ಹೊಸದಿಲ್ಲಿ: ಕೊರೊನಾ ವೈರಸ್ ಹರಡುವಿಕೆಯನ್ನು ತಡೆಯಲು ದೇಶದಲ್ಲಿ ವಿಧಿಸಲಾಗಿರುವ 21 ದಿನಗಳ ಲಾಕ್ಡೌನ್ ಏ.14 ರಂದು ಅಂತ್ಯವಾಗಲಿದ್ದು, ಲಾಕ್ಡೌನ್ ಇನ್ನೂ ಕೆಲ ಅವಧಿಗೆ ಮುಂದುವರಿಸಬೇಕೆಂದು ಶೇ.88 ರಷ್ಟು ಜನ ಅಭಿಪ್ರಾಯಪಟ್ಟಿದ್ದಾರೆ.
ಗುರುವಾರ ನಡೆಸಲಾದ ಜನಾಭಿಪ್ರಾಯ ಸಂಗ್ರಹಣೆಯಲ್ಲಿ ಈ ಮಾಹಿತಿ ಬಹಿರಂಗವಾಗಿದೆ. ಆ್ಯಪ್ವೊಂದರ ಮೂಲಕ ನಡೆಸಲಾದ ಈ ಪೋಲ್ನಲ್ಲಿ 40,000 ಜನ ಅಭಿಪ್ರಾಯ ಹಂಚಿಕೊಂಡಿದ್ದು, ಶೇ.92 ರಷ್ಟು ಜನ ಕೋವಿಡ್-19 ಟೆಸ್ಟ್ ನಡೆಸಲು ಖಾಸಗಿ ಆಸ್ಪತ್ರೆಗಳಿಗೆ ಅವಕಾಶ ನೀಡಬೇಕೆಂದು ಹೇಳಿದ್ದಾರೆ. ಆನ್ಲೈನ್ ಆ್ಯಪ್ಗಳ ಮೂಲಕ ಆಹಾರ ಆರ್ಡರ್ ಮಾಡುವುದನ್ನು ಬಿಟ್ಟಿರುವುದಾಗಿ ಶೇ.88 ರಷ್ಟು ಜನ ಹೇಳಿದ್ದು ಸಹ ಗಮನಾರ್ಹವಾಗಿದೆ.
"ಕೋವಿಡ್-19 ಹರಡದಂತೆ ತಡೆಯಲು ಲಾಕ್ಡೌನ್ ಒಂದೇ ಪರಿಣಾಮಕಾರಿ ವಿಧಾನವಾಗಿದೆ" ಎಂದು ಬಹುತೇಕರ ಅಭಿಪ್ರಾಯವಾಗಿದ್ದು, ಏ.14 ರ ನಂತರವೂ ಲಾಕ್ಡೌನ್ ಮುಂದುವರಿಯಲಿ ಎಂದು ಶೇ.88 ರಷ್ಟು ಜನ ಹೇಳಿದ್ದಾರೆ.
