ಅಕ್ರಮ ಕ್ಯಾಸಿನೊ ಮೇಲೆ ಪೊಲೀಸರ ದಾಳಿ.. 15 ಜನರ ಬಂಧನ

ಗೋವಾ ಪೊಲೀಸರು ಅಕ್ರಮ ಕ್ಯಾಸಿನೊ ಮೇಲೆ ದಾಳಿ ನಡೆಸಿ, ಜೂಜಾಟದಲ್ಲಿ ತೊಡಗಿದ್ದ 15 ಮಂದಿಯನ್ನು ಬಂಧಿಸಿದ್ದಾರೆ.

ವರ್ಕಾ (ಗೋವಾ): ಶನಿವಾರ ಇಲ್ಲಿನ ವರ್ಕಾ ಬೀಚ್​ ಬಳಿ ಅಕ್ರಮ ಕ್ಯಾಸಿನೊ ಮೇಲೆ ದಾಳಿ ನಡೆಸಿರುವ ಗೋವಾ ಪೊಲೀಸರು, ಜೂಜಾಟ- ಮೋಜು ಮಸ್ತಿಯಲ್ಲಿ ತೊಡಗಿದ್ದ 15 ಜನರನ್ನು ಬಂಧಿಸಿದ್ದಾರೆ.

ಸೂಕ್ತ ಮಾಹಿತಿ ಮೇರೆಗೆ ಕೊಲ್ವಾ ಮತ್ತು ಮಾರ್ಗಾವ್​​ ಪಟ್ಟಣ ಪೊಲೀಸರು ಜಂಟಿ ಕಾರ್ಯಾಚರಣೆ ನಡೆಸಿ 15 ಜನರನ್ನು ಬಂಧಿಸಲಾಗಿದೆ ಎಂದು ಪೊಲೀಸ್ ಇಲಾಖೆ ಹೇಳಿಕೆ ಬಿಡುಗಡೆ ಮಾಡಿದೆ.

ಆರೋಪಿಗಳು 6,90,000 ರೂ.ಮೌಲ್ಯದ ವಿವಿಧ ಬಣ್ಣಗಳ ಚಿಪ್ಸ್​​(Casino chips) ಬಳಸಿ ಆಟವಾಡುತ್ತಿದ್ದರು ಎನ್ನಲಾಗ್ತಿದೆ.

ಆರೋಪಿಗಳು ಗುಜರಾತ್ ಮತ್ತು ಗೋವಾ ಮೂಲದವರೆಂದು ತಿಳಿದುಬಂದಿದ್ದು, ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.