ಮೋರ್ಬಿ(ಗುಜರಾತ್): ಮಹಾಮಾರಿ ಕೊರೊನಾ ಅಬ್ಬರ ದೇಶದಲ್ಲಿ ಜೋರಾಗಿದೆ. ಇದರಿಂದ ತಪ್ಪಿಸಿಕೊಳ್ಳಲು ದೇಶಾದ್ಯಂತ ಲಾಕ್ಡೌನ್ ವಿಸ್ತರಣೆ ಮಾಡಲಾಗಿದೆ. ಪರಿಣಾಮ ಅಗತ್ಯವಸ್ತುಗಳು ಲಭ್ಯವಾಗದೆ ಜನರು ತೊಂದರೆಗೆ ಸಿಲುಕಿದ್ದಾರೆ. ಆದ್ರೆ, ಇಲ್ಲೊಬ್ಬ ಮಾಡಬಾರದ್ದನ್ನು ಮಾಡಲು ಹೋಗಿ ಪೊಲೀಸರ ಅತಿಥಿಯಾಗಿದ್ದಾನೆ.
ಡ್ರೋಣ್ ಮೂಲಕ ತಂಬಾಕು ಮಿಶ್ರಿತ ಪಾನ್ ಸಾಗಣೆ
ಗುಜರಾತ್ನ ಈ ವ್ಯಕ್ತಿ ಮನೆಯಲ್ಲೇ ನಿರ್ಮಿಸಿದ್ದ ತಂಬಾಕು ಮಿಶ್ರಿತ ಪಾನ್-ಮಸಾಲಾ ಸಾಮಾಗ್ರಿಗಳನ್ನು ಡ್ರೋಣ್ ಮೂಲಕ ಜನರಿಗೆ ತಲುಪಿಸಲು ಮುಂದಾಗಿದ್ದ. ಅಷ್ಟೇ ಅಲ್ಲ, ತಾನು ತಂಬಾಕು ಮಿಶ್ರಿತ ಸಾಮಾಗ್ರಿ ಡ್ರೋಣ್ ಮೂಲಕ ಸಾಗಾಣೆ ಮಾಡ್ತಿದ್ದ ವಿಡಿಯೋವನ್ನು ಟಿಕ್ಟಾಕ್ನಲ್ಲೂ ಹರಿಬಿಟ್ಟಿದ್ದಾನೆ. ಇದನ್ನು ಪೊಲೀಸರು ಗಮನಿಸಿ ತಕ್ಷಣ ಕಾರ್ಯಪ್ರವೃತ್ತರಾಗಿ ಆತನನ್ನು ಬಂಧಿಸಿ, ಕ್ರಮ ಕೈಗೊಂಡಿದ್ದಾರೆ.
