ಅಯೋಧ್ಯೆ(ಉತ್ತರ ಪ್ರದೇಶ): ಕೋಟ್ಯಂತರ ರಾಮ ಭಕ್ತರು ತುದಿಗಾಲಲ್ಲಿ ನಿಂತು ಕಾಯುತ್ತಿರುವ ಅಯೋಧ್ಯೆಯ ರಾಮಮಂದಿರದಲ್ಲಿ ಶ್ರೀರಾಮನ ಪ್ರಾಣ ಪ್ರತಿಷ್ಠಾಪನೆಯ ಐತಿಹಾಸಿಕ ಕಾರ್ಯಕ್ರಮಕ್ಕೆ ಸಿದ್ಧತೆಗಳು ಬಹುತೇಕ ಪೂರ್ಣಗೊಂಡಿವೆ. ಜನವರಿ 22ರಂದು ನಡೆಯುವ ಸಮಾರಂಭದಲ್ಲಿ ರಾಮಲಲ್ಲಾ ವಿಗ್ರಹವನ್ನು ಪ್ರತಿಷ್ಠಾಪಿಸಲಾಗುತ್ತದೆ. ಇದರ ಜೊತೆಗೆ ಮಂದಿರದ ಗರ್ಭಗುಡಿಯ ಚಿನ್ನದ ಬಾಗಿಲು ಕೂಡಾ ಸಿದ್ಧವಾಗಿದೆ.
ದೇಶದ ಅತ್ಯಂತ ಹಳೆಯ, ಮರದ ಕೆಲಸದಲ್ಲಿ ವಿಶೇಷ ನೈಪುಣ್ಯತೆ ಹೊಂದಿರುವ ಹೈದರಾಬಾದ್ ಮೂಲದ ಅನುರಾಧ ಇಂಟರ್ನ್ಯಾಶನಲ್ ಟಿಂಬರ್ ಕಂಪನಿಯ ಕುಶಲಕರ್ಮಿಗಳು ಚಿನ್ನದ ಬಾಗಿಲಿನ ಕೆತ್ತನೆಯನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಕೋಟ್ಯಂತರ ರೂಪಾಯಿ ಬೆಲೆ ಬಾಳುವ ತೇಗದಿಂದ ಬಾಗಿಲುಗಳನ್ನು ತಯಾರಿಸಲಾಗಿದೆ. ಈ ಬಾಗಿಲು ಅಂದಾಜು 12 ಅಡಿ ಎತ್ತರ ಮತ್ತು 8 ಅಡಿ ಅಗಲವಿದೆ. ಬಾಗಿಲಿನ ಬೌಕಟ್ಟಿನ ಮೇಲೆ ಮಲಗಿರುವ ಭಂಗಿಯಲ್ಲಿರುವ ವಿಷ್ಣುವಿನ ಚಿತ್ರವನ್ನು ಮತ್ತು ಬಾಗಿಲುಗಳ ಮೇಲೆ ಭವ್ಯತೆಯ ಸಂಕೇತವಾಗಿ ಗಜ ಹಾಗು ಸುಂದರವಾಗಿ ವಿಷ್ಣು ಕಮಲವನ್ನು ಕೆತ್ತಲಾಗಿದೆ.
"ನಾವು ಅಯೋಧ್ಯೆ ದೇವಾಲಯದೊಳಗಿನ ಮತ್ತು ಸುತ್ತಮುತ್ತಲಿನ ಎಲ್ಲಾ ಬಾಗಿಲುಗಳನ್ನು ಮಾಡುತ್ತಿದ್ದೇವೆ. ಈ ಬಾಗಿಲುಗಳು ಭಾರತೀಯ ಸಾಂಪ್ರದಾಯಿಕ ಕೆತ್ತನೆಗಳಿಂದ ಮಾಡಲ್ಪಟ್ಟಿವೆ. ತಮಿಳುನಾಡಿನ ವಿಶೇಷ ಕುಶಲಕರ್ಮಿಗಳು ಶ್ರಮವಹಿಸಿದ್ದಾರೆ. ಬಾಗಿಲುಗಳನ್ನು ನಮ್ಮ ದೇಶದ ತೇಗದ ಮರದಿಂದ ಮಾಡಿರುವುದರಿಂದ ಉತ್ತಮ ಗುಣಮಟ್ಟ ಹೊಂದಿದೆ. ಈಗಾಗಲೇ 18 ಬಾಗಿಲುಗಳನ್ನು ತಯಾರಿಸಿದ್ದೇವೆ. ಅವುಗಳಿಗೆ ಶುದ್ಧ ಚಿನ್ನದ ಲೇಪನ ಮಾಡಲಾಗುತ್ತಿದೆ. ಈಗ ಒಂದು ಬಾರಿ ಚಿನ್ನದ ಲೇಪನ ಕೆಲಸ ಮುಗಿದಿದೆ. ಅವುಗಳನ್ನು ಮಂದಿರದಲ್ಲಿ ಪ್ರತಿಷ್ಠಾಪಿಸಲಾಗುತ್ತದೆ" ಎಂದು ಅನುರಾಧ ಇಂಟರ್ನ್ಯಾಶನಲ್ ಟಿಂಬರ್ ಕಂಪನಿಯ ವ್ಯವಸ್ಥಾಪಕ ಶರತ್ ಬಾಬು ವಿವರಿಸಿದರು.
"ಈಗಾಗಲೇ ನಾವು ಬರ್ಮಾ ತೇಗದಲ್ಲಿ ವಿಶ್ವದ ಅತಿದೊಡ್ಡ ಶ್ರೀ ಮಹಾವಿಷ್ಣುವಿನ ವಿಗ್ರಹ ತಯಾರಿಸಿದ್ದೇವೆ. ಇದಲ್ಲದೆ, ಎರಡನೇ ಅತಿದೊಡ್ಡ ವಿಗ್ರಹವನ್ನು ಮರದಲ್ಲಿ ತಯಾರಿಸುತ್ತಿದ್ದೇವೆ. ಶ್ರೀರಾಮ ಪರಿವಾರವು ಲಂಕಾದಿಂದ ಅಯೋಧ್ಯೆಗೆ ಹಿಂತಿರುಗುವ ಎಲ್ಲಾ ವಿಷಯವನ್ನು 3ಡಿ ರೂಪದಲ್ಲಿ ಕೆತ್ತಲಾಗಿದೆ" ಎಂದು ಶರತ್ ಬಾಬು ಮಾಹಿತಿ ನೀಡಿದರು.
-
भगवान श्री रामलला सरकार के गर्भगृह में स्वर्ण मंडित द्वार की स्थापना के साथ ही भूतल पर सभी 14 स्वर्ण मंडित द्वारों की स्थापना का कार्य संपन्न हुआ।
— Shri Ram Janmbhoomi Teerth Kshetra (@ShriRamTeerth) January 15, 2024 " class="align-text-top noRightClick twitterSection" data="
With the installation of Golden Doors in the Garbhgriha of Bhagwan Shri Ramlalla Sarkar, installation work of all golden doors on… pic.twitter.com/GYhPDBnXYI
">भगवान श्री रामलला सरकार के गर्भगृह में स्वर्ण मंडित द्वार की स्थापना के साथ ही भूतल पर सभी 14 स्वर्ण मंडित द्वारों की स्थापना का कार्य संपन्न हुआ।
— Shri Ram Janmbhoomi Teerth Kshetra (@ShriRamTeerth) January 15, 2024
With the installation of Golden Doors in the Garbhgriha of Bhagwan Shri Ramlalla Sarkar, installation work of all golden doors on… pic.twitter.com/GYhPDBnXYIभगवान श्री रामलला सरकार के गर्भगृह में स्वर्ण मंडित द्वार की स्थापना के साथ ही भूतल पर सभी 14 स्वर्ण मंडित द्वारों की स्थापना का कार्य संपन्न हुआ।
— Shri Ram Janmbhoomi Teerth Kshetra (@ShriRamTeerth) January 15, 2024
With the installation of Golden Doors in the Garbhgriha of Bhagwan Shri Ramlalla Sarkar, installation work of all golden doors on… pic.twitter.com/GYhPDBnXYI
ಸಾಮಾಜಿಕ ಜಾಲತಾಣದಲ್ಲಿ ಶ್ರೀರಾಮ ಜನ್ಮಭೂಮಿ ತೀರ್ಥ ಟ್ರಸ್ಟ್‌ ಈ ಕುರಿತು ಮಾಹಿತಿ ನೀಡಿದೆ. ಭಗವಾನ್ ಶ್ರೀರಾಮಲಲ್ಲಾ ಸರ್ಕಾರ್ ಗರ್ಭಗೃಹದಲ್ಲಿ ಚಿನ್ನದ ಬಾಗಿಲು ಸ್ಥಾಪನೆಯಾಗಿದೆ. ನೆಲ ಮಹಡಿಯಲ್ಲಿ ಎಲ್ಲಾ ಚಿನ್ನದ ಬಾಗಿಲುಗಳ ಸ್ಥಾಪನೆಯ ಕಾರ್ಯ ಪೂರ್ಣಗೊಂಡಿದೆ ಎಂದು ತಿಳಿಸಿದೆ.
ಇದನ್ನೂ ಓದಿ: ಅಯೋಧ್ಯೆ: ಶ್ರೀರಾಮ ಪ್ರಾಣ ಪ್ರತಿಷ್ಠೆಯ 7 ದಿನಗಳ ಧಾರ್ಮಿಕ ವಿಧಿ ಇಂದಿನಿಂದ ಆರಂಭ
