मसूरी मा योग से ह्वाई चिंतन शिविर का अंतिम सत्र की शुरुवात: लाल बहादुर शास्त्री प्रशासनिक अकादमी मसूरी मा आज उत्तराखंड सरकार कू चिंतन शिविर कू अंतिम दिन, मसूरी मा आज योग शिविर से ह्वाई अंतिम सत्र की शुरुवात, ये मौका पर मुख्यमंत्री पुष्कर सिंह धामी, मुख्य सचिव एसएस संधू समेत वरिष्ठ अधिकारियों ना करि योग. अकादमी का कालिंदी ग्राउंड मा योग शिविर कू किये ग्या आयोजन.
228 कर्मचारियों की बर्खास्तगी का आदेश थै हाईकोर्ट ना बताई सही: उत्तराखंड हाईकोर्ट की खंडपीठ ना विधानसभा सचिवालय से बर्खास्त 228 कर्मचारियों का बर्खास्तगी आदेश थै बताई सही. येसे पेलि पूर्व मा हाईकोर्ट की एकलपीठ ना विधानसभा अध्यक्ष का आदेश पर लगै छाई रोक. वखि आज ये आदेश थै चुनौती दिण वलि याचिका पर हाईकोर्ट की खंडपीठ ना बर्खास्तगी का आदेश से हटाई स्टे.
कांग्रेस ना बोली, कर्मचारियों का दगणि नेताओं पर भी हुण चैंदि कार्रवाई: उत्तराखंड हाईकोर्ट ना बैकडोर भर्ती मामला मा विधानसभा सभा अध्यक्ष ऋतु खंडूड़ी का 228 कर्मचारियों थै बर्खास्त किये जाण का आदेश थै बताई सही, होईकोर्ट का फैसला पर ऋतु खंडूड़ी ना जताई खुशी, वखि कांग्रेस हाईकोर्ट का फैसला से असंतुष्ट, करण माहरा ना बोली- कर्मचारियों का दगणि दोषी नेताओं पर भी हुण चैंदि कार्रवाई.
हेमा पुरोहित ना संभाली कांग्रेस सेवादल अध्यक्ष कू पदभार: उत्तराखंड कांग्रेस प्रदेश मुख्यालय मा हेमा पुरोहित ना संभाली कांग्रेस सेवादल का प्रदेश अध्यक्ष कू पदभार, वखि ये मौका पर कांग्रेस कार्यकर्ताओं ना सम्मान समारोह कू करि आयोजन, हेमा पुरोहित ना पदभार ग्रहण करदि ही गिणैन अपणी प्राथमिकताएं. बोली- भर्ती परीक्षा पेपर लीक, विधानसभा भर्ती घोटाला और अंकिता भंडारी हत्याकांड थै लेकि सरकार का खिलाफ सेवादल करलु प्रदर्शन.
उत्तराखंड का पूर्व विधायकों ना बणाई संगठन: उत्तराखंड का पूर्व विधायकों ना बणाई संगठन, उत्तराखंड का ज्वलंत मुद्दों पर सरकार का समणि संगठन रखलु अपणी राय, नए साल मा पूर्व विधायकों कू संगठन आयोजित करलु ए बड़ू कार्यक्रम, पूर्व विधायक लाखी राम जोशी थै संगठन कू अध्यक्ष किये ग्या नियुक्त, आज संगठन का पदाधिकारियों ना विधान सभा अध्यक्ष ऋतु खंडूड़ी से करि मुलाकात.
देहरादून और ऋषिकेश मा इनकम टैक्स विभाग की छापेमारी: देहरादून और ऋषिकेश मा आयकर विभाग की ताबड़तोड़ छापेमारी से मचि हड़कंप, ऋषिकेश मा हरिद्वार रोड स्थित एमजे प्रॉपर्टीज, मेन बाजार स्थित गढ़वाल हौजरी और रेलवे रोड स्थित विलाना होटल मा चनि च छापेमारी की कार्रवाई. वखि देहरादून मा नेशविला रोड स्थित उद्योगपतियों का घौर पर भी इनकम टैक्स टीम कू छापा, मौका पर भारी पुलिस बल मौजूद.
निसणी गौं मा पिंजरा मा कैद ह्वाई गुलदार: पौड़ी का निसणी गौं मा वन विभाग का लग्यां पिंजरा मा कैद ह्वे ग्याई गुलदार, निसणी गौं मा गुलदार ना पांच साल का मासूम थै बणै छाई अपणुं निवाला, वखि वन विभाग की टीम ना पिंजरा मा कैद गुलदार थै रेरक्यू सेंटर भेजी, ग्रामीणों ना ल्याई राहत की सांस, वन विभाग की छह टीम इलाका मा कनि छाई गश्त.
काठगोदाम-हैड़ाखान रोड पिछला 10 दिनों से बंद: काठगोदाम-हैड़ाखान रोड पिछला दस दिनों से बंद हुण से ग्रामीणों थै हुणि च काफी परेशानी, बीती 14 नवंबर की सुबह भूस्खलन का चलदा मार्ग ह्वे ग्ये छाई बंद, वखि काठगोदाम-हैड़ाखान रोड बंद हुण की वजह से आसपास का कई गौं कू कटि संपर्क, जैका चलदा इलाका मा खाद्यान्न और गैस आपूर्ति की बढ़ी संकट.
