹಬ್​ನಲ್ಲಿ ಪ್ರ್ರೊಫೈಲ್​ ಬದಲಾವಣೆಗಳನ್ನು ಸುಲಭವಾಗಿ ಮಾಡಬಹುದಾಗಿದೆ.