ಪುರ್ಬಾ ಮದಿನಿಪುರ: ಪಶ್ಚಿಮ ಬಂಗಾಳದ ಪೂರ್ವ ಮದಿನಿಪುರ ಜಿಲ್ಲೆಯಲ್ಲಿ ಬಿಜೆಪಿ ಬೂತ್ ಲೇವಲ್ ಅಧ್ಯಕ್ಷರ ಶವ ಪತ್ತೆಯಾಗಿದೆ.
ರಾಮನಗರ -2 ಪುರಸಭೆ ಪ್ರದೇಶದಲ್ಲಿ ವಾರ್ಡ್ ಸಂಖ್ಯೆ 41ರ ಬಿಜೆಪಿ ಬೂತ್ ಅಧ್ಯಕ್ಷರಾಗಿದ್ದ 44 ವರ್ಷದ ಪೂರ್ಣಚಂದ್ರ ದಾಸ್ ಮೃತಪಟ್ಟವರಾಗಿದ್ದಾರೆ.
ಮರದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಶವ ಪತ್ತೆ
ಅವರ ಮನೆಯ ಸಮೀಪದ ರಸ್ತೆ ಬದಿಯ ಮರದಲ್ಲಿ ನೇಣು ಬಿಗಿದ ಸ್ಥಿತಿಯಲ್ಲಿ ಶವ ಪತ್ತೆಯಾಗಿದೆ. ಕಚೂರಿ ಗ್ರಾಮದ ಅರ್ಜುನಿ (41) ಬೂತ್ ಪ್ರದೇಶದಲ್ಲಿ ಈ ಘಟನೆ ನಡೆದಿದೆ. ಟಿಎಂಸಿ ಸದಸ್ಯರು ಪೂರ್ಣಚಂದ್ರ ದಾಸ್ ಅವರನ್ನ ಕೊಂದಿದ್ದಾರೆ ಎಂದು ಅವರ ಕುಟುಂಬ ವರ್ಗದವರು ಆರೋಪಿಸಿದ್ದಾರೆ. ಆದರೆ ಟಿಎಂಸಿ, ಬಿಜೆಪಿ ಕಾರ್ಯಕರ್ತರ ಈ ಆರೋಪಗಳನ್ನು ನಿರಾಕರಿಸಿದೆ.
