ಲಕ್ನೋ (ಉತ್ತರ ಪ್ರದೇಶ): ಫೈಜುಲ್ಲಾಗಂಜ್‌ನಲ್ಲಿ ಸತ್ತ ಹಂದಿಗಳಲ್ಲಿ ಆಫ್ರಿಕನ್ ಹಂದಿ ಜ್ವರ ದೃಢಪಟ್ಟಿದೆ. ಸತ್ತ ಹಂದಿಗಳ ಮಾದರಿಯನ್ನು ಭೋಪಾಲ್‌ನಲ್ಲಿರುವ ನ್ಯಾಷನಲ್ ಇನ್‌ಸ್ಟಿಟ್ಯೂಟ್ ಆಫ್ ಹೈ ಸೆಕ್ಯುರಿಟಿ ಅನಿಮಲ್ ಲ್ಯಾಬ್‌ಗೆ ಕಳುಹಿಸಲಾಗಿತ್ತು. ಅದರ ವರದಿ ಮಂಗಳವಾರ ಬಂದಿದ್ದು, ಈ ಭಾಗದಲ್ಲಿ 140ಕ್ಕೂ ಹೆಚ್ಚು ಹಂದಿಗಳು ಜ್ವರದಿಂದಲೇ ಮೃತಪಟ್ಟಿವೆ ಎಂದು ತಿಳಿದುಬಂದಿದೆ. ಇದರಿಂದ ಆ ಭಾಗದ ಜನರು ಕಂಗಾಲಾಗಿದ್ದಾರೆ.
ಮಂಗಳವಾರ ರಾತ್ರಿ ಜಿಲ್ಲಾಧಿಕಾರಿ ಸೂರ್ಯಪಾಲ್ ಗಂಗ್ವಾರ್ ಅವರ ಜಿಲ್ಲಾಡಳಿತ ತಂಡ ಸ್ಥಳ ಪರಿಶೀಲನೆ ನಡೆಸಿತು. ಈ ಹಿಂದೆ ಪಾಲಿಕೆ ಆಯುಕ್ತ ಇಂದರ್‌ಜಿತ್ ಸಿಂಗ್ ಕೂಡ ಇಲ್ಲಿ ಪರಿಶೀಲನೆ ನಡೆಸಿದ್ದರು. ಆಫ್ರಿಕನ್ ಹಂದಿ ಜ್ವರವು ಸಾಂಕ್ರಾಮಿಕ ಕಾಯಿಲೆಯಾಗಿದೆ. ಇದು ಸಾಕು ಮತ್ತು ಕಾಡು ಹಂದಿಗಳಲ್ಲಿ ಹೆಚ್ಚಾಗಿ ಕಂಡುಬರುತ್ತದೆ. ಸೋಂಕಿತ ಹಂದಿಗಳು ತೀವ್ರವಾದ ಹೆಮರಾಜಿಕ್ ಜ್ವರದಿಂದ ಬಳಲುತ್ತವೆ. ಈ ರೋಗ ಮೊದಲು 1920 ರಲ್ಲಿ ಆಫ್ರಿಕಾದಲ್ಲಿ ಕಂಡುಬಂತು.
ಇದನ್ನೂ ಓದಿ: ಕಲುಷಿತ ನೀರು ಕುಡಿದು ಮೃತಪಟ್ಟ ಮೂವರು: ಕಾರ್ಮಿಕರ ಶವಗಳನ್ನು ರಸ್ತೆಯ ಪಕ್ಕದ ಕಣಿವೆಗೆ ಎಸೆದ್ರು!
ಈ ರೋಗದಲ್ಲಿ ಮರಣ ಪ್ರಮಾಣವು 100 ಪ್ರತಿಶತದಷ್ಟಿರುತ್ತದೆ. ಈ ಜ್ವರಕ್ಕೆ ಇನ್ನೂ ಚಿಕಿತ್ಸೆ ಇಲ್ಲ. ಅದರೆ ಸೋಂಕು ಹರಡುವುದನ್ನು ತಡೆಯುವ ಏಕೈಕ ಮಾರ್ಗವೆಂದರೆ ಪ್ರಾಣಿಗಳನ್ನು ಕೊಲ್ಲುವುದು. ಮತ್ತೊಂದೆಡೆ ಈ ಕಾಯಿಲೆಯಿಂದ ಬಳಲುತ್ತಿರುವ ಹಂದಿಗಳ ಮಾಂಸವನ್ನು ಸೇವಿಸುವ ಜನರಿಗೂ ಸಹ ತೀವ್ರ ಜ್ವರ, ಖಿನ್ನತೆ ಸೇರಿದಂತೆ ಅನೇಕ ಗಂಭೀರ ಸಮಸ್ಯೆಗಳು ಪ್ರಾರಂಭವಾಗುತ್ತವೆ.
