ನಿಮ್ಮ ಮಗುವಿಗೆ ಮಸಾಜ್​ ಮಾಡುವುದರಿಂದ ಇಷ್ಟೆಲ್ಲಾ ಪ್ರಯೋಜನವಿದೆ?

ನವಜಾತ ಶಿಶುವಿನಲ್ಲಿ ರೋಗ ನಿರೋಧಕ ಶಕ್ತಿ ದುರ್ಬಲವಾಗಿದ್ದು, ಬಹು ಬೇಗ ಆರೋಗ್ಯ ಕೆಡುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ರೋಗಕಾರಕಗಳು ಹತ್ತಿರ ಸುಳಿಯದಂತೆ ಮಗುವನ್ನು ರಕ್ಷಿಸಿಕೊಳ್ಳುವ ಜವಬ್ದಾರಿ ತಾಯಿಯದು ಆಗಿರುತ್ತದೆ. ಇನ್ನು ಮಕ್ಕಳಿಗೆ ಬಾಡಿ ಮಸಾಜ್​ ಮಾಡುವುದರಲ್ಲಿ ತುಂಬಾ ಲಾಭವಿದ್ದು, ಈ ಕುರಿತು ಎಎಮ್‌ಡಿ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಪ್ರಾಧ್ಯಾಪಕ ಡಾ.ರಾಜ್ಯಲಕ್ಷ್ಮಿ ಮಾಧವಂ ಹೀಗೆ ಹೇಳುತ್ತಾರೆ.

ನವಜಾತ ಮಗುವಿಗೆ ಬಾಡಿ ಮಸಾಜ್ ಮಾಡುವುದರಿಂದ ಮೂಳೆಗಳು ಮತ್ತು ಸ್ನಾಯುಗಳನ್ನು ಬಲಪಡಿಸಬಹುದು ಎಂದು ಹೈದರಾಬಾದ್‌ನ ಎಎಮ್‌ಡಿ ಆಯುರ್ವೇದ ವೈದ್ಯಕೀಯ ಕಾಲೇಜಿನ ಪ್ರಾಧ್ಯಾಪಕಿ ಡಾ.ರಾಜ್ಯಲಕ್ಷ್ಮಿ ಮಾಧವಂ ಹೇಳುತ್ತಾರೆ. “ನಾವು ಮಕ್ಕಳು ಜನಿಸಿದ ಒಂದು ವಾರದ ನಂತರ ಸಾಮಾನ್ಯವಾಗಿ ಅಭಂಗ ಅಥವಾ ಮಸಾಜ್ ಮಾಡಲು ಪ್ರಾರಂಭಿಸುತ್ತೇವೆ. ಇದನ್ನು ಮಾಡುವಾಗ ಬಹಳ ಎಚ್ಚರಿಕೆಯಿಂದ ಮತ್ತು ಅತ್ಯಂತ ಸಮಾಧಾನವಾಗಿ ಮಾಡಬೇಕು” ಎಂದು ಅವರು ಹೇಳುತ್ತಾರೆ. ಅಲ್ಲದೇ ಮಗುವಿಗೆ ಏನಾದರೂ ಮಾಡುವ ಮೊದಲು ವೈದ್ಯರನ್ನು ಸಂಪರ್ಕಿಸಲು ಅವರು ಶಿಫಾರಸು ಮಾಡುತ್ತಾರೆ. ಏಕೆಂದರೆ ಮಕ್ಕಳು ಈ ವಯಸ್ಸಿನಲ್ಲಿ ತುಂಬಾ ಸೂಕ್ಷ್ಮವಾಗಿರುತ್ತಾರೆ.

ಮಸಾಜ್​ ಮಾಡುವುದರಿಂದ ಆಗುವ ಪ್ರಯೋಜನಗಳು:

• ಆಯಾಸ ಕಡಿಮೆಯಾಗುತ್ತದೆ.
• ರಕ್ತ ಸಂಚಲನೆ ಸರಿಯಾಗಿ ಆಗುತ್ತದೆ.
• ಇದು ಜೀರ್ಣ ಕ್ರಿಯೆಯನ್ನು ಸುಧಾರಿಸುತ್ತದೆ. ಸಾಮಾನ್ಯವಾಗಿ ಮಳೆಗಾಲದಲ್ಲಿ ಮಕ್ಕಳಲ್ಲಿ ಜೀರ್ಣ ಕ್ರಿಯೆ ದುರ್ಬಲವಾಗಿರುತ್ತದೆ.
• ಮಗುವಿನ ಚರ್ಮದ ಹೊಳಪನ್ನು ಹೆಚ್ಚಿಸುತ್ತದೆ.
• ಕೂದಲುಗಳು ಸಮೃದ್ಧವಾಗಿ ಬೆಳೆಯುತ್ತವೆ.
• ಮೂಳೆ, ಕೀಲುಗಳು ಮತ್ತು ಸ್ನಾಯುಗಳು ಬಲಗೊಳ್ಳುತ್ತವೆ.
• ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ ಮತ್ತು ಕೆಲವು ಚರ್ಮದ ಕಾಯಿಲೆಗಳನ್ನು ತಡೆಯುತ್ತದೆ.

ಮಕ್ಕಳಿಗೆ ಮಸಾಜ್​ ಮಾಡುವ ವಿಧಾನ:

ಮಗುವಿಗೆ ಮಸಾಜ್ ಮಾಡುವಾಗ ಕೆಲವು ಕ್ರಮಗಳನ್ನು ಅನುಸರಿಸಬೇಕಾಗುತ್ತದೆ. ಈ ಕ್ರಮಗಳನ್ನು ಡಾ.ರಾಜ್ಯಲಕ್ಷ್ಮಿ ಹೀಗೆ ವಿವರಿಸುತ್ತಾರೆ. ಅಂದರೆ ಯಾವ ದೇಹದ ಭಾಗದಿಂದ ಪ್ರಾರಂಭಿಸಬೇಕು.

• ಮೊದಲಿಗೆ ತಲೆಯನ್ನು ಮಸಾಜ್​ ಮಾಡಬೇಕು.
• ಬಳಿಕ ಕಾಲಿನ ಅಂಗಾಲು
• ನಂತರ ಕೈ ಮತ್ತು ಕಾಲುಗಳು
• ಹೊಟ್ಟೆ ಮತ್ತು ಎದೆ
• ಕೊನೆಯಲ್ಲಿ ಬೆನ್ನಿಗೆ ಮಸಾಜ್​ ಮಾಡಲು ಸೂಚಿಸುತ್ತಾರೆ.

"ಕೇವಲ ದೈಹಿಕ ಪ್ರಯೋಜನಗಳಿಗಾಗಿ ಅಲ್ಲದೇ, ಮಸಾಜ್​ ಮಾಡುವುದರಿಂದ ತಾಯಿ ಮತ್ತು ಮಗುವಿನ ನಡುವೆ ಭಾವನಾತ್ಮಕ ಬಂಧನ ಬೆಳೆಯುತ್ತದೆ. ಆದ್ದರಿಂದ ನಿಯಮಿತ ಅಭಂಗ, ವಿಶೇಷವಾಗಿ ಅಕ್ಟೋಬರ್‌ನಿಂದ ಜನವರಿವರೆಗೆ ವಾರದಲ್ಲಿ 7 ದಿನ ಮಾಡುವುದು ಉತ್ತಮ”.

ಮಸಾಜ್​ ಮಾಡುವಾಗ ಏನೇನು ನೆನಪಿಟ್ಟುಕೊಳ್ಳಬೇಕು?

ಹೊಟ್ಟೆ ಮತ್ತು ಎದೆಯ ಭಾಗಕ್ಕೆ ಮಸಾಜ್ ಮಾಡುವಾಗ ವಿಶೇಷ ಕಾಳಜಿ ವಹಿಸಬೇಕು.

ಪ್ರತಿದಿನ 10-15 ನಿಮಿಷಗಳ ಕಾಲ ಮಸಾಜ್ ಮಾಡಬಹುದು.

ಮಸಾಜ್ ಮಾಡುವ ಮೊದಲು ನೀವು ಮಗುವಿಗೆ ಆಹಾರವನ್ನು ನೀಡಿದ್ದೀರಾ ಅಥವಾ ಇಲ್ಲವೇ ಎಂಬುದನ್ನು ಖಚಿತಪಡಿಸಿಕೊಳ್ಳಿ. ಖಾಲಿ ಹೊಟ್ಟೆಯಲ್ಲಿ ಮಾಡಿ ಅಥವಾ ಆಹಾರ ನೀಡಿದ ನಂತರ ಕನಿಷ್ಠ ಒಂದು ಗಂಟೆ ಕಾಯಿರಿ.

ಮಗು ಕೆಮ್ಮು, ಶೀತ, ಅತಿಸಾರ ಮುಂತಾದ ಆರೋಗ್ಯ ಸಮಸ್ಯೆಗಳಿಂದ ಬಳಲುತ್ತಿದ್ದರೆ ಸ್ವಲ್ಪ ಸಮಯದವರೆಗೆ ಅಭಂಗವನ್ನು ನಿಲ್ಲಿಸಿ.

ಮಸಾಜ್​ಗಾಗಿ ಮೃದುವಾದ ಎಣ್ಣೆಯನ್ನು ಬಳಸಿ

ದೇಹದ ಮೇಲೆ ಎಣ್ಣೆಯನ್ನು ಒಂದು ಗಂಟೆ ಬಿಟ್ಟು ನಂತರ ಮಗುವನ್ನು ಬಿಸಿ ನೀರಿನಿಂದ ಸ್ನಾನ ಮಾಡಿಸಿ.

ಮಸಾಜ್​ಗೆ ಯಾವ ತೈಲವನ್ನು ಬಳಸಬೇಕು?

ಶಿಶುಗಳಲ್ಲಿ ಅಭಂಗವನ್ನು ಮಾಡಲು ಡಾ.ರಾಜ್ಯಲಕ್ಷ್ಮಿ ಸೂಚಿಸಿದ ಕೆಲವು ತೈಲಗಳು ಇಲ್ಲಿವೆ.

• ಎಳ್ಳಿನ ಎಣ್ಣೆ
• ತೆಂಗಿನ ಎಣ್ಣೆ
• ಬಳಸಬಹುದಾದ ಕೆಲವು ಆಯುರ್ವೇದ ತೈಲಗಳು
• ಬಾಲಾ ತೈಲಾ
• ಬಾಲ ಅಶ್ವಗಂಧ ತೈಲಾ
• ಚಂದನ್ ಬಾಲಾ ತೈಲಾ
• ಲಕ್ಷಡಿ ತೈಲಾ
• ಮಂಜಿಸ್ತಾಡಿ ತೈಲಾ

ನಿಮ್ಮ ಮಗುವಿಗೆ ಯಾವ ತೈಲ ಉತ್ತಮವಾಗಿರುತ್ತದೆ ಎಂಬುದನ್ನು ತಿಳಿಯಲು ನೀವು ಆಯುರ್ವೇದ ವೈದ್ಯರನ್ನು ಸಂಪರ್ಕಿಸಬಹುದು.

ಎಣ್ಣೆಯ ಮಸಾಜ್​ ಕೇವಲ ಶಿಶುಗಳಿಗೆ ಮಾತ್ರವಲ್ಲ, ವಯಸ್ಕರು ಕೂಡ ಸ್ನಾನ ಮಾಡುವ ಮೊದಲು ಇದನ್ನು ಅನುಸರಿಸಬಹುದು. ಆಯುರ್ವೇದದ ಪ್ರಕಾರ, ಇದನ್ನು ‘ದಿನಾಚಾರ್ಯ’ ಅಥವಾ ದಿನಚರಿಯಲ್ಲಿ ಸೇರಿಸಲಾಗಿದೆ. ಕನಿಷ್ಠ 5-10 ನಿಮಿಷಗಳ ಮಸಾಜ್ ಮೈಕ್ರೊ ಸರ್ಕ್ಯುಲೇಷನ್ ಅನ್ನು ಸುಧಾರಿಸುತ್ತದೆ.