ನವದೆಹಲಿ : 7 ವರ್ಷದ ಮಗುವನ್ನು ಸಿಗರೇಟಿನಿಂದ ಸುಟ್ಟು ಹಾಕಿರುವ ಪ್ರಕರಣ ರಾಜಧಾನಿಯ ನೆಬ್ ಸರಾಯ್ನಲ್ಲಿ ಬೆಳಕಿಗೆ ಬಂದಿದೆ. ಮಗು ನೆಬ್ ಸರಾಯ್‌ನ ಕೇಂಬ್ರಿಡ್ಜ್ ಇಂಟರ್‌ನ್ಯಾಶನಲ್ ಸ್ಕೂಲ್‌ನಲ್ಲಿ ಎರಡನೇ ತರಗತಿ ವ್ಯಾಸಂಗ ಮಾಡುತ್ತಿದೆ ಎಂಬುದಾಗಿ ತಿಳಿದು ಬಂದಿದೆ. ಘಟನೆಯ ದೂರಿನ ಮೇರೆಗೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಕೈಗೊಂಡಿದ್ದಾರೆ. ಅಚ್ಚರಿಯ ವಿಷಯವೆಂದರೆ ಹೀಗೆ ಮಾಡಿದವರು ಸಹೋದರ ಸಂಬಂಧಿ ಎಂಬುದಾಗಿ ತಿಳಿದು ಬಂದಿದೆ.
ಪೊಲೀಸರಿಗೆ ನೀಡಿರುವ ದೂರಿನಲ್ಲಿ ಅಮಾಯಕ ತನ್ನ ತಾಯಿಯ ಅಜ್ಜನ ಮನೆಯಲ್ಲಿ ವಾಸಿಸುತ್ತಿದ್ದು, ಸುಮಾರು 3 ತಿಂಗಳ ಹಿಂದೆ ಸೈನಿಕ ಫಾರ್ಮ್‌ನಲ್ಲಿರುವ ತನ್ನ ತಂದೆಯ ಮನೆಗೆ ಹೋಗಿದ್ದ ಎನ್ನಲಾಗಿದೆ. ಅಲ್ಲಿ ಆತನ ಸಹೋದರ ಸಂಬಂಧಿ ಸಿಗರೇಟಿನಿಂದ ಕೆನ್ನೆ ಸುಟ್ಟಿದ್ದಾರೆ. ಅಷ್ಟೇ ಅಲ್ಲ ಈ ಬಗ್ಗೆ ಯಾರಿಗೂ ಹೇಳದಂತೆ ಮಗುವನ್ನು ಕೇಳಿಕೊಳ್ಳಲಾಗಿತ್ತು ಎಂಬುದಾಗಿಯೂ ಮಾಹಿತಿ ಸಿಕ್ಕಿದೆ.
ಫೆಬ್ರವರಿ 25 ರಂದು ತಾಯಿಯ ಚಿಕ್ಕಮ್ಮ ಅವನನ್ನು ತನ್ನ ತಾಯಿಯ ಅಜ್ಜಿಯ ಬಳಿಗೆ ಕರೆತಂದಿದ್ದಾರೆ. ನಂತರ ಫೆಬ್ರವರಿ 27 ರಂದು ಮಗು ಟ್ಯೂಷನ್ ಶಿಕ್ಷಕರಿಗೆ ಈ ವಿಷಯವನ್ನು ತಿಳಿಸಿದೆ. ಘಟನೆ ಮುನ್ನೆಲೆಗೆ ಬಂದ ನಂತರ ಪೊಲೀಸರಿಗೆ ದೂರು ನೀಡಲಾಗಿದ್ದು, ಮಾರ್ಚ್ 1 ರಂದು ದೂರಿನ ಆಧಾರದ ಮೇಲೆ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದ್ದರು. ಮಾಹಿತಿ ಪ್ರಕಾರ, ಸಂತ್ರಸ್ತ ಮಗುವಿನ ಕುಟುಂಬದಲ್ಲಿ ಕಾನೂನು ವಿವಾದ ನಡೆಯುತ್ತಿದೆ. ಮಗುವಿನ ಪೋಷಕರ ನಡುವಿನ ಈ ವಿವಾದವು ಪ್ರಸ್ತುತ ನ್ಯಾಯಾಲಯದಲ್ಲಿ ವಿಚಾರಣೆಯಲ್ಲಿದೆ. ಈ ವೇಳೆ, ನ್ಯಾಯಾಲಯದ ಆದೇಶದ ಮೇರೆಗೆ ಮಗುವನ್ನು ತಾಯಿ ಮನೆಯಿಂದ ತಂದೆಯ ಮನೆಯಲ್ಲಿ ವಾಸಕ್ಕೆ ಕಳುಹಿಸಲಾಗಿತ್ತು. ಈ ಘಟನೆಯ ನಂತರ ಮಗುವಿನ ಕುಟುಂಬದ ಸದಸ್ಯರು ತೀವ್ರ ಆಘಾತಕ್ಕೊಳಗಾಗಿದ್ದಾರೆ.
ಈ ಬಗ್ಗೆ ಮಾತನಾಡಿರುವ ದೆಹಲಿಯ ಡಿಸಿಪಿ, ಫೆಬ್ರವರಿ 28 ರಂದು ಏಳು ವರ್ಷದ ಬಾಲಕನ ಕೆನ್ನೆಯನ್ನು ಸಿಗರೇಟಿನಿಂದ ಸುಟ್ಟುಹಾಕಲಾಗಿದೆ ಎಂದು ನೆಬ್ ಸರೈ ಪೊಲೀಸ್ ಠಾಣೆಗೆ ಪೊಲೀಸ್ ನಿಯಂತ್ರಣ ಕೊಠಡಿಗೆ ಕರೆ ಬಂದಿತ್ತು. ಆ ಕರೆ ಆಧಾರದ ಮೇಲೆ ಬಾಲಕನಿಂದ ಮಾಹಿತಿ ಪಡೆಯಲಾಗಿದೆ. "ಸದ್ಯ ತಾನು ತನ್ನ ತಾಯಿಯೊಂದಿಗೆ ಮದಂಗಿರ್, ಡಿಡಿಎ ಫ್ಲಾಟ್‌ನಲ್ಲಿ ವಾಸಿಸುತ್ತಿದ್ದೇನೆ ಎಂದು ಮಗು ಹೇಳಿದೆ. ಆ ಮಗುವಿನ ಹೇಳಿಕೆಯನ್ನು ದಾಖಲಿಸಲಾಗಿದೆ. ಅವನು ತನ್ನ ತಂದೆ, ಚಿಕ್ಕಮ್ಮ (ಬುವಾ), ಮತ್ತು ಚಿಕ್ಕಮ್ಮನ ಮಗಳೊಂದಿಗೆ ಕಳೆದ ಮೂರು ತಿಂಗಳಿನಿಂದ ವಾಸಿಸುತ್ತಿದ್ದ. ಸೈನಿಕ ಫಾರ್ಮ್‌ನ ಅನುಪಮ್ ಗಾರ್ಡನ್‌ನಲ್ಲಿರುವ ಅವರ ತಂದೆಯ ಮನೆಯಲ್ಲಿ ಡಿಸೆಂಬರ್ 29, 2022 ರಂದು ಅವರ ಸೋದರಸಂಬಂಧಿ (ಬುವಾ ಅವರ ಮಗಳು) ಸಿಗರೇಟ್‌ನಿಂದ ಸುಟ್ಟಿದ್ದಾರೆ ಎಂದು ಬಾಲಕ ಮಾಹಿತಿ ನೀಡಿದ್ದಾನೆ ”ಎಂದು ಡಿಸಿಪಿ ಸ್ಪಷ್ಟಪಡಿಸಿದ್ದಾರೆ.
ಇದನ್ನೂ ಓದಿ : ವಿದ್ಯಾರ್ಥಿಗೆ ಕಚ್ಚಿದ ಪಿಟ್ ಬುಲ್ ನಾಯಿ: ಶ್ವಾನ ಮಾಲೀಕನಿಗೆ 5 ಸಾವಿರ ರೂ ದಂಡ!
