ಪ್ರಯಾಗರಾಜ್: ಎಬಿಎಪಿಯನ್ನು ಶ್ರೀರಾಮ ಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ನಲ್ಲಿ ಸೇರಿಸಬೇಕೆಂದು ಅಖಿಲ ಭಾರತೀಯ ಅಖಾರ ಪರಿಷತ್ ಒತ್ತಾಯಿಸಿದೆ. ಎಬಿಎಪಿ ಮುಖ್ಯಸ್ಥ ಮಹಂತ್ ನರೇಂದ್ರ ಗಿರಿ ಅವರು ಇತ್ತೀಚೆಗೆ ರಾಷ್ಟ್ರೀಯ ಸ್ವಯಂಸೇವಕ ಸಂಘದ ಮುಖ್ಯಸ್ಥ ಮೋಹನ್ ಭಾಗವತ್ ಅವರನ್ನು ಚಿತ್ರಕೂಟ್ನಲ್ಲಿ ಭೇಟಿಯಾಗಿದ್ದರು.
ಈ ವೇಳೆ ಮಾತನಾಡಿದ ಅವರು, ಎಬಿಎಪಿ ಎನ್ನುವುದು ದೇಶದ 13 ಮಾನ್ಯತೆ ಪಡೆದ ಹಿಂದೂ ಧಾರ್ಮಿಕ ಅಖರಾಗಳು ಅಥವಾ ಸನ್ಯಾಸಿಗಳ ಆದೇಶಗಳ ಉನ್ನತ ನಿರ್ಧಾರ ತೆಗೆದುಕೊಳ್ಳುವ ಸಂಸ್ಥೆಯಾಗಿದೆ ಎಂದರು.
"ಎಬಿಎಪಿಯನ್ನು ರಾಜನ್ಮಭೂಮಿ ತೀರ್ಥ ಕ್ಷೇತ್ರ ಟ್ರಸ್ಟ್ನಲ್ಲಿ ಸೇರಿಸಬೇಕೆಂದು ಮನವಿ ಮಾಡಿದ್ದೇವೆ. ಎಬಿಎಪಿ ಅಧ್ಯಕ್ಷ ಮತ್ತು ಪ್ರಧಾನ ಕಾರ್ಯದರ್ಶಿಯನ್ನು ಟ್ರಸ್ಟ್ನಲ್ಲಿ ಸೇರಿಸಬೇಕು. ಟ್ರಸ್ಟ್ನಲ್ಲಿ ಪ್ರಮುಖರನ್ನು ಸೇರ್ಪಡೆಗೊಳಿಸುವಂತೆ ಎಬಿಎಪಿ ಸದಸ್ಯರನ್ನು ಸಹ ಸೇರಿಸಿಕೊಳ್ಳಬೇಕು" ಎಂದರು.
"ಇನ್ನು ಶೀಘ್ರದಲ್ಲೇ ಎಬಿಎಪಿಯ ವಿವಿಧ ಗುಂಪುಗಳು ದೇಶದ ವಿವಿಧ ಭಾಗಗಳಿಗೆ ಭೇಟಿ ನೀಡುತ್ತವೆ. ಹೆಚ್ಚುತ್ತಿರುವ ಧಾರ್ಮಿಕ ಮತಾಂತರ ಪ್ರಕರಣಗಳ ವಿರುದ್ಧ ಜಾಗೃತಿ ಮೂಡಿಸಲಿವೆ. ಧಾರ್ಮಿಕ ಮತಾಂತರದ ಈ ದುಷ್ಟತನವನ್ನು ತಡೆಯಲು ಬಲವಾದ ನೀತಿ ರೂಪಿಸಬೇಕು" ಎಂದರು.
