ಹೊತ್ತಿ ಉರಿಯುತ್ತಲೇ ಇದೆ ತೈಲಬಾವಿ, ಅಗ್ನಿಶಾಮಕ ಸಿಬ್ಬಂದಿ ಸಾವು: ಅಮೆರಿಕದಿಂದ ಬಂದ ಎಕ್ಸ್​​​​ಪರ್ಟ್ಸ್​​​​!

ಅಸ್ಸೋಂ ರಾಜ್ಯದ ತಿನ್ಸುಕಿಯಾದಲ್ಲಿ ತೈಲಬಾವಿಯೊಂದು ಹೊತ್ತಿ ಉರಿಯುತ್ತಿದ್ದು, ಬೆಂಕಿ ನಂದಿಸಲು ಹೋಗಿ ಅಗ್ನಿಶಾಮಕ ದಳದ ಸಿಬ್ಬಂದಿ ಸಾವನ್ನಪ್ಪಿದ್ದಾರೆ. ಬೆಂಕಿ ನಿಯಂತ್ರಣಕ್ಕೆ ಬಾರದ ಹಿನ್ನೆಲೆ ಅಮೆರಿಕ ಮತ್ತು ಕೆನಾಡದಿಂದ ನುರಿತ ತಜ್ಞರು ಆಗಮಿಸಿದ್ದಾರೆ.

ಗುವಾಹಟಿ: ತಿನ್ಸುಕಿಯಾದಲ್ಲಿರುವ ಬೇಘ್ಜನ್​​​​​​ ನ ಆಯಿಲ್​ ಇಂಡಿಯಾ ಲಿಮಿಟೆಡ್​​​​ನ ತೈಲಬಾವಿಯಲ್ಲಿ ಹೊತ್ತಿಕೊಂಡ ಬೆಂಕಿಯನ್ನ ನಿಯಂತ್ರಣಕ್ಕೆ ತರಲು ಸಿಬ್ಬಂದಿ ಹರ ಸಾಹಸ ಮಾಡುತ್ತಿದ್ದಾರೆ.

ಬೆಂಕಿಯ ಕೆನ್ನಾಲಿಗೆ ತಹಬದಿಗೆ ತರಲು ಅಮೆರಿಕ ಹಾಗೂ ಕೆನಡಾದಿಂದ ನುರಿತ ತಜ್ಞರನ್ನ ಕರೆಯಿಸಿಕೊಳ್ಳಲಾಗಿದೆ. ಅಮೆರಿಕದಿಂದ ಬಂದಿರುವ ಎಕ್ಸ್​​ಪರ್ಟ್​​ಗಳು ನಿನ್ನೆಯೇ ಅಸ್ಸೋಂ ತಲುಪಿದ್ದಾರೆ.

ತೈಲಬಾವಿಯ ಬೆಂಕಿಗೆ ಈಗಾಗಲೇ ಅಗ್ನಿಶಾಮಕ ಸಿಬ್ಬಂದಿ ಬಲಿಯಾಗಿದ್ದಾರೆ. ಈ ನಡುವೆ ತೈಲಬಾವಿಯ ಸುತ್ತಮುತ್ತಲ 1.5 ಕಿಮಿ ವ್ಯಾಪ್ತಿಯನ್ನ ರೆಡ್​ ಝೋನ್​ ಎಂದು ಘೋಷಿಸಲಾಗಿದೆ. ಸಾರ್ವಜನಿಕರಿಗೆ ಅಪಾಯ ಆಗದಂತೆ ಕ್ರಮಕೈಗೊಳ್ಳಲಾಗಿದೆ.