ಮಾಲ್ಡಾ( ಪಶ್ಚಿಮ ಬಂಗಾಳ): 1971ರ ಭಾರತ- ಪಾಕ್ ಯುದ್ಧದ ವಿಜಯ ಸಂಕೇತವಾಗಿ ಸ್ವರ್ನಿಮ್ ವಿಕ್ಟರಿ ಫ್ಲೇಮ್ ಅಥವಾ ವಿಜಯ ಜ್ಯೋತಿ ಮಂಗಳವಾರ ಮಾಲ್ಡಾ ತಲುಪಿದೆ. ಸುಕ್ನಾ ನಗರದಿಂದ ಸ್ಟ್ರೈಕಿಂಗ್ ಲಯನ್ ವಿಭಾಗದ ಅಧಿಕಾರಿಗಳು ಹಾಗೂ ಸೈನಿಕರು ಈ ವಿಜಯ ಜ್ಯೋತಿಯ ಹೊತ್ತು ತಂದಿದ್ದಾರೆ.
ಮಾಲ್ಡಾದ ಮುಖ್ಯ ಸೆಕ್ಟರ್ನಲ್ಲಿ ಗಡಿ ಭದ್ರತಾ ಪಡೆಗಳ ಡೆಪ್ಯೂಟಿ ಇನ್ಸ್ಪೆಕ್ಟರ್ ಜನರಲ್ ಅವರು ಈ ವಿಜಯ ಜ್ಯೋತಿಯನ್ನು ಸ್ವಾಗತಿಸಿದ್ದು, ಈ ವೇಳೆ ಆರ್ಮಿ ಬ್ಯಾಂಡ್ಗಳು ಹಾಜರಿದ್ದವು.
ಮಾಲ್ಡಾದ ಡಿಐಜಿ, ಬಿಎಸ್ಎಫ್ ಮತ್ತು ಜಿಲ್ಲಾ ಮ್ಯಾಜಿಸ್ಟ್ರೇಟ್ ವಿಜಯ ಜ್ಯೋತಿಗೆ ಗೌರವ ಸಲ್ಲಿಸಿದರು. ವಿಜಯಿ ಓಟದ ಭಾಗವಾಗಿ ಜ್ಯೋತಿಯು ಮಾಲ್ಡಾದಲ್ಲಿ 10 ಕಿಲೋ ಮೀಟರ್ ದೂರ ಮೆರವಣಿಗೆಯಲ್ಲಿ ಸಾಗಿತು. ಇನ್ನೂ ಈ ಜ್ಯೋತಿಯು ನಾಳೆ ಬಲೂರ್ಘಾಟ್ ತಲುಪಲಿದ್ದು, ವಿಜಯ ಜ್ಯೋತಿ ಆಗಮನಕ್ಕಾಗಿ ಸಕಲ ಸಿದ್ಧತೆ ಮಾಡಿಕೊಳ್ಳಲಾಗಿದೆ.
ಈ ವರ್ಷ ದೇಶವು 1971ರ ಭಾರತ - ಪಾಕಿಸ್ತಾನ ಯುದ್ಧದ 50ನೇ ವರ್ಷದ ವಿಜಯೋತ್ಸವಾಗಿ ಆಚರಿಸುತ್ತಿದೆ. ಈ ಯುದ್ಧ ಅತಿದೊಡ್ಡ ಮಿಲಿಟರಿ ಶರಣಾಗತಿಯೊಂದಿಗೆ ಕೊನೆಗೊಂಡಿತು, ಪಾಕಿಸ್ತಾನ ಸೇನೆಯ 90,000ಕ್ಕೂ ಹೆಚ್ಚು ಸೈನಿಕರು ಭಾರತಕ್ಕೆ ಶರಣಾಗಿದ್ದರು.
ಇದಕ್ಕೂ ಮೊದಲು ಪ್ರಧಾನಿ ನರೇಂದ್ರ ಮೋದಿ ದೆಹಲಿಯ ಯುದ್ಧ ಸ್ಮಾರಕದಲ್ಲಿ ಈ ವಿಜಯ ಜ್ಯೋತಿಗೆ ಚಾಲನೆ ನೀಡಿದ್ದರು.
