2020 ಟೋಕಿಯೋ ಒಲಿಂಪಿಕ್​​​... ಅರ್ಹತೆ ಪಡೆದುಕೊಂಡ 64 ಭಾರತೀಯ ಅಥ್ಲೀಟ್ಸ್​​!

2020ರ ಟೋಕಿಯೋ ಒಲಿಂಪಿಕ್ಸ್​​ನಲ್ಲಿ ಭಾಗಿಯಾಗಲು ಭಾರತದ 64 ಅಥ್ಲೀ​ಟ್ಸ್​​​​​​ಗಳು ಈಗಾಗಲೇ ಅರ್ಹತೆ ಪಡೆದುಕೊಂಡಿದ್ದಾರೆ.

ಮುಂಬೈ: 2020 ಟೋಕಿಯೋ ಒಲಿಂಪಿಕ್​​​ನಲ್ಲಿ ಒಟ್ಟು 206 ರಾಷ್ಟ್ರಗಳ 11 ಸಾವಿರಕ್ಕೂ ಹೆಚ್ಚು ಕ್ರೀಡಾಪಟುಗಳು ಭಾಗಿಯಾಗಲಿದ್ದು, ಭಾರತದ ಅಥ್ಲೀಟ್ಸ್​ಗಳು ಅದರಲ್ಲಿ ಭಾಗಿಯಾಗಲಿದ್ದಾರೆ.

2020ರ ಟೋಕಿಯೋ ಒಲಂಪಿಕ್ಸ್​​

ಜುಲೈ 24ರಿಂದ ಆಗಸ್ಟ್​ 9ರವರೆಗೆ ನಡೆಯಲಿರುವ ಕ್ರೀಡಾ ಹಬ್ಬದಲ್ಲಿ ಎಲ್ಲ ದೇಶದ ಪ್ರಮುಖ ಕ್ರೀಡಾಪಟುಗಳು ಭಾಗಿಯಾಗಲಿದ್ದು, ಈ ಸ್ಪರ್ಧೆಯಲ್ಲಿ ಭಾಗಿಯಾಗಲು ಈಗಾಗಲೇ ಭಾರತದ 64 ಅಥ್ಲೀ​ಟ್ಸ್​​​​​​ಗಳು ಅರ್ಹತೆ ಪಡೆದುಕೊಂಡಿದ್ದಾರೆ.

ಬಿಲ್ಲುಗಾರಿಕೆಯಲ್ಲಿ ಅಹರ್ತೆ

ಬಿಲ್ಲುಗಾರಿಕೆಯಲ್ಲಿ ತರುಂದೀಪ್​ ರೈ, ಅಟನು ದಾಸ್​ ಮತ್ತು ಪ್ರವೀಣ್​ ಜಾಧವ್​ ಅರ್ಹತೆ ಪಡೆದುಕೊಂಡಿದ್ದು, ಅಥ್ಲೆಟಿಕ್ಸ್​​ನಲ್ಲಿ ಇರ್ಫಾನ್​ ಕೊಲೊತುಮ್​ (ಪುರುಷರ 20 ಕಿ.ಮೀ ಓಟದ ಸ್ಪರ್ಧೆ), ಅವಿನಾಶ್ ಸೇಬಲ್ (ಪುರುಷರ 3000 ಮೀಟರ್ ಸ್ಟೀಪಲ್‌ಚೇಸ್), ನೀರಜ್ ಚೋಪ್ರಾ (ಪುರುಷರ ಜಾವೆಲಿನ್ ಥ್ರೋ), ಭಾವನಾ ಜಾಟ್ (ಮಹಿಳಾ 20 ಕಿ.ಮೀ ಓಟದ ಸ್ಪರ್ಧೆ) ಮತ್ತು ಮುಹಮ್ಮದ್ ಅನಸ್, ವಿ.ಕೆ.ವಿಶ್ಮಯ ಮತ್ತು ಜಿಸ್ನಾ ನಥೆವಾ (4 * 400 ಮೀ ಮಿಶ್ರ ರಿಲೇ ತಂಡ) ಅವಕಾಶ ಪಡೆದುಕೊಂಡಿದ್ದಾರೆ.

ಶೂಟಿಂಗ್​ನಲ್ಲಿ ಭಾರತ ತಂಡ

ಹಾಕಿಯಲ್ಲೂ ಭಾರತ ಅವಕಾಶ ಪಡೆದುಕೊಂಡಿದ್ದು, ಅದರಲ್ಲಿ 16 ಕ್ರೀಡಾಪಟುಗಳಿರುತ್ತಾರೆ. ಶೂಟಿಂಗ್​​ನಲ್ಲಿ ಮನು ಭಾಕರ್​,ಸೌರಭ್​ ಚೌಧರಿ, ಅಭಿಷೇಕ್​ ವರ್ಮಾ, ಪನ್ವಾರ್​ ಹಾಗೂ ದೀಪಕ್​ ಕುಮಾರ್​ ಅವಕಾಶ ಗಿಟ್ಟಿಸಿಕೊಂಡಿದ್ದಾರೆ.

ಹಾಕಿಯಲ್ಲಿ ಟೀಂ ಇಂಡಿಯಾ

ಕುಸ್ತಿಯಲ್ಲಿ ರವಿ ಕುಮಾರ್​, ಭಜರಂಗ್​ ಪುನಿಯಾ, ದೀಪಕ್​ ಪುನಿಯಾ ಮತ್ತು ವಿನೇಶ್​ ಪೋಗಟ್​ ಅರ್ಹತೆ ಪಡೆದುಕೊಂಡಿದ್ದಾರೆ.

ನೀರಜ್ ಚೋಪ್ರಾ, ಜಾವೆಲಿನ್​ ಥ್ರೋ