ಅಬ್​ ಕಿ ಬಾರ್​, ಕಿಸಾನ್ ಸರ್ಕಾರ್: ಇದು ರಾಜಕೀಯ ಹೋರಾಟವಲ್ಲ ಎಂದ ಕೆ​ಸಿಆರ್​​

ತೆಲಂಗಾಣದ ಸಿಎಂ ಕೆಆರ್​ಸಿ ಇಂದು ಮಹಾರಾಷ್ಟ್ರದ ನಾಂದೇಡ್​ನಲ್ಲಿ ಬಿಆರ್​ಎಸ್ ಪಕ್ಷದ ಬಹಿರಂಗ ಸಭೆಯನ್ನು ನಡೆಸಿದ್ದಾರೆ. ಈ ವೇಳೆ ಕಾಂಗ್ರೆಸ್​ ಮತ್ತು ಬಿಜೆಪಿ ವಿರುದ್ಧ ಅವರು ವಾಗ್ದಾಳಿ ಮಾಡಿದ್ದಾರೆ.

ನಾಂದೇಡ್ (ಮಹಾರಾಷ್ಟ್ರ): ದೇಶದ ಸದ್ಯ ಸಾಮಾಜಿಕ, ರಾಜಕೀಯ ಪರಿಸ್ಥಿತಿಯನ್ನು ನೋಡಿ ತಮ್ಮ ತೆಲಂಗಾಣ ರಾಷ್ಟ್ರ ಸಮಿತಿ (ಟಿಆರ್​ಎಸ್) ಪಕ್ಷವನ್ನು ಭಾರತ್ ರಾಷ್ಟ್ರ ಸಮಿತಿ (ಬಿಆರ್​ಎಸ್) ಎಂದು ಬದಲಾಯಿಸಲಾಗಿದೆ. ದೇಶದಲ್ಲಿ ಬದಲಾವಣೆ ತರಲೆಂದೇ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಬಿಆರ್​ಎಸ್ ವರಿಷ್ಠ, ತೆಲಂಗಾಣ ಮುಖ್ಯಮಂತ್ರಿ ಕೆ ಚಂದ್ರಶೇಖರ್​ ರಾವ್ ತಿಳಿಸಿದ್ದಾರೆ.

ದೇಶದಾದ್ಯಂತ ಬಿಆರ್​ಎಸ್​ ಪಕ್ಷವನ್ನು ವಿಸ್ತರಿಸುವ ಉದ್ದೇಶದಿಂದ ಇಂದು ಮಹಾರಾಷ್ಟ್ರದ ನಾಂದೇಡ್​ನಲ್ಲಿ ಹಮ್ಮಿಕೊಂಡಿದ್ದ ಬಹಿರಂಗ ಸಭೆಯಲ್ಲಿ ಕೆಸಿಆರ್ ಪಾಲ್ಗೊಂಡಿದ್ದರು. ಈ ಕಾರ್ಯಕ್ರಮದಲ್ಲಿ ಮಹಾರಾಷ್ಟ್ರದ ಹಲವು ನಾಯಕರಿಗೆ ಪಕ್ಷದ ಶಾಲುಗಳನ್ನು ಬಿಆರ್‌ಎಸ್‌ ಪಕ್ಷಕ್ಕೆ ಸೇರ್ಪಡೆ ಮಾಡಿಕೊಳ್ಳಲಾಯಿತು. ನಂತರ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ ಕೆಸಿಆರ್, ಮಹಾರಾಷ್ಟ್ರವು ಛತ್ರಪತಿ ಶಿವಾಜಿ, ಅಂಬೇಡ್ಕರ್, ಫುಲೆಯಂತಹ ಮಹಾನ್ ವ್ಯಕ್ತಿಗಳಿಗೆ ಜನ್ಮ ನೀಡಿದ ಪುಣ್ಯಭೂಮಿ, ಈ ನೆಲದಲ್ಲಿ ಸಮಾವೇಶ ನಡೆಸುತ್ತಿರುವುದು ಸಂತಸ ತಂದಿದೆ ಎಂದು ಹೇಳಿದರು.

ಅಬ್​ ಕಿ ಬಾರ್... ಕಿಸಾನ್ ಸರ್ಕಾರ್ - ಕೆಸಿಆರ್​: ದೇಶಕ್ಕೆ ಸ್ವಾತಂತ್ರ್ಯ ಬಂದು 75 ವರ್ಷಗಳು ಕಳೆದುಹೋಗಿದೆ. ಈ ಅವಧಿಯಲ್ಲಿ ಅನೇಕ ಸರ್ಕಾರಗಳು ಬದಲಾಗಿವೆ. ಹಲವು ನಾಯಕರು ಹಲವು ಮಾತುಗಳನ್ನು ಹೇಳಿದ್ದಾರೆ. ಆದರೆ, ಆ ಮಟ್ಟಿಗೆ ಯಾವುದೇ ಬದಲಾವಣೆ ಆಗಿಲ್ಲ. 75 ವರ್ಷ ಕಳೆದರೂ ಕೂಡ ಜನರಿಗೆ ಕನಿಷ್ಠ ಕುಡಿಯುವ ನೀರು, ವಿದ್ಯುತ್ ವ್ಯವಸ್ಥೆ ಮಾಡಲಾಗದ ಪರಿಸ್ಥಿತಿ ಇದೆ. ಇದೇ ಮಹಾರಾಷ್ಟ್ರದಲ್ಲಿ ಅನೇಕ ರೈತರು ಆತ್ಮಹತ್ಯೆ ಮಾಡಿಕೊಳ್ಳುತ್ತಿದ್ದಾರೆ. ರೈತರು ಕಷ್ಟಪಟ್ಟು ಬೆಳೆದರೂ ಆತ್ಮಹತ್ಯೆ ಮಾಡಿಕೊಳ್ಳುವ ಸ್ಥಿತಿ ಇದೆ. ಆದ್ದರಿಂದಲೇ ನಮ್ಮ ಬಿಆರ್​ಎಸ್ ಪಕ್ಷವು 'ಅಬ್​ ಕಿ ಬಾರ್... ಕಿಸಾನ್ ಸರ್ಕಾರ್' ಎಂಬ ಘೋಷಣೆಯನ್ನು ಮುಂದಿಟ್ಟಿದೆ ಎಂದು ಕೆಸಿಆರ್ ತಿಳಿಸಿದರು.

• BRS President, CM Sri K. Chandrashekar Rao addressing party joinings meeting in Nanded, Maharashtra https://t.co/mI2M3uGa7i

  — BRS Party (@BRSparty) February 5, 2023 " class="align-text-top noRightClick twitterSection" data="

  BRS President, CM Sri K. Chandrashekar Rao addressing party joinings meeting in Nanded, Maharashtra https://t.co/mI2M3uGa7i

  — BRS Party (@BRSparty) February 5, 2023

  ">

  BRS President, CM Sri K. Chandrashekar Rao addressing party joinings meeting in Nanded, Maharashtra https://t.co/mI2M3uGa7i

  — BRS Party (@BRSparty) February 5, 2023

ರಾಜಕೀಯ ಹೋರಾಟವಲ್ಲ.. ಜೀವನ್ಮರಣದ ಹೋರಾಟ: ನಾವು (ರೈತರು) ಹಲವು ವರ್ಷಗಳಿಂದ ಕಾಯುತ್ತಿದ್ದೇವೆ. ಈಗ ನೇಗಿಲು ಹಿಡಿಯುವ ಕೈಗಳಿಗೆ ಅಧಿಕಾರಿ ಸಿಗುವ ಸಮಯ ಬಂದಿದೆ. ಚುನಾವಣೆಯಲ್ಲಿ ಗೆಲ್ಲಬೇಕಾದ್ದು ನಾಯಕರಲ್ಲ, ಜನ ಸಾಮಾನ್ಯರು ಮತ್ತು ರೈತರು ಗೆಲ್ಲಬೇಕಿದೆ ಎಂದು ಕೆಸಿಆರ್, ಭಾರತವು ಬಡ ದೇಶವಲ್ಲ. ಅಮೆರಿಕಕ್ಕಿಂತ ಭಾರತ ಶ್ರೀಮಂತ ರಾಷ್ಟ್ರ. ಭಾರತದ ಸಂಪನ್ಮೂಲಗಳು ಹೇರಳವಾಗಿದ್ದರೂ, ಜನರನ್ನು ವಂಚಿಸಲಾಗುತ್ತಿದೆ ಎಂದು ಆರೋಪಿಸಿದರು.

ಭಾರತದಷ್ಟು ಕೃಷಿಯೋಗ್ಯ ಭೂಮಿ ಜಗತ್ತಿನ ಬೇರೆಲ್ಲೂ ಇಲ್ಲ. ಇಷ್ಟೆಲ್ಲ ನದಿಗಳಿದ್ದರೂ ಮಹಾರಾಷ್ಟ್ರದಲ್ಲಿ ನೀರಿನ ಕೊರತೆ ಏಕೆಯಾಗುತ್ತಿದೆ?. ಸ್ವಾತಂತ್ರ್ಯದ ನಂತರ ಕಾಂಗ್ರೆಸ್ 54 ವರ್ಷಗಳು ಮತ್ತು ಬಿಜೆಪಿ 16 ವರ್ಷಗಳ ಕಾಲ ಆಡಳಿತ ನಡೆಸಿದೆ. ಈ ಎರಡೂ ಪಕ್ಷಗಳು ಇದುವರೆಗೆ ಸಾಧಿಸಿರುವುದೇನು?. ಎರಡೂ ಪಕ್ಷಗಳು ಪರಸ್ಪರ ಭ್ರಷ್ಟಾಚಾರದ ಆರೋಪ ಮಾಡುತ್ತಿವೆ. ಅಲ್ಲದೇ, ಚೀನಾದಿಂದ ಗಾಳಿಪಟಗಳು, ವಿಗ್ರಹಗಳು ಮತ್ತು ರಾಷ್ಟ್ರಧ್ವಜಗಳು ಕೂಡ ಬರುತ್ತಿವೆ. ದೇಶದಾದ್ಯಂತ ಚೀನಾ ವಸ್ತುಗಳಿಗೆ ಮಾರುಕಟ್ಟೆ ಏಕೆ?. ನಾವು ನಡೆಸಿರುವುದು ರಾಜಕೀಯ ಹೋರಾಟವಲ್ಲ, ಇದು ಜೀವನ್ಮರಣದ ಹೋರಾಟ ಎಂದು ಕೆಸಿಆರ್ ಹೇಳಿದರು.

ಜಲ ವಿವಾದಗಳು ವರ್ಷಗಳಿಂದ ಬಾಕಿ: ಇದೇ ವೇಳೆ ತೆಲಂಗಾಣ ಕೆಸಿಆರ್​, ಕೇಂದ್ರ ಸರ್ಕಾರವು ರಾಜ್ಯಗಳ ನಡುವಿನ ಜಲ ವಿವಾದಗಳನ್ನು ಬಗೆಹರಿಸುತ್ತಿಲ್ಲ ಎಂದು ಆರೋಪಿಸಿದರು. ನ್ಯಾಯಾಧಿಕರಣಗಳ ಹೆಸರಿನಲ್ಲಿ ಜಲ ವಿವಾದಗಳು ಹಲವು ವರ್ಷಗಳಿಂದ ಬಾಕಿ ಉಳಿದಿವೆ. ಅನುಮತಿಯಿಲ್ಲದೆ ಯೋಜನೆಗಳನ್ನು ತಿರುಗಿಸಲಾಗುತ್ತಿದೆ. ಪ್ರಾಮಾಣಿಕತೆಯಿಂದ ಕೆಲಸ ಮಾಡಿದರೆ ದೇಶದ ಪ್ರತಿ ಎಕರೆಗೂ ನೀರು ಕೊಡಬಹುದು ಮತ್ತು ಪ್ರತಿ ಮನೆಗೂ ಶುದ್ಧ ಕುಡಿಯುವ ನೀರು ಪೂರೈಸಬಹದು ಎಂದರು.

ಎಂಟು ವರ್ಷಗಳ ಹಿಂದೆ ತೆಲಂಗಾಣದಲ್ಲೂ ಹಲವು ಸಮಸ್ಯೆಗಳಿದ್ದವು. ನೀರಾವರಿ, ಕುಡಿಯುವ ನೀರು ಹಾಗೂ ವಿದ್ಯುತ್‌ ಕೊರತೆ ಸಾಕಷ್ಟಿತ್ತು. ಕ್ರಮೇಣ ನಾವು ಎಲ್ಲಾ ಸಮಸ್ಯೆಗಳನ್ನು ನಿವಾರಿಸುತ್ತೇವೆ. ತೆಲಂಗಾಣದಲ್ಲಿ ಕೃಷಿಗೆ 24 ಗಂಟೆ ಉಚಿತ ವಿದ್ಯುತ್ ನೀಡುತ್ತಿದ್ದೇವೆ. ಪ್ರತಿ ಎಕರೆಗೆ ವರ್ಷಕ್ಕೆ 10 ಸಾವಿರ ರೂ.ನಂತೆ ರೈತರಿಗೆ ರೈತ ಬಂಧು ಯೋಜನೆ ನೀಡಿದ್ದೇವೆ. ಯಾವುದೇ ಕಾರಣದಿಂದ ರೈತರು ಮೃತಪಟ್ಟರೆ ಐದು ಲಕ್ಷ ರೂಪಾಯಿ ವಿಮೆ ಯೋಜನೆ ಕಲ್ಪಿಸಿದ್ದೇವೆ. ಅಲ್ಲದೇ, ಪ್ರತಿ ಮನೆಗೆ ನೀರು ಸರಬರಾಜು ಮಾಡುತ್ತಿದ್ದೇವೆ. ತೆಲಂಗಾಣದಲ್ಲಿ ಇದೆಲ್ಲ ಸಾಧ್ಯವಾಗಿರುವಾಗ ಮಹಾರಾಷ್ಟ್ರದಲ್ಲಿ ಏಕೆ ಸಾಧ್ಯವಾಗುತ್ತಿಲ್ಲ?. ಇಂತಹ ಯೋಜನೆಗಳು ಬೇಕಿದ್ದರೆ ರೈತ ಸರ್ಕಾರ ಬರಬೇಕೆಂದು ಎಂದು ಕೆಸಿಆರ್​ ಹೇಳಿದರು.

ಇದನ್ನೂ ಓದಿ: ತಾಲಿಬಾನ್​ ಆಡಳಿತದ ಅಫ್ಘಾನಿಸ್ತಾನಕ್ಕೆ ಹಣಕಾಸು ನೆರವು ಏಕೆ?: ಕೇಜ್ರಿವಾಲ್