ಯೋಧ ಗಣೇಶ್​ ಕುಂಜಮ್​ ಪಾರ್ಥೀವ ಶರೀರ ಇಂದು ರಾಯ​ಪುರಕ್ಕೆ ಆಗಮನ

ಭಾರತ - ಚೀನಾ ಸಂಘರ್ಷದಲ್ಲಿ ಮಡಿದ ಯೋಧ ಗಣೇಶ್​ ಕುಂಜಮ್​ ಪಾರ್ಥೀವ ಶರೀರ ಇಂದು ಛತ್ತೀಸ್​ಗಢದ ರಾಯ​ಪುರಕ್ಕೆ ಆಗಮಿಸಲಿದೆ.

ರಾಯ​ಪುರ (ಛತ್ತೀಸ್​ಗಢ): ಭಾರತ-ಚೀನಾ ಸಂಘರ್ಷದಲ್ಲಿ ಮಡಿದ ಯೋಧ ಗಣೇಶ್​ ಕುಂಜಮ್​ ಪಾರ್ಥೀವ ಶರೀರ ಇಂದು ಮಧ್ಯಾಹ್ನ 1 ಗಂಟೆಗೆ ಜಿಲ್ಲೆಯ ಕಾಂಕೆರ್​ಗೆ ಆಗಮಿಸಲಿದೆ.

ಲಡಾಕ್​ನ ಗಾಲ್ವಾನ್​ ಕಣಿವೆಯಲ್ಲಿ ಭಾರತ - ಚೀನಾ ನಡುವೆ ನಡೆದ ಕಾದಾಟದಲ್ಲಿ 20 ಯೋಧರು ಹುತಾತ್ಮರಾಗಿದ್ದರು. ಅದರಲ್ಲಿ ಯೋಧ ಗಣೇಶ್​ ಕುಂಜಮ್​ ಸಹ ಮೃತರಾಗಿದ್ದು, ಅವರ ಸ್ವಗ್ರಾಮಕ್ಕೆ ಪಾರ್ಥೀವ ಶರೀರವನ್ನು ವಿಶೇಷ ವಿಮಾನದ ಮೂಲಕ ಕರೆ ತರಲಾಗುತ್ತಿದೆ.

ಗಣೇಶ್​ ಸಾವಿನ ಸುದ್ದಿ ತಿಳಿದ ಬಳಿಕ ಇಡೀ ಗ್ರಾಮದಲ್ಲಿ ನೀರವ ಮೌನ ಆವರಿಸಿದೆ. ನಮ್ಮ ಮಗ ದೇಶಕ್ಕಾಗಿ ಪ್ರಾಣ ತ್ಯಾಗ ಮಾಡಿದ್ದಾನೆ ಎಂದು ಗಣೇಶ್​ ಪೋಷಕರು ದುಃಖದ ನಡುವೆ ಹೆಮ್ಮೆಪಟ್ಟಿದ್ದಾರೆ.