सांसद निशंक ना शताब्दी समारोह कार्यक्रम मा करि शिरकत: पूर्व केंद्रीय मंत्री और सांसद रमेश पोखरियाल निशंक ना ऋषिकेश पौंचि नगर निकाय का शताब्दी समारोह कार्यक्रम मा करि शिरकत, ये मौके पर सांसद निशंक ना स्वतंत्रता सेनानियों, शहीदों के परिजनों, संत समाज और पूर्व पालिका अध्यक्षों का साथ-साथ शहर का विकास मा योगदान दिण वला लौखु थै करि सम्मानित, ये कार्यक्रम मा ऋषिकेश नगर निगम की मेयर अनिता ममगाईं भी रैनि मौजूद.
उत्तराखंड मा भारत जोड़ो यात्रा थै मिनु च अपार समर्थन: उत्तराखंड कांग्रेस भारत जोड़ो यात्रा का तहत 14 नवंबर से 19 नवंबर तक प्रदेश मा मनाण जाणि च पखवाड़ा, कांग्रेस प्रदेश अध्यक्ष करण माहरा ना बोली- माणा गांव से शुरु ह्वाई भारत जोड़ो यात्रा थै पूरा प्रदेश मा मिनु च अपार समर्थन, बीजेपी का शासन से प्रदेश की जनता त्रस्त, भारत जोड़ो यात्रा का जरिये सरकार की नाकामियों थै जनता का बीच लिजाणा कू काम कनु च हर कार्यकर्ता.
अंकिता हत्याकांड थै लेकि घस्माना ना सरकार पर खड़ा करिन सवाल: अंकिता हत्याकांड थै लेकि कांग्रेस का वरिष्ठ नेता और प्रदेश उपाध्यक्ष सूर्यकांत धस्माना ना धामी सरकार पर साधी निशाना, धस्माना मा बोली- अंकिता हत्याकांड मा सरकार की शह पर सबूतों थै मिटाणा कू किये ग्या प्रयास, वखि धस्माना ना रिजॉर्ट पर बुलडोजर चलाण और फिर सील हुई फैक्ट्री मा आग लगणा की घटना पर भी उठैन सवाल.
बर्फबारी से केदारनाथ मा पुनर्निर्माण कार्य ठप: उत्तराखंड का उच्च हिमालयी क्षेत्रों मा बर्फबारी कू दौर शुरू, केदारनाथ धाम मा हुणि च जमकर बर्फबारी, वखि बर्फबारी से पुनर्निर्माण कार्य हुणु च प्रभावित, दिसंबर का अंत तक पुनर्निर्माण कार्य का द्वितीय चरण का तहत केदारनाथ में अस्पताल, आस्थापथ और पुरोहितों खुण आवासों कू हुणु च निर्माण, बर्फबारी का बाद भव्य नजर आणी च केदारपुरी.
उत्तराखंड एनआईटी मा बीटेक की काउंसलिंग खत्म: उत्तराखंड एनआईटी मा बीटेक फर्स्ट एयर एडमिशन की काउंसलिंग प्रक्रिया खत्म, देशभर का विभिन्न राज्यों से उत्तराखंड एनआईटी मा एडमिशन लिणा खुण पौंचया छाई छात्र, ये साल श्रीनगर एनआईटी मा 170 छात्रों ना ल्याई एडमिशन. फिलहाल, नया छात्रों की पॉलिटेक्निक हॉस्टलों मा रैणा की कयि च टेंपररी व्यवस्था.
विभागीय मंत्री ना अपर निदेशक आरके सिंह थै करि सस्पेंड: कैबिनेट मंत्री गणेश जोशी ना विभागीय कार्यों मा लापरवाही बरतण का मामला मा करि बड़ी कार्रवाई, उद्यान विभाग का अपर निदेशक आरके सिंह थै गणेश जोशी ना करि सस्पेंड, लगातार अपर निदेशक आरके सिंह का खिलाफ विभागीय मंत्री थै मिनी छाई शिकायत, जैका बाद अपर निदेशक थै विभागीय मंत्री ना करि सस्पेंड.
रायवाला मा एक बार फिर गुलदार कू आतंक: रायवाला थाना क्षेत्र मा एक बार फिर गुलदार कू आतंक, शिकार की तलाश मा गुलदार ना पेट्रोल पंप का पास घूमदु कुत्ता थै बणाई अपणु निवाला, वखि ये पूरी घटना पेट्रोल पंप मा लग्यां सीसीटीवी कैमरा मा ह्वाई कैद, पेट्रोल पंप मा ड्यूटी पर तैनात पुलिसकर्मी का समणि ही गुलदार ना कुत्ता पर करि हमला, वखि यि घटना का बाद से इलाका मा फैली गुलदार की दशहत.
सर्राफा व्यापारियों ना रंगदारी मामला मा एसपी से करि मुलाकात: काशीपुर सर्राफा व्यापारियों ना रंगदारी और धमकी मिना का बाद एसपी अभय सिंह से करि मुलाकात, वखि ये दौरान ऊना व्यापारियों थै मुहैया पुलिस सुरक्षा पर भी उठैन सवाल, बीता दिनों गोल्डी बराड़ और लॉरेंस बिश्नोई गैंग ना सर्राफा व्यापारियों से मांगी छाई रंगदारी, व्यापारियों एसपी से आरोपियों थै जल्द से जल्द पकड़ना की भी करि मांग.
ग्रामीणों ना करि फ्लोटिंग हट्स का खिलाफ कार्रवाई की मांग: टिहरी झील मा गंदगी फैलाणा फ्लोटिंग हट्स का खिलाफ कार्रवाई ना हुण से स्थानीय लौखु मा आक्रोश, आज फ्लोटिंग हट्स संचालकों का खिलाफ ग्रामीणों ना करि प्रदर्शन, वखि टिहरी झील मा गंदगी फैलाण वला हट्स संचालक का खिलाफ कार्रवाई की मांग थै लेकि ग्रामीणों ना डीएम से करि मुलाकात, कार्रवाई ना हुण पर ग्रामीणों ना उग्र आंदोलन की दै चेतावनी.
विधानसभा अध्यक्ष ऋतु खंडूड़ी पौंचि बदरीनाथ धाम: भगवान बदरी विशाल का धाम बदरीनाथ मा भी देररात ह्वाई सीजन की पेलि बर्फबारी, वखि बर्फबारी से बदरीपुरी मा बढ़ी ठंड का बीच भी श्रद्धालुओं मा दिखेणु च खासु उत्साह, यन मा आज विधानसभा अध्यक्ष ऋतु खंडूड़ी ना भी बदरीनाथ पौंचि करिन भगवान बदरी विशाल का दर्शन, सफेद बर्फ की चादर मा लिपटी नजर आणी च बदरीपुरी.
