ತ್ರಿಶ್ಶೂರ್ (ಕೇರಳ): ಮಾಸ್ಕ್ ಧರಿಸಿ ಬೇರೆಯವರೊಂದಿಗೆ ಮಾತನಾಡಲು ಕಷ್ಟವಾಗುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೂ, ಕೋವಿಡ್ನಿಂದ ರಕ್ಷಣೆ ಹೊಂದಬೇಕಾದರೆ ಮಾಸ್ಕ್ ಧರಿಸಲೇಬೇಕಾದ ಅನಿವಾರ್ಯತೆ ನಮ್ಮ ಮುಂದಿದೆ.
ಕೇರಳದ ಇಂಜಿನಿಯರಿಂಗ್ ವಿದ್ಯಾರ್ಥಿಯೊಬ್ಬ ಈ ಸಮಸ್ಯೆಗೆ ಪರಿಹಾರವಾಗಿ ಮೈಕ್ ಮತ್ತು ಸ್ಪೀಕರ್ ಇರುವ ಮಾಸ್ಕ್ ತಯಾರಿಸಿದ್ದಾನೆ. ತ್ರಿಶ್ಶೂರ್‌ನ ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜಿನ ಪ್ರಥಮ ವರ್ಷದ ಬಿ-ಟೆಕ್ ವ್ಯಾಸಂಗ ಮಾಡುತ್ತಿರುವ ಕೆವಿನ್ ಜಾಕೋಬ್, ಈ ವಿನೂತನ ಮಾಸ್ಕ್ ಅಭಿವೃದ್ಧಿಪಡಿಸಿದ್ದಾನೆ.
ತನ್ನ ವಿನೂತನ ಮಾಸ್ಕ್ ಅಭಿವೃದ್ಧಿಯ ಬಗ್ಗೆ ಮಾತನಾಡಿದ ಕೆವಿನ್, ನನ್ನ ಅಪ್ಪ, ಅಮ್ಮ ಇಬ್ಬರೂ ವೈದ್ಯರಾಗಿದ್ದು, ಕೋವಿಡ್ ಆರಂಭದಿಂದಲೂ ರೋಗಿಗಳ ಚಿಕಿತ್ಸೆಯಲ್ಲಿ ತೊಡಗಿದ್ದಾರೆ. ಡಬಲ್ ಲೇಯರ್ ಮಾಸ್ಕ್ ಮತ್ತು ಫೇಸ್ ಶೀಲ್ಡ್ ಧರಿಸಿಕೊಂಡು ಅವರು ರೋಗಿಗಳೊಂದಿಗೆ ಮಾತನಾಡಲು ಕಷ್ಟಪಡುತ್ತಿರುವುದನ್ನು ನಾನು ಗಮನಿಸಿದ್ದೇನೆ. ಇದಕ್ಕೆ ಏನಾದರು ಪರಿಹಾರ ಕಂಡು ಹಿಡಿಯಬೇಕೆಂದು ಯೋಚನೆಯಲ್ಲಿದ್ದಾಗ ನನಗೆ ಹೊಳೆದಿದ್ದು ಮೈಕ್ ಮತ್ತು ಸ್ಪೀಕರ್ ಇರುವ ಮಾಸ್ಕ್ ಎಂದು ಹೇಳಿದ್ದಾನೆ.
ಕೆವಿನ್ ತಯಾರಿಸಿದ ಮಾಸ್ಕ್ ಅನ್ನು ಮೊದಲ ಬಾರಿಗೆ ಆತನ ಪೋಷಕರಾದ ಡಾ. ಶೆನೋಜ್ ಕೆ.ಸಿ ಮತ್ತು ಡಾ. ಜ್ಯೋತಿ ಮೇರಿ ಪರೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರಂತೆ. ಈ ವಿಶೇಷ ಮಾಸ್ಕ್ನಲ್ಲಿ ಮ್ಯಾಗ್ನೆಟ್ ಚಾರ್ಜಿಂಗ್ ಸಿಸ್ಟಮ್ ಇದ್ದು, 30 ನಿಮಿಷ ಚಾರ್ಜ್ ಮಾಡಿದರೆ 4 ರಿಂದ 6 ಗಂಟೆಗಳ ಕಾಲ ಬಳಸಬಹುದು.
ಇದುವರೆಗೆ ಈ ಮಾಸ್ಕ್ ಬಳಸಿದ ವೈದ್ಯರು ಒಳ್ಳೆಯ ಅಭಿಪ್ರಾಯ ಹೇಳಿದ್ದಾರೆ ಎಂದಿರುವ ಕೆವಿನ್, ನೂತನ ಅವಿಷ್ಕಾರವನ್ನು ಜನರಿಗೆ ತಲುಪಿಸುವ ಕಂಪನಿಗಾಗಿ ಎದುರು ನೋಡುತ್ತಿದ್ದಾನೆ.
ತ್ರಿಶ್ಶೂರ್ (ಕೇರಳ): ಮಾಸ್ಕ್ ಧರಿಸಿ ಬೇರೆಯವರೊಂದಿಗೆ ಮಾತನಾಡಲು ಕಷ್ಟವಾಗುವುದು ಎಲ್ಲರಿಗೂ ಗೊತ್ತಿರುವ ವಿಚಾರ. ಆದರೂ, ಕೋವಿಡ್ನಿಂದ ರಕ್ಷಣೆ ಹೊಂದಬೇಕಾದರೆ ಮಾಸ್ಕ್ ಧರಿಸಲೇಬೇಕಾದ ಅನಿವಾರ್ಯತೆ ನಮ್ಮ ಮುಂದಿದೆ.
ಕೇರಳದ ಇಂಜಿನಿಯರಿಂಗ್ ವಿದ್ಯಾರ್ಥಿಯೊಬ್ಬ ಈ ಸಮಸ್ಯೆಗೆ ಪರಿಹಾರವಾಗಿ ಮೈಕ್ ಮತ್ತು ಸ್ಪೀಕರ್ ಇರುವ ಮಾಸ್ಕ್ ತಯಾರಿಸಿದ್ದಾನೆ. ತ್ರಿಶ್ಶೂರ್‌ನ ಸರ್ಕಾರಿ ಇಂಜಿನಿಯರಿಂಗ್ ಕಾಲೇಜಿನ ಪ್ರಥಮ ವರ್ಷದ ಬಿ-ಟೆಕ್ ವ್ಯಾಸಂಗ ಮಾಡುತ್ತಿರುವ ಕೆವಿನ್ ಜಾಕೋಬ್, ಈ ವಿನೂತನ ಮಾಸ್ಕ್ ಅಭಿವೃದ್ಧಿಪಡಿಸಿದ್ದಾನೆ.
ತನ್ನ ವಿನೂತನ ಮಾಸ್ಕ್ ಅಭಿವೃದ್ಧಿಯ ಬಗ್ಗೆ ಮಾತನಾಡಿದ ಕೆವಿನ್, ನನ್ನ ಅಪ್ಪ, ಅಮ್ಮ ಇಬ್ಬರೂ ವೈದ್ಯರಾಗಿದ್ದು, ಕೋವಿಡ್ ಆರಂಭದಿಂದಲೂ ರೋಗಿಗಳ ಚಿಕಿತ್ಸೆಯಲ್ಲಿ ತೊಡಗಿದ್ದಾರೆ. ಡಬಲ್ ಲೇಯರ್ ಮಾಸ್ಕ್ ಮತ್ತು ಫೇಸ್ ಶೀಲ್ಡ್ ಧರಿಸಿಕೊಂಡು ಅವರು ರೋಗಿಗಳೊಂದಿಗೆ ಮಾತನಾಡಲು ಕಷ್ಟಪಡುತ್ತಿರುವುದನ್ನು ನಾನು ಗಮನಿಸಿದ್ದೇನೆ. ಇದಕ್ಕೆ ಏನಾದರು ಪರಿಹಾರ ಕಂಡು ಹಿಡಿಯಬೇಕೆಂದು ಯೋಚನೆಯಲ್ಲಿದ್ದಾಗ ನನಗೆ ಹೊಳೆದಿದ್ದು ಮೈಕ್ ಮತ್ತು ಸ್ಪೀಕರ್ ಇರುವ ಮಾಸ್ಕ್ ಎಂದು ಹೇಳಿದ್ದಾನೆ.
ಕೆವಿನ್ ತಯಾರಿಸಿದ ಮಾಸ್ಕ್ ಅನ್ನು ಮೊದಲ ಬಾರಿಗೆ ಆತನ ಪೋಷಕರಾದ ಡಾ. ಶೆನೋಜ್ ಕೆ.ಸಿ ಮತ್ತು ಡಾ. ಜ್ಯೋತಿ ಮೇರಿ ಪರೀಕ್ಷಿಸಿ ಮೆಚ್ಚುಗೆ ವ್ಯಕ್ತಪಡಿಸಿದ್ದರಂತೆ. ಈ ವಿಶೇಷ ಮಾಸ್ಕ್ನಲ್ಲಿ ಮ್ಯಾಗ್ನೆಟ್ ಚಾರ್ಜಿಂಗ್ ಸಿಸ್ಟಮ್ ಇದ್ದು, 30 ನಿಮಿಷ ಚಾರ್ಜ್ ಮಾಡಿದರೆ 4 ರಿಂದ 6 ಗಂಟೆಗಳ ಕಾಲ ಬಳಸಬಹುದು.
ಇದುವರೆಗೆ ಈ ಮಾಸ್ಕ್ ಬಳಸಿದ ವೈದ್ಯರು ಒಳ್ಳೆಯ ಅಭಿಪ್ರಾಯ ಹೇಳಿದ್ದಾರೆ ಎಂದಿರುವ ಕೆವಿನ್, ನೂತನ ಅವಿಷ್ಕಾರವನ್ನು ಜನರಿಗೆ ತಲುಪಿಸುವ ಕಂಪನಿಗಾಗಿ ಎದುರು ನೋಡುತ್ತಿದ್ದಾನೆ.
Please write to us, for media partnership and Ad-sales inquiries. Email: adops@etvbharat.com
