ಅದಕ್ಕೂ ಮುನ್ನ ಸಾಮಾನ್ಯ ಜೀವನ, ನಂತರ ತಲ್ಲಣ ಸೃಷ್ಟಿಸಿದ್ದು ಕೋವಿಡ್​​-19... ವಿಡಿಯೋ ನೋಡಿ...

ಕೊರೊನಾ ವೈರಸ್​ ಸೋಂಕು ಪೀಡಿತರ ಸಂಖ್ಯೆ ದಿನೇ ದಿನೆ ಏರತೊಡಗುತ್ತಿದೆ. ಚೀನಾ ಸೇರಿದಂತೆ ಎಲ್ಲಾ ದೇಶಗಳು ಈ ಮಹಾಮಾರಿ ನಿಯಂತ್ರಣಕ್ಕೆ ಇನ್ನಿಲ್ಲದ ಕಸರತ್ತು ನಡೆಸುತ್ತಿವೆ.

ನವದೆಹಲಿ: ಕೋವಿಡ್​-19 ವಿಶ್ವದಾದ್ಯಂತ ಸಾಗರದಂತೆ ವ್ಯಾಪಿಸಿಕೊಂಡಿದೆ. ಕೊರೊನಾ ವೈರಸ್​ ಭಯಕ್ಕೆ ಸಾಗರದ ಅಲೆಗಳ ಏರಿಳಿತವಿಲ್ಲ. ಆಕಾಶ ಕೂಡ ಸಮುದ್ರ ಹತ್ತಿರ ಸಮೀಪಿಸಲು ಹೆದರುತ್ತಿದೆ.

2019ರ ಡಿಸೆಂಬರ್​​ಗೂ ಮುನ್ನ ಚೀನಾದ ವುಹಾನ್​ ನಗರದ ಜನಜೀವನ ಸಾಮಾನ್ಯವಾಗಿತ್ತು. ಕೋವಿಡ್​​-19 ಸೋಂಕು ವಿಶ್ವಕ್ಕೆ ಬರಸಿಡಿಲಿನಂತೆ ಬಡಿದು, ಜಗತ್ತಿನ ನೆಮ್ಮದಿಯನ್ನು ಕಸಿದುಕೊಂಡಿತು. ಒಂದು ಸಣ್ಣ ಮಾರುಕಟ್ಟೆಯಿಂದ ಉದ್ಭವಿಸಿದ ವೈರಸ್ ಮಹಾಮಾರಿಯಾಗಿ ರೂಪುಗೊಂಡಿತು.

ಒಂದು ಚಿಕ್ಕ ವೈರಸ್ ಮನುಕುಲದ ಜಂಘಾಬಲವನ್ನು ಹುದುಗಿಸುತ್ತಿತ್ತು ಎಂಬುದನ್ನು ಯಾರೂ ಊಹಿಸಿರಲಿಲ್ಲ. ತಂತ್ರಜ್ಞಾನದಲ್ಲಿ ಮುಂದುವರಿದ ದೇಶಗಳಿಗೂ ಬಗ್ಗೆ ತಿಳಿದಿರಲಿಲ್ಲ ಈ ಮಹಾಮಾರಿ ಮುಂದೊಂದಿನ ಮನುಷ್ಯರನ್ನು ಮನೆಯಲ್ಲಿಯೋ, ಆಸ್ಪತ್ರೆಯ ಕೊಠಡಿಯಲ್ಲಿಯೋ, ತಪಾಸಣಾ ಕೇಂದ್ರದಲ್ಲಿಯೋ ಬಂಧಿ ಆಗಿಸುತ್ತದೆ ಎಂದು.