ಕಾನ್ಪುರ್(ಉತ್ತರ ಪ್ರದೇಶ): ಬಾಲಿವುಡ್ ಗಾಯಕಿ ಕನಿಕಾ ಕಪೂರ್ಗೆ ಕೊರೊನಾ ಸೋಂಕು ಕಂಡು ಬಂದ ಹಿನ್ನೆಲೆಯಲ್ಲಿ ಅವರ ಸಂಪರ್ಕದಲ್ಲಿದ್ದ 56 ಮಂದಿಯನ್ನು ಪರೀಕ್ಷೆಗೆ ಒಳಪಡಿಸಲಾಗಿದೆ. ಇದರಲ್ಲಿ 11 ಮಂದಿಯ ವರದಿ ಹೊರಬಂದಿದ್ದು, ಅಷ್ಟೂ ಮಂದಿಯಲ್ಲಿ ಸೋಂಕು ಇಲ್ಲ ಎಂದು ತಿಳಿದುಬಂದಿರುವುದಾಗಿ ಹಿರಿಯ ಅಧಿಕಾರಿಗಳು ತಿಳಿಸಿದ್ದಾರೆ.
ಕಾನ್ಪುರ್ ಜಿಲ್ಲೆಯ ಮ್ಯಾಜಿಸ್ಟ್ರೇಟ್ ಆಗಿದ್ದ ದಿಯೋ ರಾಮ್ ತಿವಾರಿ ''ಕನಿಕಾ ಕಪೂರ್ ಮಾರ್ಚ್ 13ರಂದು ತನ್ನ ಸಂಬಂಧಿಯಾದ ವಿಪುಲ್ ಟಂಡನ್ ಎಂಬುವರ ಕುಟುಂಬದ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದರು'' ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಮುಖ್ಯ ವೈದ್ಯಾಧಿಕಾರಿ ಅಶೋಕ್ ಶುಕ್ಲಾ ''ನಾವು ಅಷ್ಟೂ ಮಂದಿಯ ಸ್ಯಾಂಪಲ್ಗಳನ್ನು ಶುಕ್ರವಾರ, ಶನಿವಾರ ಸಂಗ್ರಹಣೆ ಮಾಡಿದ್ದು ಎಲ್ಲರ ವರದಿಯನ್ನು ಶೀಘ್ರದಲ್ಲೇ ನಿರೀಕ್ಷಿಸಲಾಗಿದೆ. ಕನಿಕಾ ಕಪೂರ್ ಸಂಬಂಧಿ ಟಂಡನ್ ಪರೀಕ್ಷಾ ವರದಿಯಲ್ಲಿ ನೆಗೆಟಿವ್ ಬಂದಿದೆ'' ಎಂದಿದ್ದಾರೆ. ಲಕ್ನೋ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿರುವ ಕನಿಕಾ ಕಪೂರ್ ಮೇಲೆ ಈ ಹಿಂದೆ ಚಿಕಿತ್ಸೆಗೆ ಸಹಕಾರ ನೀಡದ ಆರೋಪ ಕೇಳಿಬಂದಿತ್ತು.
