Soldier Missing: ರಜೆಯ ಮೇಲಿದ್ದ ಭಾರತೀಯ ಯೋಧ ನಾಪತ್ತೆ; ಭದ್ರತಾ ಸಿಬ್ಬಂದಿಯಿಂದ ಶೋಧ

Soldier Missing in kulgam: ರಜೆಯಲ್ಲಿದ್ದ ಸೇನಾ ಯೋಧ ಕಾಶ್ಮೀರದಲ್ಲಿ ನಾಪತ್ತೆಯಾಗಿದ್ದಾರೆ. 25 ವರ್ಷದ ಯೋಧನಿಗಾಗಿ ಭದ್ರತಾ ಪಡೆಗಳು ಶೋಧ ಕಾರ್ಯಾಚರಣೆ ನಡೆಸುತ್ತಿವೆ.

ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಕುಲ್ಗಾಮ್ ಜಿಲ್ಲೆಯಲ್ಲಿ ಶನಿವಾರ ಸಂಜೆ ಸೇನಾ ಯೋಧರೊಬ್ಬರು ನಾಪತ್ತೆಯಾಗಿದ್ದಾರೆ ಎಂದು ವರದಿಯಾಗಿದೆ. ಕುಲ್ಗಾಮ್ ಜಿಲ್ಲೆಯ ಅಚಾತಲ್ ಗ್ರಾಮದ ನಿವಾಸಿ ಜಾವೇದ್ ಅಹ್ಮದ್ ವಾನಿ ಕಾಣೆಯಾದವರು ಎಂದು ತಿಳಿದುಬಂದಿದೆ.

ಲಡಾಖ್ ಪ್ರದೇಶದಲ್ಲಿ ನಿಯೋಜನೆಗೊಂಡಿದ್ದ ಜಾವೇದ್​ ರಜೆಯಲ್ಲಿದ್ದರು. ಶನಿವಾರ ರಾತ್ರಿ 8 ಗಂಟೆ ಸುಮಾರಿಗೆ ನಾಪತ್ತೆಯಾಗಿದ್ದಾರೆ. ಅವರ ಕಾರು ನಿನ್ನೆ ಸಂಜೆ ಅದೇ ಜಿಲ್ಲೆಯ ಪಾರನಹಾಲ್​ ಗ್ರಾಮದಲ್ಲಿ ಸಿಕ್ಕಿದೆ. ವರದಿಗಳ ಪ್ರಕಾರ, ಕಾರಿನಲ್ಲಿ ರಕ್ತದ ಕಲೆಗಳಿವೆ. ಘಟನೆಯ ಬಗ್ಗೆ ಪೊಲೀಸರು ಇನ್ನೂ ಖಚಿತಪಡಿಸಿಲ್ಲ. ಯೋಧನ ಪತ್ತೆಗೆ ಭಾರತೀಯ ಸೇನೆ ಮತ್ತು ಪೊಲೀಸರು ಭಾರಿ ಶೋಧ ಕಾರ್ಯ ಆರಂಭಿಸಿದ್ದಾರೆ ಎಂದು ಸೇನಾಧಿಕಾರಿಗಳು ಹೇಳಿದ್ದಾರೆ.

ಶೋಧ ಕಾರ್ಯಾಚರಣೆ ಆರಂಭಿಸಿದ ಭದ್ರತಾ ಪಡೆ

ಇದನ್ನೂ ಓದಿ: ಯೋಧ ನಾಪತ್ತೆ ಪ್ರಕರಣ ; ಅಪಹರಿಸಿ ಕೊಲೆ ಮಾಡಿರುವುದಾಗಿ ಆಡಿಯೋ ಸಂದೇಶ

ಜಾವೇದ್ ತನ್ನ ಕಾರಿನಲ್ಲಿ ದಿನಸಿ ವಸ್ತುಗಳನ್ನು ಖರೀದಿಸಲು ಚೋವಲ್ಗಾಮ್‌ಗೆ ಹೋಗಿದ್ದರು. ಆದರೆ ಅವರು ಮನೆಗೆ ಹಿಂತಿರುಗದಿದ್ದಾಗ, ಕುಟುಂಬ ಸದಸ್ಯರು ಹತ್ತಿರದ ಪ್ರದೇಶಗಳಲ್ಲಿ ಮತ್ತು ಸುತ್ತಮುತ್ತಲಿನ ಹಳ್ಳಿಗಳಲ್ಲಿ ಅವರನ್ನು ಹುಡುಕಾಟ ಪ್ರಾರಂಭಿಸಿದ್ದಾರೆ. ಪತ್ತೆ ಕಾರ್ಯದ ವೇಳೆ ಪರನಹಾಲ್ ಗ್ರಾಮದಲ್ಲಿ ಕಾರು ಕಂಡುಬಂದಿದೆ. ಕಾರಿನಲ್ಲಿ ಚಪ್ಪಲಿ ಮತ್ತು ರಕ್ತದ ಕಲೆಗಳು ಕಂಡುಬಂದಿವೆ. ವಾಹನವನ್ನು ಅನ್‌ಲಾಕ್ ಮಾಡಲಾಗಿದೆ ಎಂಬ ಮಾಹಿತಿ ಲಭ್ಯವಾಗಿದೆ.

• VIDEO | Security forces launch a search operation for a missing Army soldier in Jammu and Kashmir's Kulgam. pic.twitter.com/fvTyO0PhzS

  — Press Trust of India (@PTI_News) July 30, 2023 " class="align-text-top noRightClick twitterSection" data="

  VIDEO | Security forces launch a search operation for a missing Army soldier in Jammu and Kashmir's Kulgam. pic.twitter.com/fvTyO0PhzS

  — Press Trust of India (@PTI_News) July 30, 2023

  ">

  VIDEO | Security forces launch a search operation for a missing Army soldier in Jammu and Kashmir's Kulgam. pic.twitter.com/fvTyO0PhzS

  — Press Trust of India (@PTI_News) July 30, 2023

ಮಗನಿಗಾಗಿ ಪೋಷಕರ ಅಳಲು : ಜಾವೇದ್​ನನ್ನು ಕಿಡ್ನಾಪ್ ಮಾಡಲಾಗಿದೆ. ಅವರನ್ನು ಬಿಡುಗಡೆ ಮಾಡುವಂತೆ ಪೋಷಕರು ಮನವಿ ಮಾಡಿದ್ದಾರೆ. ನನ್ನ ಮಗ ಕಾರಿನಲ್ಲಿ ಮಾರುಕಟ್ಟೆಯಿಂದ ದಿನಸಿ ಖರೀದಿಸಲು ಹೋಗಿದ್ದ. ಆದರೆ ಹಿಂತಿರುಗಲಿಲ್ಲ ಎಂದು ಅವರ ತಾಯಿ ವಿಡಿಯೋದಲ್ಲಿ ಹೇಳುತ್ತಿದ್ದಾರೆ. "ನಾನು ಅನೇಕ ಕಾಯಿಲೆಗಳಿಂದ ಬಳಲುತ್ತಿದ್ದೇನೆ. ಜಾವೇದ್ ನಮ್ಮ ಏಕೈಕ ಜೀವನ ಮತ್ತು ಬೆಂಬಲ. ಅವನನ್ನು ಬಿಡುಗಡೆ ಮಾಡಲು ನಾನು ನಿಮ್ಮಲ್ಲಿ ವಿನಂತಿಸುತ್ತೇನೆ. ಅವನು ಯಾವುದೇ ತಪ್ಪನ್ನು ಮಾಡಿದ್ದರೆ, ಅವನನ್ನು ಕ್ಷಮಿಸಿ ಮತ್ತು ಅವನನ್ನು ಬಿಡುಗಡೆ ಮಾಡಿ" ಎಂದು ತಾಯಿ ಹೇಳುತ್ತಾರೆ.

ಇದನ್ನೂ ಓದಿ: ರಜೆ ಮುಗಿಸಿ ಕರ್ತವ್ಯಕ್ಕಾಗಿ ಪಂಜಾಬ್‌ಗೆ ಹೊರಟಿದ್ದ ತೆಲಂಗಾಣದ ಯೋಧ ನಾಪತ್ತೆ!

ಶೋಧ ಕಾರ್ಯಾಚರಣೆ ಆರಂಭಿಸಿದ ಭದ್ರತಾ ಪಡೆ

"ದಯವಿಟ್ಟು ನಮ್ಮನ್ನು ಕ್ಷಮಿಸಿ, ನನ್ನ ಮಗನನ್ನು ಬಿಡುಗಡೆ ಮಾಡಿ, ನನ್ನ ಮಗ ಜಾವೇದ್‌ನನ್ನು ಬಿಡುಗಡೆ ಮಾಡಿ. ನಾನು ಅವನನ್ನು ಸೈನ್ಯದಲ್ಲಿ ಕೆಲಸ ಮಾಡಲು ಬಿಡುವುದಿಲ್ಲ. ಆದರೆ ದಯವಿಟ್ಟು ಅವನನ್ನು ಬಿಡುಗಡೆ" ಮಾಡಿ ಎಂದು ಪರಿಪರಿಯಾಗಿ ಬೇಡಿಕೊಂಡಿದ್ದಾರೆ. ಈ ಹಿಂದೆಯೂ ಈ ಪ್ರದೇಶದಲ್ಲಿ ರಜೆಯ ಮೇಲೆ ಮನೆಯಲ್ಲಿದ್ದ ಹಲವಾರು ಯೋಧರನ್ನು ಉಗ್ರರು ಅಪಹರಿಸಿ ಹತ್ಯೆಗೈದಿದ್ದರು.

ಇದನ್ನೂ ಓದಿ: ಕುಲ್ಗಾಂನಲ್ಲಿ ಯೋಧ ನಾಪತ್ತೆ: ಸುಟ್ಟು ಕರಕಲಾದ ಸ್ಥಿತಿಯಲ್ಲಿ ವಾಹನ ಪತ್ತೆ