ಹೈದರಾಬಾದ್: ಅಸಾದುದ್ದೀನ್ ಓವೈಸಿ ನೇತೃತ್ವದ ಆಲ್ ಇಂಡಿಯಾ ಮಜಿಲಿಸ್-ಇ-ಇತ್ಹೇದುಲ್‌ ಮುಸ್ಲೀಮೀನ್ (ಎಐಎಂಐಎಂ) ನ ಅಧಿಕೃತ ಟ್ವಿಟರ್ ಖಾತೆಯನ್ನು ಹ್ಯಾಕ್ ಮಾಡಲಾಗಿದೆ. ಹ್ಯಾಕರ್ಗಳು ಪ್ರೊಫೈಲ್ ಹೆಸರನ್ನು 'ಎಲಾನ್ ಮಸ್ಕ್' ಎಂದು ಬದಲಾಯಿಸಿದ್ದಾರೆ ಎಂಬುದಾಗಿ ತಿಳಿದುಬಂದಿದೆ.
ಈ ಖಾತೆಯನ್ನು ಒಂಬತ್ತು ದಿನಗಳ ಹಿಂದೆ ಹ್ಯಾಕ್ ಮಾಡಲಾಗಿತ್ತು. ನಂತರ ಮತ್ತೆ ಅದನ್ನು ಮರುಸ್ಥಾಪಿಸಲಾಗಿತ್ತು. ಆದರೆ, ಇಂದು ಮಧ್ಯಾಹ್ನ 1 ಗಂಟೆ ಹೊತ್ತಿಗೆ ಮತ್ತೆ ಹ್ಯಾಕ್ ಮಾಡಲಾಗಿದೆ ಎಂಬುದಾಗಿ ತಿಳಿದು ಬಂದಿದೆ.
ಟ್ವಿಟರ್ ಪ್ರೊಫೈಲ್ನ ಹೆಸರನ್ನು ಎಐಎಂಐಎಂನಿಂದ 'ಎಲಾನ್ ಮಸ್ಕ್' ಎಂದು ಬದಲಾಯಿಸಿರುವ ಹ್ಯಾಕರ್ಗಳು, ಫ್ರೊಫೈಲ್ ಚಿತ್ರವನ್ನು ಕೂಡಾ ಬದಲಿಸಿದ್ದಾರೆ. ಆ ಜಾಗಕ್ಕೆ ಟೆಸ್ಲಾ ಸಿಇಒ ಅವರ ಫೋಟೋವನ್ನು ಹಾಕಿದ್ದಾರೆ.
ಈ ಬಗ್ಗೆ ಹೈದರಾಬಾದ್ ಪೊಲೀಸರಿಗೆ ಸೋಮವಾರ ದೂರು ನೀಡಲಾಗುವುದು, ಸದ್ಯಕ್ಕೆ ಖಾತೆಯಲ್ಲಿ ಯಾವುದೇ ಟ್ವೀಟ್‌ಗಳನ್ನು ಮಾಡಲಾಗಿಲ್ಲ ಎಂದು ಹೈದರಾಬಾದ್ ಪ್ರಧಾನ ಕಚೇರಿಯ ವಕ್ತಾರರು ತಿಳಿಸಿದ್ದಾರೆ. ಎಐಎಂಐಎಂ ಟ್ವಿಟರ್ ಖಾತೆಯು ಸುಮಾರು 6.78 ಲಕ್ಷ ಫಾಲೋವರ್‌ಗಳನ್ನು ಹೊಂದಿದೆ.
ಓದಿ: 6 ವರ್ಷ, 326 ದೇಶದ್ರೋಹ ಪ್ರಕರಣ, 6 ಮಂದಿ ಮಾತ್ರ ಅಪರಾಧಿಗಳು: ಕರ್ನಾಟಕದಲ್ಲೆಷ್ಟು?
