ನವದೆಹಲಿ: ರಾಜಧಾನಿಯಲ್ಲಿ ಉಷ್ಣಾಂಶ ಕುಸಿತ ಕಂಡಿದ್ದು, ಕನಿಷ್ಠ ತಾಪಮಾನವು 10.6 ಡಿಗ್ರಿ ಸೆಲ್ಸಿಯಸ್‌ ಇಳಿದಿದೆ. ಇದು ಈ ಋತುವಿನಲ್ಲಿ ದಾಖಲಾದ ಅತ್ಯಂತ ಕಡಿಮೆ ಉಷ್ಣಾಂಶವಾಗಿದೆ.
ಇನ್ನು ನಾಲ್ಕು ದಿನ ಇದೇ ರೀತಿ ತಾಪಮಾನ ಕಡಿಮೆಯಾಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿದೆ. ಈ ಮೊದಲೇ ನವೆಂಬರ್ ನಲ್ಲಿ ಭಾರಿ ಚಳಿ ಇರಲಿದೆ ಎಂದು ಐಎಂಡಿ ಮುನ್ಸೂಚನೆ ನೀಡಿತ್ತು.
ಹಿಮಾಚಲ ಪ್ರದೇಶದ ಡಾಲ್ಹೌಸಿ( 10.9 ಡಿಗ್ರಿ ಸೆ.), ಧರ್ಮಶಾಲಾ ( 10.6 ಡಿಗ್ರಿ ಸೆ.), ಮತ್ತು ಮಂಡಿ,( 10.2 ಡಿಗ್ರಿ ಸೆ.), ಮಸ್ಸೂರಿ ಯಲ್ಲಿ 10.4 ಡಿಗ್ರಿ ಸೆ. ಅಂದರೆ ದೆಹಲಿಗಿಂತ ಕಡಿಮೆ ಉಷ್ಣಾಂಶ ದಾಖಲಾಗಿದೆ. ಹಿಮಾಚಲದ ಶಿಮ್ಲಾ ಮತ್ತು ಉತ್ತರಾಖಂಡ್ದ ನೈನಿತಾಲ್ನ ದಿನದ ಉಷ್ಣಾಂಶ 10 ಸೆ. ಗಿಂತ ಕಡಿಮೆ ಇದೆ.
ಪಶ್ಚಿಮದಿಂದ ಬೀಸುತ್ತಿರುವ ಮಾರುತಗಳು ಈ ತಾಪಮಾನ ಕುಸಿತಕ್ಕೆ ಕಾರಣವಾಗಿದೆ ಎಂದು ತಿಳಿದು ಬಂದಿದೆ.
