ಐಸೋಲೇಶನ್​​ನಲ್ಲಿರುವ ಸೋಂಕಿತರಿಂದ ಹನುಮಾನ್​ ಚಾಲೀಸ​, ಗಾಯತ್ರಿ ಮಂತ್ರ ಪಠಣ

ಉತ್ತರ ಪ್ರದೇಶದಲ್ಲಿ ಐಸೋಲೇಶನ್​​ನಲ್ಲಿರುವ ಕೊರೊನಾ ಸೋಂಕಿತರು ಹನುಮಾನ್​ ಚಾಲೀಸ​ ಹಾಗೂ ಗಾಯತ್ರಿ ಮಂತ್ರ ಪಠಣೆಯಲ್ಲಿ ತೊಡಗಿದ್ದ ದೃಶ್ಯ ಕಂಡು ಬಂತು.

ಆಗ್ರಾ/ಉತ್ತರ ಪ್ರದೇಶ: ಆಗ್ರಾ ಜಿಲ್ಲಾ ಆಸ್ಪತ್ರೆಯಲ್ಲಿ ಐಸೋಲೇಶನ್​ನಲ್ಲಿರುವ ಕೋವಿಡ್​​-19 ಸೋಂಕಿತರು ಹನುಮಾನ್​ ಚಾಲೀಸ ಮತ್ತು ಗಾಯತ್ರಿ ಮಂತ್ರ ಪಠಿಸುತ್ತಾ ಕಾಲ ಕಳೆಯುತ್ತಿದ್ದಾರೆ.

ಕೋವಿಡ್​-19 ಪಾಸಿಟಿವ್​​ ಬಂದವರನ್ನು ಆಗ್ರಾ ಜಿಲ್ಲಾಸ್ಪತ್ರೆಯಲ್ಲಿ ಪ್ರತ್ಯೇಕವಾಗಿ ಐಸೋಲೇಶನ್​ ಮಾಡಲಾಗಿದೆ. ಈ ಸಮಯದಲ್ಲಿ ವಾರ್ಡ್​​ನಲ್ಲಿರುವ ಕೊರೊನಾ ಸೋಂಕಿತರು ಬೇಜಾರು ಕಳೆಯಲು ಈ ರೀತಿ ಮಂತ್ರ ಪಠಣ ಮಾಡುತ್ತಿದ್ದಾರೆ.

ಇದೇ ರೀತಿ ಕ್ವಾರಂಟೈನ್​ನಲ್ಲಿರುವ ಕೊರೊನಾ ಶಂಕಿತರು ಕಡೆ ವಿವಿಧೆಡೆಗಳಲ್ಲಿ ಬೇಜಾರು ಹೋಗಲಾಡಿಸಲು ಕೀರ್ತನೆ ಹಾಡುವುದು, ಭಜನೆ ಮಾಡುವುದು ಹಾಗೂ ಇನ್ನು ಕೆಲವು ಮಂದಿ ಆಟ ಆಡುವ ಮೂಲಕ ಟೈಮ್​​ಪಾಸ್​​ ಮಾಡುತ್ತಿದ್ದಾರೆ.