ಕೊರೊನಾ ಬಿಕ್ಕಟ್ಟಿನ ಸಮಯದಲ್ಲಿ ಸುರಕ್ಷಿತವಾಗಿರಿ.. ಅಭಿಮಾನಿಗಳಿಗೆ ನಟ ಧರ್ಮೇಂದ್ರ ಡಿಯೋಲ್​ ಕಿವಿಮಾತು

ಕೊರೊನಾ ಬಿಕ್ಕಟ್ಟಿನ ಸಮಯದಲ್ಲಿ ಸುರಕ್ಷಿತವಾಗಿರಿ. ನಾವು ಪರಸ್ಪರ ಬದುಕೋಣ ಎಂದು ಅಭಿಮಾನಿಗಳಿಗೆ ಬಾಲಿವುಡ್​ ಹಿರಿಯ ನಟ ಧರ್ಮೇಂದ್ರ ಡಿಯೋಲ್​ ಕಿವಿಮಾತು ಹೇಳಿದ್ದಾರೆ.

ಮುಂಬೈ: ಬಾಲಿವುಡ್​ ಹಿರಿಯ ನಟ ಧರ್ಮೇಂದ್ರ ಡಿಯೋಲ್​, ಕೊರೊನಾ ಬಿಕ್ಕಟ್ಟಿನ ಸಮಯದಲ್ಲಿ ಸುರಕ್ಷಿತವಾಗಿರಿ. ನಾವು ಪರಸ್ಪರ ಬದುಕೋಣ ಎಂದು ಅಭಿಮಾನಿಗಳಿಗೆ 43 ಸೆಂಕೆಂಡ್​ನ ವಿಡಿಯೋ ಮೂಲಕ ತಿಳಿಸಿದ್ದಾರೆ.

ಟ್ವಿಟರ್​ನಲ್ಲಿ ವಿಡಿಯೋ ಹಂಚಿಕೊಂಡಿರುವ ಅವರು, ಪ್ರಸ್ತುತ ನಾನು ತೋಟದ ಮನೆಯಲ್ಲಿದ್ದು,ಲಾಕ್​ಡೌನ್​ ಘೋಷಣೆಗೂ ಮೊದಲೇ ಜಮೀನಿಗೆ ಇಲ್ಲಿಗೆ ಬಂದಿದ್ದೆ. ನಿತ್ಯ ಸುದ್ದಿಗಳನ್ನು ನೋಡುತ್ತಿದ್ದೇನೆ. ಕೊರೊನಾ ರೋಗದ ಹರಡುವಿಕೆ ಬೇಗ ಮುಗಿಯಲಿ ಎಂದು ನಾನು ಪ್ರಾರ್ಥಿಸುತ್ತೇನೆ.

ಪ್ರತಿಯೊಬ್ಬರು ತಮ್ಮನ್ನ ತಾವೇ ನೋಡಿಕೊಳ್ಳಲು ಮಾಡಬೇಕಾದ ಮಾರ್ಗಸೂಚಿಗಳನ್ನ ಅನುಸರಿಸುವಂತೆ ಸಲಹೆ ನೀಡಿ ವಿಡಿಯೋ ಕೊನೆಗೊಳಿಸಿದ್ದಾರೆ.