ಖುಷಿನಗರ (ನವದೆಹಲಿ): ಶುಕ್ರವಾರ ಬಿಡುಗಡೆಯಾಗಿರುವ ರಾಷ್ಟ್ರೀಯ ಅರ್ಹತಾ ಪರೀಕ್ಷೆ (ನೀಟ್) ಫಲಿತಾಂಶದಲ್ಲಿ ದೆಹಲಿಯ ಆಕಾಂಕ್ಷ ಸಿಂಗ್ 720 ಅಂಕಗಳಿಗೆ 720 ಅಂಕ ಗಳಿಸಿ ದ್ವಿತೀಯ ಸ್ಥಾನ ಪಡೆದಿದ್ದಾರೆ.
ಒಡಿಶಾದ ಸೋಯೆಬ್ ಅಫ್ತಾಬ್ ಸಹ 720ಕ್ಕೆ 720 ಅಂಕ ಗಳಿಸಿದ್ದರು. ಆದರೆ ಆಕಾಂಕ್ಷ ನಡುವಿನ ಟೈ ಬ್ರೇಕಿಂಗ್ ನೀತಿಯ ಪ್ರಕಾರ ಆಕಾಂಕ್ಷ 2ನೇ ಸ್ಥಾನ ಪಡೆದಿದ್ದಾರೆ. ಅಧಿಕಾರಿಗಳ ಪ್ರಕಾರ, ಟೈ-ಬ್ರೇಕಿಂಗ್ ನೀತಿಯು ವಯಸ್ಸು, ವಿಷಯವಾರು ಅಂಕಗಳು ಮತ್ತು ತಪ್ಪಾದ ಉತ್ತರಗಳ ಸಂಖ್ಯೆಯಂತಹ ಅಂಶಗಳನ್ನು ಗಣನೆಗೆ ತೆಗೆದುಕೊಳ್ಳುತ್ತದೆ.
ಆಕಾಂಕ್ಷ ಸಿಂಗ್ ಅವರ ತಾಯಿ ರುಚಿ ಸಿಂಗ್ ಸರ್ಕಾರಿ ಪ್ರಾಥಮಿಕ ಶಾಲೆಯ ಪ್ರಿನ್ಸಿಪಾಲ್ ಆಗಿದ್ದು, ತಂದೆ ರಾಜೇಂದ್ರ ಕುಮಾರ್ ರಾವ್ ಭಾರತೀಯ ವಾಯುಪಡೆಯಲ್ಲಿ ಸೇವೆ ಸಲ್ಲಿಸಿ ನಿವೃತ್ತರಾಗಿದ್ದಾರೆ.
ಇದನ್ನೂ ಓದಿ: ಎಡವಟ್ಟು: ನೀಟ್ ಪರೀಕ್ಷೆಗೆ ಹಾಜರಾಗಿದ್ದವರಿಗಿಂತ ಉತ್ತೀರ್ಣರಾದವರೇ ಹೆಚ್ಚು!
ಕುಟುಂಬಸ್ಥರ ಪ್ರಕಾರ, ಆಕಾಂಕ್ಷ ಸ್ಥಳೀಯ ಸಂಸ್ಥೆಯೊಂದರಲ್ಲಿ ಕೋಚಿಂಗ್ಗಾಗಿ ಸೇರಿದ್ದರು. ಆದರೆ ಆಕೆಯ ಪ್ರತಿಭೆಯನ್ನು ಕಂಡು ಸಂಸ್ಥೆಯೇ ದೆಹಲಿಯ ಉನ್ನತ ಕೋಚಿಂಗ್ ಸೆಂಟರ್ಗೆ ಕಳುಹಿಸಿಕೊಟ್ಟಿತ್ತು. ಇದು ಆಕೆಯ ದೊಡ್ಡ ಯಶಸ್ಸಿಗೆ ಕಾರಣವಾಯಿತು ಎಂದಿದ್ದಾರೆ.
