ದೇವಾಸ್(ಮಧ್ಯಪ್ರದೇಶ): ಇಂದಿನ ಯುವ ಪೀಳಿಗೆಯಲ್ಲಿ ಮೊಬೈಲ್ ಟಿಕ್ಟಾಕ್ ಆ್ಯಪ್ ಹುಚ್ಚು ಎಷ್ಟರ ಮಟ್ಟಿಗೆ ಇದೆ ಅಂದ್ರೆ ವಿಡಿಯೋ ತೆಗೆದುಕೊಳ್ಳಲು ತಮ್ಮ ಪ್ರಾಣವನ್ನು ಕಳೆದುಕೊಳ್ಳುವ ಹಂತ ತಲುಪಿದ್ದಾರೆ. ಇಷ್ಟಕ್ಕೂ ಇಂಥ ಅನೇಕ ಘಟನೆಗಳು ನಡೆದು ಹೋಗಿವೆ. ಇದಕ್ಕೆ ಲೇಟೆಸ್ಟ್‌ ಉದಾಹರಣೆ ಇಲ್ಲಿದೆ ನೋಡಿ.
ಮಧ್ಯಪ್ರದೇಶದ ದೇವಾಸ್ನಲ್ಲಿ ಈ ಘಟನೆ ನಡೆದಿದೆ. ಇಲ್ಲಿನ ಬೆಹಾರಿ ಫೇಟ್ನ್ ಸಮುದಾಯ ಕಟ್ಟಡದಲ್ಲಿ ಹೆಬ್ಬಾವು ಕಂಡು ಬಂದಿದೆ. ಈ ಬಗ್ಗೆ ಕುತೂಹಲ ಹೆಚ್ಚಿಸಿಕೊಂಡ ಯಶ್ ಎಂಬ ಯುವಕ ತಕ್ಷಣ ಹಾವಿನ ಸನಿಹ ಕುಳಿತು ಸಣ್ಣದೊಂದು ಟಿಕ್ಟಾಕ್ ವಿಡಿಯೋ ಮಾಡೋಕೆ ಮುಂದಾಗಿದ್ದಾನೆ.
ವಿಡಿಯೋ ಮಾಡಲು ಆತನ ಸಂಗಾತಿಗೆ ಹೇಳಿ ಮೊಬೈಲ್ ಆಕೆಯ ಕೈಯಲ್ಲಿ ಕೊಟ್ಟಿದ್ದಾನೆ. ಟಿಕ್ಟಾಕ್ ಮಾಡಲು ಆತ ಮುಂದಾಗ್ತಿದ್ದಂತೆ ಹೆಬ್ಬಾವು ಏಕಾಏಕಿ ಆತನ ಕೈಗೆ ಕಚ್ಚಿಬಿಟ್ಟಿದೆ. ಘಟನೆಯಿಂದ ಗಾಯಗೊಂಡ ಯುವಕನನ್ನು ಸಮುದಾಯ ಆರೋಗ್ಯ ಭವನಕ್ಕೆ ಸೇರಿಸಲಾಗಿದೆ. ಈ ವಿಚಾರ ತಿಳಿದ ಅರಣ್ಯ ಇಲಾಖೆ ಸಿಬ್ಬಂದಿ ಸ್ಥಳಕ್ಕೆ ಆಗಮಿಸಿ ಹೆಬ್ಬಾವನ್ನು ಸುರಕ್ಷಿತವಾಗಿ ಹಿಡಿದು ಅರಣ್ಯ ಪ್ರದೇಶಕ್ಕೆ ಬಿಟ್ಟಿದ್ದಾರೆ.
