ರಾಜಮಾಲ(ಕೇರಳ): ದೇಶದಲ್ಲೇ ಶೈಕ್ಷಣಿಕ ವ್ಯವಸ್ಥೆಯಲ್ಲಿ ನಂಬರ್ 1 ಸ್ಥಾನ ಪಡೆದಿರುವ ಕೇರಳದಲ್ಲೂ ಆನ್ಲೈನ್ ತರಗತಿಗೆ ತೊಂದರೆಯುಂಟಾಗಿದೆ. ಕೇರಳದ ಮುನ್ನಾರ್ ಪಟ್ಟಣದ ರಾಜಾಮಾಲಾ ಸೇರಿದಂತೆ ಅಕ್ಕಪಕ್ಕದ ಊರಿನ ವಿದ್ಯಾರ್ಥಿಗಳು ಆನ್ಲೈನ್ ತರಗತಿಗೆ ಹಾಜರಾಗಲು 6 ಕಿಮೀ ದೂರ ಪ್ರಯಾಣಿಸಬೇಕಾದ ದುಸ್ಥಿತಿ ಎದುರಿಸುತ್ತಿದ್ದಾರೆ.
ಇಡುಕ್ಕಿಯ ರಾಜಮಾಲ ಪ್ರದೇಶದ 12ನೇ ತರಗತಿ ವಿದ್ಯಾರ್ಥಿಗಳು ಆನ್ಲೈನ್ ತರಗತಿಯಲ್ಲಿ ಪಾಲ್ಗೊಳ್ಳಲು ಪ್ರತಿದಿನ 6 ಕಿಮೀ ದೂರದಲ್ಲಿರುವ ಇರವಿಕುಲಮ್ ರಾಷ್ಟ್ರೀಯ ಉದ್ಯಾನವನಕ್ಕೆ ಬರುತ್ತಿದ್ದಾರೆ. ಅಲ್ಲಿಗೆ ಸೇತುವೆ ಬಂಡೆಗಳ ಮೇಲೆ ಕುಳಿತು ಸಂಜೆ ತನಕ ಮೊಬೈಲ್ ಮೂಲಕ ಆನ್ಲೈನ್ ಪಾಠ ಕೇಳುತ್ತಿದ್ದಾರೆ.
ಪ್ರತಿದಿನ ಬೆಳಿಗ್ಗೆ ನಾವು ಆಟೋ ಮೂಲಕ ಇಲ್ಲಿಗೆ ಆಗಮಿಸುತ್ತೇವೆ. ಸಂಜೆ ನಡೆದುಕೊಂಡು ಮನೆಗೆ ತೆರಳುತ್ತೇವೆ ಎಂದು 12 ನೇ ತರಗತಿ ವಿದ್ಯಾರ್ಥಿಯೊಬ್ಬ ಮಾಧ್ಯಮಕ್ಕೆ ಮಾಹಿತಿ ನೀಡಿದ್ದಾರೆ.
" ರಾಜಮಾಲದಲ್ಲಿ ಇಂಟರ್ನೆಟ್ ಸೌಲಭ್ಯವಿಲ್ಲ, ಕೆಲವು ಸ್ಥಳದಲ್ಲಿ ದೊರೆತರೂ ಇಂಟರ್ನೆಟ್ ಸ್ಪೀಡ್ ತುಂಬಾ ಕಡಿಮೆಯಿದೆ. ಪ್ರತಿದಿನ 6 ಕಿಮೀ ದೂರ ಪ್ರಯಾಣ ಮಾಡುವುದು ನಮಗೆ ತುಂಬಾ ಕಷ್ಟವಾಗುತ್ತಿದೆ. ಕೆಲವೊಮ್ಮೆ ಮಳೆ ಬಂದಾಗ ನಮ್ಮ ಸ್ಥಿತಿ ಕೆಟ್ಟದಾಗಿರುತ್ತದೆ" ಎಂದು ಅರುಣ್ ಎಂಬ ವಿದ್ಯಾರ್ಥಿ ಹೇಳಿದ್ದಾರೆ.
ಇದನ್ನು ಓದಿ:ಕೇರಳದಿಂದ ಹೊಸದೊಂದು ದಾಖಲೆ.. 43 ಲಕ್ಷ ವಿದ್ಯಾರ್ಥಿಗಳಿಗೆ ಆನ್ಲೈನ್ ಕ್ಲಾಸ್!
