ಲಂಡನ್: 23 ವರ್ಷದ ಮಾಡೆಲ್ ಮುದ್ದಾದ ಹೆಣ್ಣು ಮಗುವಿಗೆ ಜನ್ಮ ನೀಡುವವರೆಗೂ ಆಕೆಗೆ ತಾನು ಗರ್ಭಿಣಿ ಎನ್ನುವುದೇ ಗೊತ್ತಿರಲಿಲ್ಲವಂತೆ! ಸ್ನಾನದ ಕೋಣೆಯಲ್ಲಿ ಮಗುವಿಗೆ ಜನ್ಮ ನೀಡುವ 10 ನಿಮಿಷಗಳ ಮೊದಲು ಈ ಬಗ್ಗೆ ಮನದಟ್ಟಾಗಿದೆ ಎಂದು ಆಕೆ ಹೇಳಿಕೊಂಡಿದ್ದಾಳೆ.
ಲಂಡನ್ ಮೂಲದ ಮೂಲದ ಮಾಡೆಲ್ ಎರಿನ್ ಲ್ಯಾಂಗ್ಮೇಡ್ ಬಾತ್ರೂಂನಲ್ಲಿ ಮಗುವಿಗೆ ಜನ್ಮ ನೀಡಿರುವ ಮಹಿಳೆ. ದೇಹದಲ್ಲಿ ಯಾವುದೇ ರೀತಿಯ ಬದಲಾವಣೆ ಕಂಡು ಬಂದಿಲ್ಲವಾದ್ರಿಂದ ತಾನು ಗರ್ಭ ಧರಿಸಿರುವ ಬಗ್ಗೆ ಸುಳಿವು ಸಿಕ್ಕಿರಲಿಲ್ಲ. ಹೊಟ್ಟೆ ಉಬ್ಬಲಿಲ್ಲ, ಆರೋಗ್ಯದಲ್ಲಿಯೂ ಯಾವ ರೀತಿಯಲ್ಲೂ ಏರುಪೇರಾಗಲಿಲ್ಲ ಎಂದು ಆಕೆ ಹೇಳಿದ್ದಾಳೆ.
ಎರಿನ್ ಲ್ಯಾಂಗ್ಮೇಡ್ ತನ್ನ ಗಂಡನೊಂದಿಗಿರುವ ಅನೇಕ ಪೋಟೋಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಶೇರ್ ಮಾಡಿದ್ದಾಳೆ. ಅದ್ರಲ್ಲೂ ಆಕೆ ಗರ್ಭಿಣಿ ಎಂದು ಸಾಬೀತುಪಡಿಸುವ ಒಂದೇ ಒಂದು ಪೋಟೋ ಕೂಡಾ ಲಭ್ಯವಾಗಿಲ್ಲ. ಇದೀಗ ಮಗು ಹಾಗೂ ಗಂಡನೊಂದಿಗಿರುವ ಪೋಟೋ ಹಂಚಿಕೊಂಡಿದ್ದಾಳೆ.
ಈ ಅಚ್ಚರಿಯ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿರುವ ವೈದ್ಯರು, ಅಪರೂಪಕ್ಕೊಮ್ಮೆ ಇಂಥ ಮೆಡಿಕಲ್ ಕೇಸ್‌ಗಳು ನಡೆಯುತ್ತವೆ ಅದರಲ್ಲಿ ಆಶ್ಚರ್ಯ ಪಡುವಂಥದ್ದೇನಿಲ್ಲ ಎಂದು ಹೇಳಿದ್ದಾರೆ.
