ನವದೆಹಲಿ: ಕೋವಿಡ್ ಪರಿಸ್ಥಿತಿಯನ್ನೇ ಬಂಡವಾಳ ಮಾಡಿಕೊಂಡು ಭಾರತ ಸೇರಿದಂತೆ ಜಗತ್ತಿನಾದ್ಯಂತ ರಾಷ್ಟ್ರಗಳಲ್ಲಿ ದೇಣಿಗೆ ಮತ್ತಿತರ ಹೆಸರಿನಲ್ಲಿ ಸೈಬರ್ ದಾಳಿಗಳು ಹೆಚ್ಚಾಗುತ್ತಿದ್ದು, ಭಾರತದಲ್ಲಿ ವಿವಿಧ ಸಂಸ್ಥೆಗಳ ಇ-ಮೇಲ್ ಖಾತೆಗಳು ಸೈಬರ್ ಖದೀಮರ ವಂಚನೆಗೆ ರಹದಾರಿಯಾಗಿದೆ.
ಕೋವಿಡ್ ಸಂಬಂಧಿತ ಶೇ. 72 ರಷ್ಟು ಸೈಬರ್ ದಾಳಿಗಳು ಅಥವಾ ಫಿಶಿಂಗ್ ಅಟ್ಯಾಕ್ಗಳು ಮಿಂಚಂಚೆ ಮುಖಾಂತರವೇ ನಡೆಯುತ್ತಿದ್ದು, ವ್ಯಕ್ತಿಗಳನ್ನು ಮೋಸದ ಬಲೆಗೆ ಕೆಡವಲು ವಂಚಕರು ಅವರ ವಿಶ್ವಾಸಾರ್ಹ ವ್ಯಕ್ತಿಗಳ ಇ-ಮೇಲ್ ಐಡಿ ಬಳಸಿಕೊಳ್ಳುತ್ತಿದ್ದಾರೆ.
ಶೇ. 13 ರಷ್ಟು ಸೈಬರ್ ದಂಧೆಕೋರರು ವಿವಿಧ ಸಂಸ್ಥೆಗಳ ಆಂತರಿಕ ವಿಶ್ವಾಸಾರ್ಹ ಇ-ಮೇಲ್ ಖಾತೆಗಳ ಮೂಲಕ ವಂಚನೆ ಮಾಡುತ್ತಿದ್ದಾರೆ. ಹೀಗಾಗಿ, ಸಂಸ್ಥೆಗಳು ಬಾಹ್ಯ ವಂಚನೆಯ ಇ-ಮೇಲ್ ದಾಳಿಗಳನ್ನು ತಡೆಯಲು, ತಮ್ಮ ಇ-ಮೇಲ್ ಖಾತೆಗಳ ಭದ್ರೆತಯನ್ನು ಹೆಚ್ಚಿಸಿಕೊಳ್ಳುವ ಅಗತ್ಯವಿದೆ ಎಂದು ಕ್ಲೌಡ್ ಸೆಕ್ಯರಿಟಿ ಸಂಸ್ಥೆ ಬಾರಾಕುಡಾ ನೆಟ್ವರ್ಕ್ನ ವರದಿ ತಿಳಿಸಿದೆ.
ಓದಿ: ಮಧ್ಯರಾತ್ರಿ ಅಪರಿಚಿತರು ವಿಡಿಯೊ ಕಾಲ್ ಮಾಡುತ್ತಿದ್ದಾರಾ..? ಕರೆ ಸ್ವೀಕರಿಸುವ ಮುನ್ನ ಈ ಸ್ಟೋರಿ ನೋಡಿ
ಬ್ಯುಸಿನೆಸ್ ಇ-ಮೇಲ್ ಖಾತೆಗಳು ಸೈಬರ್ ಖದೀಮರಿಗೆ ಹೆಚ್ಚು ಲಾಭದಾಯವಾಗಿರುವುದರಿಂದ ಈ ರೀತಿಯ ದಾಳಿಗಳು ಹೆಚ್ಚುತ್ತಿವೆ. ಕೋವಿಡ್-19 ಬಗ್ಗೆ ಜನರಲ್ಲಿ ಭಯ ಹುಟ್ಟಿಸಿ, ಮೋಸದ ಖೆಡ್ಡಾಗೆ ಕೆಡವಿ ಸೈಬರ್ ವಂಚಕರು ತಮ್ಮ ಕಾರ್ಯ ಸಾಧಿಸಿಕೊಳ್ಳುತ್ತಿದ್ದಾರೆ.
ಸೈಬರ್ ದಾಳಿಗಳಲ್ಲಿ ಶೇ.71 ರಷ್ಟು ಯುಆರ್ಎಲ್ ಮುಖಾಂತರ ನಡೆದರೆ, ಇತರ ಶೇ. 30 ರಷ್ಟು ಬ್ಯುಸಿನೆಸ್ ದಾಳಿಗಳು ಒಂದು ಲಿಂಕ್ ಮುಖಾಂತರ ನಡೆಯುತ್ತವೆ ಎಂದು ಸಂಶೋಧನೆಗಳು ಹೇಳಿವೆ.
