अपणुं उत्तराखंडः दिनभरै खास खबर, एक नजर मा

प्रदेश मा सशक्त भू कानून की मांग तेज, सीएम पुष्कर सिंह धामी ना जताई भू कानून पर जताई प्रतिबद्धता, राजधानी देहरादून मा आयोजित निवेशक सम्मान समारोह मा सीएम धामी ना करि शिरकत, उत्तराखंड का पूर्व मुख्यमंत्री और कांग्रेस का वरिष्ठ नेता हरीश रावत भी ये यात्रा मा शामिल हुणा खुण कन्याकुमारी रवाना ह्वे गिन, उत्तराखंड बीजेपी का प्रदेश प्रभारी दुष्यंत गौतम तीन दिवसीय दौरा पर पौचिन देहरादून...पैढ़ा यनि दिनभरै खास खबर एक क्लिक मा.

1. सशक्त भू कानून थै लेकि धामी सरकार प्रतिबद्ध: प्रदेश मा सशक्त भू कानून की मांग तेज, सीएम पुष्कर सिंह धामी ना जताई भू कानून पर जताई प्रतिबद्धता, बोली- सशक्त भू कानून थै लेकि सरकार प्रतिबद्ध, उत्तराखंड की भूमि कू नि हुण द्योला दुरुपयोग, कमेटी ना सरकार थै सौंपी रिपोर्ट, भू कानून थै लेकि कई सदस्यों ना देनि सुझाव, ज्यों पर जल्द किये जालु अमल.

2. निवेशक सम्मान समारोह मा सीएम धामी ना करि शिरकत: राजधानी देहरादून मा आयोजित निवेशक सम्मान समारोह मा सीएम धामी ना करि शिरकत, अपणा संबोधन मा सीएम धामी ना बोली- बीता ढाई सालों मा उत्तराखंड मा ह्वाई बंपर निवेश, योग, आयुष और आध्यात्म की भूमि च उत्तराखंड, 2020 से अब तक प्रदेश मा ह्वाई 7500 करोड़ रुपया कू निवेश, देशभर से निवेशक पौंचणा छिन उत्तराखंड.

3. कन्याकुमारी खुण रवाना ह्वेनि हरीश रावत: तमिलनाडु का कन्याकुमारी बटि 7 सिंतबर का दिन कांग्रेस नेता राहुल गांधी भारत जोड़ो यात्रा कू शुरुवात कन जाणा छिन, वखि उत्तराखंड का पूर्व मुख्यमंत्री और कांग्रेस का वरिष्ठ नेता हरीश रावत भी ये यात्रा मा शामिल हुणा खुण कन्याकुमारी रवाना ह्वे गिन, सोशल मीडिया मा एक वीडियो शेयर करेकि हरीश रावत ना यि जानकारी द्याई.

4. दुष्यंत गौतम तीन दिवसीय दौरा पर पौचिन उत्तराखंड: उत्तराखंड बीजेपी का प्रदेश प्रभारी दुष्यंत गौतम तीन दिवसीय दौरा पर पौचिन देहरादून, हरिद्वार पंचायत चुनाव और भाजपा का आगामी सेवा सप्ताह कार्यक्रमों थै लेकि कार्यकर्ताओं दगणि दुष्यंत गौतम करला बैठक, जल्द घोषित ह्वे सकदिन हरिद्वार पंचायत चुनौ खुण प्रत्याशियों कू नाम.

5. UKSSSC समेत अन्य भर्तियों मा घपलेबाजी थै लेकि प्रदर्शन: UKSSSC पेपर लीक समेत अन्य भर्तियों मा ह्वे अनियमितताओं थै लेकि प्रदेश का बरोजगार युवाओं मा उबाल, अल्मोड़ा और उत्तरकाशी मा सैकड़ों की संख्या मा करि प्रदर्शन, अल्मोड़ा का गांधी पार्क में युवाओं ना नारेबाजी करेकि द्याई धरना, वखि उत्तरकाशी मा युवाओं ना निकाली जुलूस, एसडीएम का माध्यम से राज्यपाल थै सौंपी ज्ञापन.

6. आईआईटी रुड़की का गेट पर एबीवीपी ना करि प्रदर्शन: आईआईटी रुड़की मा नॉनवेज परोसा जाणा का मामला ना पकड़ि तूल, हिंदू संगठनों का बाद अब एबीवीपी का कार्यकर्ताओं ना आईआईटी गेट पर करि जमकर हंगामा, आईआईटी कर्मचारियों का दगणि प्रदर्शनकारियों ना करि धक्का मुक्की, वखि हंगामा का दौरान प्रदर्शनकारियों ना तोड़िन बैरिकेड.

7. गढ़वाल विवि मा बिना कॉपी जंचया ही छात्रा थै देनि जीरो नंबर: हेमवती नंदन बहुगुणा गढ़वाल केंद्रीय विश्वविद्यालय मा समणि आई बणि लापरवाही, बिना कॉपी जंचया ही छात्र थै टीचर ना द्याई जीरो नबंर, आरटीआई का तहत छात्र ना विवि से मांगी छाई अपणि कॉपी, वखि छात्र की शिकायत का बाद विश्वविद्यालय प्रशासन ना जांच कू द्याई आश्वासन.

8. घरेलू विवाद मा बुजुर्ग ना पत्नी की करि हत्या: थाना डालनवाला क्षेत्र मा घरेलू विवाद का चलदा एक बुजुर्ग ना अपणि पत्नी की करि हत्या, सूचना पाकर मौका पर पौंचि पुलिस ना आरोपी बुजुर्ग थै करि गिरफ्तार, 70 वर्षीय राम सिंह की 53 वर्षीय ऊषा से साल 2019 मा ह्वे छाई शादी, आरोपी ना किक्रेट बैट से पत्नी थै उतारी मौत का घाट.

9. बसपा ना जारी करि उम्मीदवारों की लिस्ट: हरिद्वार मा हुणा वला पंचायत चुनौ खुण बहुजन समाज पार्टी ना जारी करि उम्मीदवारों की पहली सूची, जिला अध्यक्ष अनूप कुमार सिंह ना पहली सूची मा 27 उम्मीदवारों की करि घोषणा, ये सूची मा पूर्व जिला पंचायत अध्यक्ष सुभाष शर्मा समेत कई बड़ा नेताओं कू नौ शामिल, शेष प्रत्याशियों का नौ की जल्द किये जाली घोषणा.

10. गौरीकुंड-केदारनाथ रोपवे निर्माण की कवायद तेज: आण वला सालों मा केदारनाथ यात्रा होली सुगम, गौरीकुंड से केदारनाथ तक रोपवे निर्माण की कवायद तेज, केदारनाथ रोपवे पीएम मोदी कू च ड्रीम प्रोजेक्ट, रोपवे निर्माणा खुण सर्वे कू कार्य पूरु, ये रोपवे निर्माण का बाद केदारनाथ यात्रा पर आण वला श्रद्धालुओं थै 18 किलोमीटर की पैदल खड़ी चढ़ाई से मिललि मुक्ति.