ಕಾರು ಹರಿದರೂ ಬಚಾವ್​ ಆದ ಬಾಲಕ.. ವಿಡಿಯೋ ನೋಡಿದ್ರೆ ಮೈ ಜುಮ್ಮೆನ್ನುತ್ತೆ

ಏಳು ವರ್ಷದ ಬಾಲಕನೊಬ್ಬ ತನ್ನ ಮೇಲೆ ಕಾರು ಹರಿದರೂ ಅದೃಷ್ಟವಶಾತ್​ ಬಚಾವಾಗಿರುವ ಘಟನೆ ಗುಜರಾತ್​ನ ಸೂರತ್​ನಲ್ಲಿ ಕಳೆದ ಸೋಮವಾರ ನಡೆದಿದೆ.

ಸೂರತ್​: ಏಳು ವರ್ಷದ ಬಾಲಕನೊಬ್ಬ ತನ್ನ ಮೇಲೆ ಕಾರು ಹರಿದರೂ ಅದೃಷ್ಟವಶಾತ್​ ಬಚಾವಾಗಿರುವ ಘಟನೆ ಗುಜರಾತ್​ನ ಸೂರತ್​ನಲ್ಲಿ ಕಳೆದ ಸೋಮವಾರ ನಡೆದಿದೆ.
ಇಲ್ಲಿನ ವರಚ್ಚಾ ನಗರದ ಹರೇ ಕೃಷ್ಣ ಸೊಸೈಟಿಯಲ್ಲಿರುವ ಪಾರ್ಕಿಂಗ್​ ಯಾರ್ಡ್​ನಲ್ಲಿ ಮಗು ಆಡುತ್ತಿತ್ತು. ಬಾಲಕನು ಛತ್ರಿ ಹಿಡಿದು ಬಚ್ಚಿಟ್ಟುಕೊಳ್ಳುತ್ತಿದ್ದಾಗ ಹಿಮ್ಮುಖವಾಗಿ ಬಂದ ಕಾರು ಬಾಲಕನ ಮೇಲೆ ಹರಿದಿದೆ.

ಕಾರಿನ ಮಧ್ಯ ಭಾಗದಲ್ಲಿ ಸಿಕ್ಕಿಹಾಕಿಕೊಂಡಿದ್ದರಿಂದ ಅದೃಷ್ಟವಶಾತ್​ ಬಾಲಕನಿಗೆ ಏನೂ ಆಗಿಲ್ಲ. ಇದನ್ನು ಗಮನಿಸಿದ ನೆರೆ ಹೊರೆಯವರು ಓಡಿ ಬಂದು ಬಾಲಕನನ್ನು ಬಚಾವ್​ ಮಾಡಿದ್ದಾರೆ. ಪಾರ್ಕಿಂಗ್​ ಜಾಗದಲ್ಲಿ ಅಳವಡಿಸಲಾಗಿದ್ದ ಸಿಸಿ ಕ್ಯಾಮೆರಾ ವಿಡಿಯೋದಲ್ಲಿ ಈ ದೃಶ್ಯಗಳು ಸೆರೆಯಾಗಿದ್ದು, ಬೆಚ್ಚಿ ಬೀಳಿಸುವಂತಿದೆ