ಸಬರಕಾಂಠ(ಗುಜರಾತ್) : ಇಲ್ಲಿನ ವಿಜಯನಗರದ ಗಡಿ ವಾಂಕದ ಗ್ರಾಮದವರಾದ ಗೆಮಾಜಿ ನಿನಾಮ ಅವರಿಗೆ ಪ್ರಸ್ತುತ 95 ವರ್ಷ ವಯಸ್ಸಾಗಿದ್ದರೂ ಇನ್ನು ಚಿರ ಯುವಕನಂತೆ ದುಡಿದು ತಿನ್ನುತ್ತಿದ್ದಾರೆ. ಅವರ ದೇಹಕ್ಕೆ ವಯಸ್ಸಾಗಿದೆಯೇ ಹೊರತು ಅವರ ಆತ್ಮಸ್ಥೈರ್ಯ ಇನ್ನೂ ಕುಗ್ಗಿಲ್ಲ. ಈಗಲೂ ಅವಿಭಕ್ತ ಕುಟುಂಬದ ಜವಾಬ್ದಾರಿ ಹೊತ್ತಿದ್ದಾರೆ.
1927ರಲ್ಲಿ ಸ್ವಾತಂತ್ರ್ಯದ ಮೊದಲು ಜನಿಸಿದ್ದ ಗೆಮಾಜಿ 1947ರ ನಂತರ ಸರ್ಕಾರಿ ಕೆಲಸಕ್ಕೆ ಸೇರಿದ್ದರು. ಆದರೆ, 1960ರಲ್ಲಿ ವೈದ್ಯಕೀಯ ರಜೆ ಪಡೆದುಕೊಂಡು ಅಲ್ಲಿಂದ ಹೊರ ಬಂದರು. ಅಂದು ರಾಜ್ಯ ಸರ್ಕಾರವು ಅವರಿಗೆ ಪಿಂಚಣಿ ನೀಡಲು ಪ್ರಾರಂಭಿಸಿತು. ಆ ಪಿಂಚಣಿ ಇಂದಿಗೂ ನಿಂತಿಲ್ಲ.
ದೊಡ್ಡ ಕುಟುಂಬದ ಯಜಮಾನ : ಅಹಮದಾಬಾದ್‌ನ ಶಾಹಿಬಾಗ್ ಪೊಲೀಸ್ ಠಾಣೆಯಲ್ಲಿ ಪೊಲೀಸ್ ಕಾನ್‌ಸ್ಟೇಬಲ್ ಆಗಿದ್ದ ಗೆಮಾಜಿ ನಿನಾಮಾ ಅವರು ಈಗ ಕುಟುಂಬಕ್ಕೆ ಸಹಾಯ ಮಾಡಲು ಜಮೀನಿನಲ್ಲಿ ಕೆಲಸ ಮಾಡುತ್ತಾರೆ. ಇವರ ಈ ಕುಟುಂಬದಲ್ಲಿ ಇಂದು 22 ಜನ ಸದಸ್ಯರಿದ್ದಾರೆ.
ದೇಹದಾರ್ಢ್ಯದ ಕಲೆಯನ್ನು ಕರಗತ ಮಾಡಿಕೊಂಡಿರುವ ಇವರು ಇಂದಿಗೂ ಅದನ್ನು ಮುಂದುವರೆಸಿಕೊಂಡು ಬಂದಿದ್ದಾರೆ. ಗೆಮಾಜಿ ನಿನಾಮ ಅವರ ಕುಟುಂಬವು ಅವಿಭಕ್ತ ಕುಟುಂಬದ ವ್ಯಾಖ್ಯಾನಕ್ಕೆ ಉತ್ತಮ ಮಾದರಿಯಾಗಿದೆ. ಈ ಏಕೀಕೃತ ಕುಟುಂಬವು ಸಂತೋಷ ಮತ್ತು ಸಾಮರಸ್ಯವನ್ನು ಸಾಧಿಸುತ್ತದೆ ಎಂದು ಅವರು ನಂಬಿದ್ದಾರೆ.
ತಮ್ಮ ನಾಲ್ಕು ಮಕ್ಕಳಲ್ಲಿ ಓರ್ವನನ್ನು ಸೈನ್ಯಕ್ಕೆ ಸೇರಿಸಿದ್ದರು. ಆದರೆ, ಅವರು 25 ವರ್ಷಗಳ ಹಿಂದೆ ಮಣಿಪುರದಲ್ಲಿ ಸ್ಥಳೀಯ ಮತಾಂಧರೊಂದಿಗೆ ನಡೆದ ಘರ್ಷಣೆಯಲ್ಲಿ ಹುತಾತ್ಮರಾಗಿದ್ದಾರೆ.
ಅವರ ಪೊಲೀಸ್ ವೃತ್ತಿಜೀವನದ ಅವಧಿಯಲ್ಲಿ ಮೂರು ತಿಂಗಳ ಕಾಲ ಆರೋಗ್ಯ ಸಮಸ್ಯೆ ಅನನುಭವಿಸಿ ನಂತರ ವಿಆರ್‌ಎಸ್ ಯೋಜನೆ ಮೂಲಕ ನಿವೃತ್ತಿ ಪಡೆದರು. ಪರಿಣಾಮವಾಗಿ 1964ರಲ್ಲಿ ಪಿಂಚಣಿ ಪ್ರಾರಂಭವಾಯಿತು. ಅಂದಿನಿಂದ ಲೆಕ್ಕ ಹಾಕಿದರೆ 58 ವರ್ಷದಿಂದ ಅವರು ಪಿಂಚಣಿ ಫಲಾನುಭವಿ ಆಗಿದ್ದಾರೆ.
ಹೀಗಾಗಿಯೇ, ದೀರ್ಘ ವರ್ಷದ ಪಿಂಚಣಿದಾರ ಎಂದು ಕರೆಯಲಾಗುತ್ತಿದೆ. ಇನ್ನು ಅಧಿಕೃತವಾಗಿ ಇವರಿಗೆ 95 ವರ್ಷಗಳು ಎಂದು ಹೇಳುತ್ತಾರಾದರೂ ಅನಧಿಕೃತವಾಗಿ ಕುಟುಂಬದ ಮೂಲಗಳ ಪ್ರಕಾರ ಇವರಿಗೆ 115 ವರ್ಷ ವಯಸ್ಸಾಗಿದೆಯಂತೆ.
ಇದನ್ನೂ ಓದಿ: ಪ್ಲೇ - ಆಫ್ ರೇಸ್ಗಾಗಿ ಹೋರಾಟ.. ಟಾಸ್ ಗೆದ್ದು ಬೌಲಿಂಗ್ ಆಯ್ದುಕೊಂಡ ಪಂಜಾಬ್ ಕಿಂಗ್ಸ್
