ಕಾಶ್ಮೀರದಲ್ಲಿ ವಸಂತ ಕಾಲ ಆರಂಭ: ಪ್ರವಾಸಿಗರನ್ನು ಕೈ ಬೀಸಿ ಕರೆಯುತ್ತಿರುವ ಬಾದಾಮ್ವಾರಿ ಉದ್ಯಾನ

ಶ್ರೀನಗರ ನಗರದ ಹೃದಯಭಾಗದಲ್ಲಿರುವ ಉದ್ಯಾನ - ಫೋಟೋಗ್ರಾಫರ್​ಗಳ ಸ್ವರ್ಗ ಎಂದೇ ಹೆಸರುವಾಸಿ - ಇದಕ್ಕಿದೆ ಸುಮಾರು 400 ವರ್ಷಗಳ ಇತಿಹಾಸ

ಶ್ರೀನಗರ (ಜಮ್ಮು ಮತ್ತು ಕಾಶ್ಮೀರ): ಇಲ್ಲಿನ ಬಾದಾಮ್ವಾರಿ ಉದ್ಯಾನ​​ ಬಾದಾಮಿ ಹೂವುಗಳಿಂದ ಸಂಪೂರ್ಣವಾಗಿ ಕಂಗೊಳಿಸುತ್ತಿದ್ದು, ಪ್ರವಾಸಿಗರನ್ನು ಆಕರ್ಷಸುತ್ತಿದೆ. ಈ ಪ್ರಕೃತಿ ಸೌಂದರ್ಯವನ್ನು ಸವಿಯಲು ಪ್ರವಾಸಿಗರು ಹೆಚ್ಚಿನ ಸಂಖ್ಯೆಯಲ್ಲಿ ಉದ್ಯಾನಕ್ಕೆ ಆಗಮಿಸುತ್ತಿದ್ದಾರೆ. ಕಳೆದ ವಾರದಿಂದ ಬಾದಮ್ವಾರಿ ಉದ್ಯಾನಕ್ಕೆ ಅಧಿಕೃತವಾಗಿ ಸಾರ್ವಜನಿಕರಿಗೆ ಪ್ರವೇಶವನ್ನು ಕಲ್ಪಿಸಲಾಗಿದ್ದು, ಪ್ರತಿದಿನ ಸಾವಿರಾರು ಪ್ರವಾಸಿಗರು ಉದ್ಯಾನಕ್ಕೆ ಆಗಮಿಸುತ್ತಿದ್ದಾರೆ.

ಕೋಹ್​-ಎ-ಮರನ್​ ತಪ್ಪಲಿನಲ್ಲಿ ನೆಲಗೊಂಡಿರುವ ಬಾದಾಮ್ವಾರಿ ಉದ್ಯಾನವು ಛಾಯಗ್ರಾಹಕರ ಸ್ವರ್ಗ ಎಂದೇ ಹೇಳಬಹುದು. ಎತ್ತರದ ಜಬರ್ವಾನ್​ ಪರ್ವತ ಶ್ರೇಣಿಗಳೊಂದಿಗೆ ಬಾದಮಿ ಹೂವುಗಳು ಕ್ಯಾಮರಾದಲ್ಲಿ ಅದ್ಭುತವಾದ ದೃಶ್ಯ ಸೆರೆಹಿಡಿಯುತ್ತದೆ. ಉದ್ಯಾನದ ಸೌಂದರ್ಯವನ್ನು ಆನಂದಿಸಲು ನೋಯ್ಡಾದಿಂದ ಆಗಮಿಸಿದ್ದ ಪ್ರವಾಸಿಗರರೊಬ್ಬರು ಮಾತನಾಡಿ, ‘‘ಬಾದಾಮ್ವಾರಿ ಗಾರ್ಡನ್​ಗೆ ಬರುವುದು ‘‘ಸ್ವರ್ಗದಂತಹ ಅನುಭವ’’ವನ್ನು ನೀಡುತ್ತದೆ. ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಕಾಶ್ಮೀರಕ್ಕೆ ಭೇಟಿ ನೀಡಬೇಕು, ವಿಶೇಷವಾಗಿ ವಸಂತಕಾಲದ ಬಾದಾಮ್ವಾರಿ ಗಾರ್ಡನ್​ಗೆ ಬಂದು ಬಾದಮಿ ಹೂವುಗಳನ್ನು ಕಣ್ತುಂಬಿಕೊಳ್ಳಬೇಕು. ಈ ಪ್ರದೇಶವು ಮಾಲಿನ್ಯಗಳಿಂದ ದೂರವಿರುವ ಸುಂದರ ಸ್ಥಳವಾಗಿದೆ’’ ಎಂದು ಹೇಳಿದರು.

• The first bud of the almond blossom, the first melody of spring in Kashmir. #HeavenOnEarth #jammuandkashmir#kashmir #beautifuldestinations #spring #visitkashmir #blossom #solitude #travel #explore #jktourism #G20India pic.twitter.com/mxjBKDCNoR

  — Jammu & Kashmir Tourism (@JandKTourism) March 9, 2023 " class="align-text-top noRightClick twitterSection" data="

  The first bud of the almond blossom, the first melody of spring in Kashmir. #HeavenOnEarth #jammuandkashmir#kashmir #beautifuldestinations #spring #visitkashmir #blossom #solitude #travel #explore #jktourism #G20India pic.twitter.com/mxjBKDCNoR

  — Jammu & Kashmir Tourism (@JandKTourism) March 9, 2023

  ">

  The first bud of the almond blossom, the first melody of spring in Kashmir. #HeavenOnEarth #jammuandkashmir#kashmir #beautifuldestinations #spring #visitkashmir #blossom #solitude #travel #explore #jktourism #G20India pic.twitter.com/mxjBKDCNoR

  — Jammu & Kashmir Tourism (@JandKTourism) March 9, 2023

ನೋಯ್ಡಾದ ಮತ್ತೋರ್ವ ಪ್ರವಾಸಿ ಮಾತನಾಡಿ, ಈ ಸ್ಥಳವು ‘‘ಮನಸ್ಸಿಗೆ ಶಾಂತಿಯನ್ನು ನೀಡುತ್ತದೆ ಮತ್ತು ಜನರು ಇಲ್ಲಿಗೆ ಬಂದು ಪ್ರಕೃತಿಯ ಸೌಂದರ್ಯವನ್ನು ಸವಿಯಬೇಕು ಎಂದು ಹೇಳಿದರು. ದೆಹಲಿ ಛಾಯಗ್ರಾಹಕ ಜಾವೇದ್​-ಉಲ್​-ಇಸ್ಲಾಂ ಮಾತನಾಡಿ, ‘‘ಕಾಶ್ಮೀರವು ಸುಂದರವಾದ ಸ್ಥಳಗಳಿಂದ ಆಶೀರ್ವಧಿಸಲ್ಪಟ್ಟಿದೆ, ಅದರಲ್ಲಿ ಬಾದಾಮ್ವಾರಿ ಉದ್ಯಾನವು ಒಂದು. ಅದ್ಭುತವಾದ ಚಿತ್ರಗಳನ್ನು ಕ್ಲಿಕ್ಕಿಸಲು ಇದು ಸುಂದರವಾದ ಸ್ಥಳವಾಗಿದೆ. ಹೆಚ್ಚಿನ ಸಂಖ್ಯೆಯಲ್ಲಿ ಬೇರೆ ಬೇರೆ ರಾಜ್ಯದ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡಬೇಕು’’ ಎಂದು ಹೇಳಿದರು.

ಈ ಉದ್ಯಾನವು ಸುಮಾರು 400 ವರ್ಷಗಳ ಇತಿಹಾಸವನ್ನು ಹೊಂದಿದೆ. ಇದು 300 ಕನಾಲ್ (15 ಹೆಕ್ಟೇರ್​​) ಪ್ರದೇಶವನ್ನು ಆವರಿಸಿದ್ದು ಸುಮಾರು 1500 ಹೆಚ್ಚು ಜಾತಿಯ ಮರ-ಗಿಡಗಳನ್ನು ಒಳಗೊಂಡಿದೆ. ಶ್ರೀ ನಗರ ಸುತ್ತಮುತ್ತಲಿನ ಪ್ರದೇಶಗಳಲ್ಲಿ ಈ ಸ್ಥಳವು ಪ್ರಮುಖ ಆಕರ್ಷಣೆಗಳಲ್ಲಿ ಒಂದು. ಕಳೆದ ಕೆಲವು ವರ್ಷಗಳಿಂದ ಉದ್ಯಾನಕ್ಕೆ ಭೇಟಿ ನೀಡುವ ಪ್ರವಾಸಿಗರ ಸಂಖ್ಯೆಯಲ್ಲಿ ಹೆಚ್ಚಾಗಿದ್ದು, ಈ ವರ್ಷ ಲಕ್ಷಾಂತರ ಮಂದಿ ಪ್ರವಾಸಿಗರು ಭೇಟಿ ನೀಡುವ ನಿರೀಕ್ಷೆ ಇದೆ ಎಂದು ತೋಟಗಾರಿಕೆ ಇಲಾಖೆಯ ನಿರ್ದೇಶಕ ಫಾರೂಕ್​ ಅಹ್ಮದ್ ​ತಿಳಿಸಿದರು.

ಏಷ್ಯಾದ ಅತಿದೊಡ್ಡ ಟುಲಿಪ್​ ಹೂದೋಟ ಮಾ.19 ರಿಂದ ವೀಕ್ಷಣೆಗೆ ಮುಕ್ತ: ಶ್ರೀನಗರದ ದಾಲ್ ಸರೋವರ ಮತ್ತು ಜಬರ್ವಾನ್ ಬೆಟ್ಟಗಳ ನಡುವೆ ಸುತ್ತುವರೆದಿರುವ ಏಷ್ಯಾದ ಅತಿದೊಡ್ಡ ಟುಲಿಪ್ ಗಾರ್ಡನ್ ನಳನಳಿಸುತ್ತಿದೆ. ಅರಳಿ ನಿಂತಿರುವ ಟುಲಿಪ್ ಹೂಗಳು ಪ್ರವಾಸಿಗರನ್ನು ಕೈಬೀಸಿ ಕರೆಯುತ್ತಿವೆ. ಸಿರಾಜ್ ಬಾಗ್ ಎಂದೂ ಕರೆಯಲ್ಪಡುವ ಈ ಉದ್ಯಾನ ಮಾ.19ರಿಂದ ಸಾರ್ವಜನಿಕರಿಗೆ ತೆರೆದಿರುತ್ತದೆ. ವಿವಿಧ ಬಣ್ಣಗಳ 1.5 ಮಿಲಿಯನ್ ಟುಲಿಪ್‌ಗಳಲ್ಲದೆ, ಇತರ ವಸಂತ ಹೂವುಗಳಾದ ಹಯಸಿಂತ್‌ಗಳು, ಡ್ಯಾಫಡಿಲ್‌ಗಳು, ಮಸ್ಕರಿ ಮತ್ತು ಸೈಕ್ಲಾಮೆನ್‌ಗಳನ್ನು ಒಳಗೊಂಡಿದೆ. ಈ ಹಿಂದೆ ಸಿರಾಜ್ ಬಾಗ್ ಎಂದು ಕರೆಯಲ್ಪಡುವ ಇಂದಿರಾ ಗಾಂಧಿ ಸ್ಮಾರಕ ಟುಲಿಪ್ ಗಾರ್ಡನ್ ಅನ್ನು 2008ರಲ್ಲಿ ಜಮ್ಮು ಮತ್ತು ಕಾಶ್ಮೀರದ ಆಗಿನ ಮುಖ್ಯಮಂತ್ರಿ ಗುಲಾಂ ನಬಿ ಆಜಾದ್ ಅವರು ಲೋಕಾರ್ಪಣೆ ಮಾಡಿದ್ದರು.

ಇದನ್ನೂ ಓದಿ: ಹೋಳಿ ವೇಳೆ ಜಪಾನಿ ಮಹಿಳೆಗೆ ಕಿರುಕುಳ: ಬಾಲಾಪರಾಧಿ ಸೇರಿ ದೆಹಲಿಯಲ್ಲಿ ಮೂವರು ಸೆರೆ