ಹೈದರಾಬಾದ್: 'ಫೇಸ್ಬುಕ್ ಪ್ರೀತಿ'ಯಿಂದಾಗಿ ಹೈದರಾಬಾದ್ನ ಸಾಫ್ಟವೇರ್ ಇಂಜಿನಿಯರೊಬ್ಬ 1 ಕೋಟಿ ರೂಪಾಯಿ ಕಳೆದುಕೊಂಡ ಘಟನೆ ನಡೆದಿದೆ. ವಿಶೇಷ ಅಂದರೆ ಫೇಸ್ಬುಕ್ ಪ್ರೀತಿ ಹೆಸರಲ್ಲಿ ವಂಚಿಸಿದ್ದು ಹುಡುಗಿಯಲ್ಲ, ಓರ್ವ ದಂಪತಿ..
ಎಂಎನ್ಸಿ ಕಂಪನಿಯೊಂದರಲ್ಲಿ ಸಾಫ್ಟವೇರ್ ಇಂಜಿನಿಯರ್ ಆಗಿರುವ ಸಿಕಂದರಾಬಾದ್ ನಿವಾಸಿಯಾದ ವಿಜಯ್(40) ಎಂಬುವರು ವಂಚನೆಗೊಳಗಾದವರು. ಯಾರ್ಲಗಡ್ಡ ದಾಸು ದಂಪತಿ ಮೋಸ ಮಾಡಿದ ಆರೋಪಿಗಳು.
ಅವಿವಾಹಿತರಾಗಿರುವ ವಿಜಯ್ಗೆ 1 ವರ್ಷದ ಹಿಂದೆ ಫೇಸ್ಬುಕ್ನಲ್ಲಿ ಕಲ್ಯಾಣಿ ಶ್ರೀ ಎಂಬ ಹೆಸರಲ್ಲಿ ಯಾರ್ಲಗಡ್ಡ ದಾಸು ರಿಕ್ವೆಸ್ಟ್ ಕಳಿಸಿದ್ದಾನೆ. ವಿಜಯ್ ರಿಕ್ವೆಸ್ಟ್ ಅನ್ನು ಸಮ್ಮಿತಿಸಿದ್ದಾರೆ. ಬಳಿಕ ಇಬ್ಬರ ಮಧ್ಯೆ ಪರಸ್ಪರ ಚಾಟಿಂಗ್, ಮಾತುಕತೆ ನಡೆದಿದೆ.
ಬಳಿಕ ಕಲ್ಯಾಣಿ ಶ್ರೀ ಹೆಸರಿನ ದಾಸು ಫೇಸ್ಬುಕ್ನಲ್ಲಿ ವಿಜಯ್ ಬಳಿ ಪ್ರೀತಿ ನಿವೇದನೆ ಮಾಡಿಕೊಂಡಿದ್ದಾರೆ. ಇದನ್ನು ನಂಬಿದ ವಿಜಯ್ ಒಪ್ಪಿಗೆ ನೀಡಿದ್ದಾನೆ. ಕೆಲ ದಿನಗಳ ಬಳಿಕ ತನ್ನ ಬಳಿ 50 ಕೋಟಿ ರೂಪಾಯಿ ಮೌಲ್ಯದ ಆಸ್ತಿ ಇದೆ. ಅದಕ್ಕೆ ಕೆಲ ಅಡಚಣೆ ಇದೆ.
ತನ್ನ ಸ್ವತ್ತಾಗಲು ಕೆಲವು ದಾಖಲೆ ಮಾಡಿಸಬೇಕು. ಇದಕ್ಕಾಗಿ 1 ಕೋಟಿ ರೂಪಾಯಿ ಬೇಕು ಎಂದು ತನ್ನ ಬ್ಯಾಂಕ್ ಖಾತೆಯ ಸಂಖ್ಯೆ ನೀಡಿದ್ದಾನೆ. ವಿಜಯ್ ಹಣವನ್ನು ವರ್ಗಾವಣೆ ಮಾಡಿದ್ದಾನೆ.
ಕೆಲ ದಿನಗಳ ಬಳಿಕ ಕಲ್ಯಾಣಿ ಶ್ರೀ ನಾಪತ್ತೆಯಾಗಿದ್ದಾಳೆ. ಪರಿಶೀಲನೆ ಬಳಿಕ ತಾನು ಮೋಸ ಹೋಗಿದ್ದು ವಿಜಯ್ಗೆ ಗೊತ್ತಾಗಿದೆ. ಈ ಬಗ್ಗೆ ಸೈಬರ್ ಕ್ರೈಂ ಪೊಲೀಸರಿಗೆ ದೂರು ನೀಡಿದ್ದಾರೆ.
