'घस्यारी कल्याण योजना' कु शुभारंभ: उत्तराखंड विधानसभा चुनाव 2022 से पैली शनिवार कु केंद्रीय गृह एवं सहकारिता मंत्री अमित शाह उत्तराखंड दौरा पर रहिन. देहरादून क बन्नू स्कूल मा आयोजित कार्यक्रम मा अमित शाह न 'घस्यारी कल्याण योजना' कु शुभारंभ कौरी. इ अवसर पर पर्वतीय जिलों तैं आई महिलाओं तैं घस्यारी कल्याण योजना मा साइलेज किट भी बांटी ग्यैन. अनेक महिला समूहों तैं दीनदयाल उपाध्याय सहकारी किसान कल्याण योजना कु तहत 5- 5 लाख रुपया क चेक भी दी ग्यैन. ये दगड़ी राज्य का समस्त 670 बहुउद्देश्यीय प्राथमिक कृषि ऋण सहकारी समितियों का कम्प्यूटरीकरण भी कौरी अर सहकारिता ट्रेनिंग सेंटर का उद्घाटन भी कौरी.
घस्यारी योजना की शाह न कौरी तारीफ: 'घस्यारी कल्याण योजना' क शुरुआत करनु कु बाद गृहमंत्री अमित शाह हरिद्वार पौंचिन. यख शाह न शांतिकुंज पहुंची कन स्वर्ण जयंती वर्ष व्याख्यान कार्यक्रम मा शिरकत कौरी. ऊन बोली कि इ वर्ष गायत्री तीर्थ शांतिकुंज क स्वर्ण जयंती त छै ही, दगड़ी मा देश की आजादी का अमृत महोत्सव भी च. शांतिकुंज ऐकन ऊं तै ऊर्जा अर चेतना मिलदी.
हिंदू-मुस्लिम कार्ड खेल ग्यैन शाह: वखी देहरादून में अपणा संबोधन क दौरान शाह न पूर्व सीएम हरीश रावत पर ज्यादातर हमला बोली. हरीश रावत पन निशाना साधी कन ऊन हरीश रावत क कार्यकाल क दौरान शुक्रवार तैं छुट्टी कन क बाद नमाज पढ़न कि खातिर नेशनल हाईवे खाली करवान कु जिक्र कौरी. उन्होंन बोली कि हरीश रावत तैं अपणु स्टिंग ऑपरेशन भी देखण चिंयाद. हरीश रावत न डेनिश अर नकली शराब बिकवाई अर ऊंकी सरकार मा घपला घोटाला भी ह्वाइन. अमित शाह न हरीश रावत तैं चर्चा की खुली चुनौती द्याई.
हरदा न स्वीकार कौरी शाह की चुनौती: वखी अमित शाह की चर्चा की चुनौती तैं पूर्व सीएम हरीश रावत न स्वीकार कौरी. शाह क देहरादून मा संबोधन क बाद हरीश रावत न प्रेस कांफ्रेंस बुलाई अर बोली कि ऊ चुनौती स्वीकार करदां अर ऊ अकेला ही शाह पर भारी पड़ल. यैका दगड़ी हरदा न घस्यारी कल्याण योजना पर भी सवाल उठैन. उन्होंन बोली कि ई योजना प्रदेश की माताओं अर बहनों का बड़ू अपमान च. प्रदेश की महिलाएं अपरा घर मा तमाम काम क साथ खेत मा काम करदीं, लेकिन महिलाओं कु कामों का आधार पन ऊं का संबोधन नी दिये जांद.
मंच से उतार दिए गए चैंपियन: मुख्यमंत्री घस्यारी कल्याण योजना के शुभारंभ क मौके पर भाजपा क खानपुर विधायक कुंवर प्रणव सिंह चैंपियन नाराज व्हैगेन. दरअसल, कुंवर प्रणव सिंह चैंपियन अमित शाह क कार्यक्रम क मंच पर चढ़ ग्यै छै, जैका बाद ऊं तैं प्रोटोकॉल न होणु कु वजह से उतरन कु कही ग्याई. ये देखी कन चैंपियन नाराज व्हैगेन अर कार्यक्रम छोड़ी कन ही चल ग्यैन.
काली पट्टी बांध कांग्रेस क मार्च: केंद्रीय गृह मंत्री अमित शाह क उत्तराखंड दौरा का कांग्रेस पार्टी न कड़ू विरोध कौरी. हाथ पर काली पट्टी बांधी कन कांग्रेसियों न गांधी पार्क बिटी मार्ट निकाली पर पुलिस न ऊं तैं रोक द्याई. ये मौका पर प्रदर्शनकारियों न आरोप लगै कि राज्य आपदा कु दौरान केंद्र बिटी क्वी मदद नी मिली, यैका दगड़ी महंगाई अर बेरोजगारी भी बढ़ ग्यै च.
ड्रग मामला पर बोलिन साक्षी महाराज: अपणु हरिद्वार आश्रम पौंछिन बीजेपी क उन्नाव बिटी सांसद साक्षी महाराज न बॉलीवुड एक्टर शाहरुख क बेटा आर्यन खान ड्रग मामला पर बोली कि यन मामला मा कार्रवाई होण चिंयादी चाहे बेटा शाहरुख खान या कैका भी हो. यन मामलों मा हिंदू-मुस्लिम नी कन चिंयाद. अगर गलती ह्वाई च त कानून अपना काम करल.
कोराना क 15 नया मामला: उत्तराखंड मां आज कोरोना क 15 नया मरीज मिली छन जबकि, 6 मरीज स्वस्थ ह्वै गैन. बीता 24 घंटा मा एक भी कोरोना मरीज की मौत नी ह्वाई च. प्रदेश मा एक्टिव केसों की कुल संख्या 155 च. अबी तक प्रदेश मा कोरोना क कुल 3,43 (तैंतालीस),891(इक्यानबे) मामला सामणि ऐनी जबकि मरन वालु कु कुल आंकड़ा 7,400 पौंची च.
तुंगनाथ क कपाट शीतकाल तैं बंद ह्वाइन: पंच केदारों मा तृतीय केदार भगवान तुंगनाथ मंदिर क कपाट शनिवार दोपहर बाद लग्नानुसार शीतकाल तैं वैदिक मंत्रोच्चारण क साथ बंद ह्वै ग्याइन. इ मौका पन सैकड़ों भक्त तुंगनाथ धाम पौंचिन. यैका बाद डोलीन शीतकालीन गद्दीस्थल मक्कूमठ क ओर प्रस्थान कौरी. उत्सव डोली पैला पड़ाव चोपता मा प्रथम रात्रि प्रवास क पौंची ग्याई च.
बसपा नेता मोहम्मद इकबाल क 75 करोड़ की प्रॉपर्टी अटैच: उत्तर प्रदेश क सहारनपुर बिटी बहुजन समाज पार्टी क पूर्व एमएलसी मोहम्मद इकबाल क देहरादून मा लगभग 75 करोड़ की प्रॉपर्टी तैं प्रवर्तन निदेशालय न अटैच कौरी. जानकारी क मुताबिक, इकबाल पर भ्रष्टाचार, मनी लॉन्ड्रिंग अर धोखाधड़ी कन्न क मामले मा लखनऊ ईडी की जांच चलणी च.
गांजा तस्करी मामला मा 3 दोषियों तैं 10-10 साल की कैद: गांजा तस्करी क एक मामला मा अल्मोड़ा की विशेष सत्र न्यायाधीश मलिक मजहर सुल्तान की अदालत न बड़ू फैसला सुनाई. कोर्ट न तीन गांजा तस्करों तैं दोषी ठहरात हुए 10-10 साल क सजा और एक-एक लाख रुपये का जुर्माना लगैई. तीन दोषियों क नाम- इमरान अहमद, मो. सुएब रजा अर विकास मिश्रा च. सभी तस्कर उधम सिंह नगर जनपद क काशीपुर निवासी छन.
छात्रवृत्ति घोटाला मा एक और सफलता: उत्तराखंड क बहुचर्चित 500 करोड़ सी ज्यादा क छात्रवृत्ति घोटाले मा जांच करणी एसआईटी न हरिद्वार क पूर्व समाज कल्याण अधिकारी दीपराज अग्निहोत्री तैं दिल्ली क शेख सराय बिटी गिरफ्तार कौरी. दीपराज अग्निहोत्री मूल रूप सी उत्तर प्रदेश क कानपुर क रैण वाल च अर वर्तमान मा त्रिलोक नगर हरिद्वार कनखल मा रहता छै. अग्निहोत्री पन छात्रवृत्ति घोटाला क 12 सी ज्यादा मुकदमा दर्ज छन.
टी स्टेट हत्याकांड क आरोपी की उम्र पर नी व्याई फैसला: देहरादून क प्रेमनगर थाना क्षेत्र क चाय बागान इलाका मा नाबालिग छात्रा की हत्या करन वालु आरोपी बालिग च या नाबालिग, यैकु लेकी अबी संशय बनै च. पुलिस न देहरादून CJM कोर्ट मा आरोपी क जन्म प्रमाण पत्र अर स्कूली शैक्षिक योग्यता पेश कर दिलासी, पर कोर्ट मा अभी येकु लेकी क्वी फैसला नी व्याई. ये मामला पन अब सोमवार तैं कोर्ट फैसला लेगी. फिलहाल पुलिस आरोपी तैं बालिग मानी कन चलणा च अर ऊ सुद्दोवाला जेल में बंद च.
