1. मुख्यमंत्री धामी कू पिथौरागढ़ दौरा: मुख्यमंत्री पुष्कर सिंह धामी कू पिथौरागढ़ दौरा कू दूसरू दिन, पैतृक गांव हड़खोला पहुंची सीएम धामिन सपरिवार पूर्जा अर्चना करि लया कुल देवता कू आशीर्वाद, वैका बाद सीएम न डीडीहाट महोत्सव मा करि शिकरत, विभिन्न योजनाओं कू करि शिलान्यास.
2. सीएम धामी ना 100 फीट तिरंगा कू करि लोकार्पण: पिथौरागढ़ मा आजादी कू अमृत महोत्सव थै अगनै बढ़ांद सीएम धामी न वरदायिनी मंदिर परिसर मा स्थापित 100 फीट ऊंचा तिरंगा कू करि लोकार्पण, ये मौका पर सीएम धामी न बोली- हमरी देश की आन, बान और शान कू प्रतीक च तिरंगा. चीन बॉर्डर पर तिरंगा फैरोणा बाद वु अपथै गौरवांवित महसूस कना छिन.
3. पर्यटन का क्षेत्र में उत्तराखंड थै मिलिन तीन नेशनल अवॉर्ड: उत्तराखंड ना पर्यटन की तीन श्रेणी मा नेशनल लेवल का तीन अवॉर्ड अपणा नाम करिन. प्रदेश थै पर्यटन का क्षेत्र मा बेस्ट वाइल्ड लाइफ डेस्टिनेशन, बेस्ट एडवेंचर डेस्टिनेशन और बेस्ट स्पिरिचुअल डेस्टिनेशन अवॉर्ड मिला छिना. केंद्रीय पर्यटन मंत्री किशन रेड्डी ना एक कार्यक्रम मा उत्तराखंड का पर्यटन मंत्री सतपाल महाराज थै यि पुरुस्कार प्रदान करिन.
4. बॉलीवुड एक्ट्रेस कंगना रनौत कू करि बचाव: अभिनेत्री कंगना रनौत का 'भीख मा आजादी' वला बयान से सियासी घमासान मच्यू च, वखि उत्तराखंड बीजेपी प्रदेश प्रभारी दुष्यंत कुमार गौतम ना कंगना रनौत कू बयानक बचौ करदा नजर ऐनी, दुष्यंत कुमार गौतम ना बोली- अपणी आजादी वलि बात थै ठीक से नि रख सकि कंगना, वन यन बयान दिणी से हरेक थै बचण चैंदु. आजादी भीख न मिली, येखुण कई महापुरुषों ना कुर्बानी दियीं च.
5. पौड़ी का रांसी स्टेडियम मा खेल महाकुंभ कू आगाज: कारोना संक्रमण कू प्रभाव कम हुणा बाद एक बार फिर सामान्य गतिविधियां शुरू ह्वेगिन, ई कड़ी मा युवा कल्याण विभाग की ओर से पौड़ी का रांसी स्टेडियम मा खेल महाकुंभ कू आज से आगाज ह्वेगी, यन मा रांसी मैदान मा 14 से 17 साल का बच्चा.. वॉलीबॉल, फुटबॉल, कबड्डी समेत कई अन्य खेलों मा अपणु दम खम दिखाणा छिन.
6. मुख्यमंत्री हरीश रावत पहुंचिन बदरीनाथ धाम: कांग्रेस का वरिष्ठ नेता और पूर्व मुख्यमंत्री हरीश रावत आज बदरीनाथ धाम पहुंचिन, ऊंका दगणि कैबिनेट मंत्री यशपाल आर्य और अन्य कार्यकर्ता भी मौजूद रैनि, सबसे पैलि हरीश रावत और यशपाल आर्य ना भगवान बदरीविशाल का दर्शन करिन, यैका बाद ऊना तीर्थ पुरोहितों से मुलाकात करि. ये मौका पर हरदा ना बोली- कांग्रेस प्रदेश की सत्ता मा काबिज हुणा बाद सबसे पैलि देवास्थानम बोर्ड करलि भंग.
7- रामनगर मा एक बारात बणीं चर्चा कू विषय: रामनगर का पीरूमदारा मा एक बरात चर्चा कू विषय बणीं च. यख उमेदपुर गौ कू मनप्रीत सिंह ग्रेवाल अपणी ब्योली नवनीत कौर थै मायका बटि ट्रैक्टर मा बरात लेकि अपणा घौर पहुंचिन. मनप्रीत ना बोली- ट्रैक्टर किसानों कि मेहनत कू प्रतीक च, यन मा वु समाज थै एक संदेश दिण चदिन कि जू किसानों की समस्या देश की समस्या च.
8- राफेल खरीद घोटाला थै लेकि कांग्रेस हमलावर: राफेल खरीद घोटाला थै लेकि कांग्रेस बीजेपी सरकार पर हमलावर नजर आणी च, आज देहरादून पौंचि कांग्रेस की राष्ट्रीय प्रवक्ता रागिनी नायक ना राफेल डील पर कई सवाल खड़ा करिन, कांग्रेस प्रवक्ता ना बोली जब राफेल डील 526 करोड़ रुपये मा ह्वे छाई, त मोदी सरकार ना 1600 करोड़ रुपये मा आखिर राफेल किले खरदिन. कांग्रेस ना राफेल डील की जांचा खुण जेपीसी की मांग भी करि.
9- डीएवी कॉलेज मा छात्रसंघ चुनौ की मांग: डीएवी कॉलेज देहरादून मा छात्रसंघ चुनौ की मांग थै लेकि अब आंदोलन तेज ह्वेगि, आज छात्र नेताओं ना चुनौ की मांग थै लेकि गांधी पार्क का भैर धरना प्रदर्शन करि. ये दौरान छात्र नेताओं न आरोप लगा कि छात्रसंघ चुनौ ना करिकी सरकार छात्र राजनीति थै कि खत्म कन चाणि च.
10. कांग्रेस सैनिक सम्मान समारोह मा हरदा न करि शिरकत: आगामी चुनौ की तैयरी मा हर राजनीतिक पार्टी ना अपणु ऐड़ी चोटी कू जोर लग्यू च, ई कड़ी मा आज हरीश रावत ना सोमेश्वर विधानसभा मा आयोजित कांग्रेस सैनिक सम्मान समारोह मा शिकरत करि. ये मौका पर हरीश रावत न बोली कि बीजेपी सरकार ना एक परिवार थै पेंशन दिणा कू जू फैसला करि, वेसे हमरी हजारों माताओ-बहनों की पेंशन खत्म ह्वेगी. कांग्रेस सत्ता मा आणा बाद सब्यु कि पेंशन बहाल करलि.
