ಪಾಕಿಸ್ತಾನ ಪರ ಬೇಹುಗಾರಿಕೆ ನಡೆಸುತ್ತಿದ್ದ ಬಿಎಸ್‌ಎಫ್ ಯೋಧನ ಬಂಧನ

ಕಚ್ ಗಾಂಧಿಧಾಮದ 74 ನೇ ಬೆಟಾಲಿಯನ್‌ನಲ್ಲಿ ಕೆಲಸ ಮಾಡುತ್ತಿದ್ದ ಯೋಧ ಪಾಕಿಸ್ತಾನಕ್ಕಾಗಿ ಬೇಹುಗಾರಿಕೆ ಮಾಡುತ್ತಿದ್ದ ಹಿನ್ನೆಲೆ ಆತನನ್ನು ಬಂಧಿಸಲಾಗಿದೆ.

ಕಚ್: ಗಡಿಯಲ್ಲಿ ಬೇಹುಗಾರಿಕೆ ನಡೆಸುತ್ತಿದ್ದ ಬಿಎಸ್​​ಎಫ್ ಯೋಧನನ್ನ ಗುಜರಾತ್ ಎಟಿಎಸ್ ಬಂಧಿಸಿದೆ. ಕಚ್‌ನ ಗಡಿ ಭದ್ರತಾ ಪಡೆಯ (ಬಿಎಸ್‌ಎಫ್) ಗಾಂಧಿಧಾಮ್ ಘಟಕದಲ್ಲಿ ನಿಯೋಜನೆಗೊಂಡಿದ್ದ ಕಾಶ್ಮೀರಿ ಜವಾನ ಬೇಹುಗಾರಿಕೆ ವೇಳೆ ಸಿಕ್ಕಿಬಿದ್ದಿದ್ದಾನೆ.

ಈ ಕಾಶ್ಮೀರಿ ಜವಾನನು ತ್ರಿಪುರಾದಲ್ಲಿಯೂ ಕರ್ತವ್ಯದಲ್ಲಿದ್ದನು ಮತ್ತು ಅಂದಿನಿಂದ ಮೇಲ್ವಿಚಾರಣೆಗೆ ಒಳಪಟ್ಟಿದ್ದನು. ನಂತರ ಕಚ್ ಗಾಂಧಿಧಾಮದ 74 ನೇ ಬೆಟಾಲಿಯನ್‌ನಲ್ಲಿ ನಿಯೋಜಿಸಲಾಗಿತ್ತು. ಈತ ಏಳು ವರ್ಷಗಳ ಹಿಂದೆ ಬಿಎಸ್‌ಎಫ್​ಗೆ ನೇಮಕಗೊಂಡಿದ್ದ.

ಮೂಲಗಳ ಪ್ರಕಾರ, ಜಮ್ಮು ಮತ್ತು ಕಾಶ್ಮೀರ ರಾಜ್ಯದ ರಾಜೌರಿ ಜಿಲ್ಲೆಯ ಜವಾನ ತನ್ನ ಬೆಟಾಲಿಯನ್ ಜೊತೆ ಎರಡು ತಿಂಗಳ ಹಿಂದೆ ಕಚ್​​​ನ ಗಾಂಧಿಧಾಮಕ್ಕೆ ಬಂದಿದ್ದಾನೆ. ಈ ಬಗ್ಗೆ ಗುಪ್ತಚರ ಸಂಸ್ಥೆ ಕಣ್ಣಿಟ್ಟಿತ್ತು.