भाजपा कु सेवा पखवाड़ा कार्यक्रम शुरू: पीएम मोदी का जन्मदिन थै भाजपा स्वच्छता पखवाड़ा का रूप मा मनौणी च. आज सीएम पुष्कर सिंह धामी (CM Pushkar Singh Dhami) न पुलवामा हमला मा शहीद मेजर विभूति शंकर ढौंडियाल (Martyr Major Vibhuti Dhoundiyal) का आवास बटी 'स्वच्छता पखवाड़ा' कार्यक्रमै शुरूआत करी. दगड़ा मा ही सीएम धामी न शहीद मेजर विभूति शंकर ढौंडियाल का परिजनूं से भी मुलाकात करी.
धूमधाम से मनये गी पीएम मोदी कु जन्मदिन: पीएम मोदी का जन्मदिन थै लेकी भाजपा कार्यकर्ताऊं मा खासू जोर दिखै. आज प्रदेश भर मा भाजपा कार्यकर्ताऊं न ‘रक्तदान महादान‘, निःशुल्क स्वास्थ्य परीक्षण शिविर, कोविड बूस्टर डोज लगौण जन कार्य कार्यक्रम करीन. ये दौरान गढ़वाल सांसद तीरथ रावत व लैंसडाउन विधायक दिलीप सिंह रावत न केक काटी पीएम मोदी थै जन्मदिनै बधाई दिनी. हरिद्वार मा भी अखिल भारतीय अखाड़ा परिषद का अध्यक्ष महंत रविंद्र पुरी न पीएम मोदी कु जन्मदिन मनै.
चारधामू मां पीएम मौदी का नौ की पूजा: प्रधानमंत्री नरेंद्र मोदी का 72वां जन्मदिन (PM Modi Birthday) का मौका पर उत्तराखंड का चारधाम केदारनाथ, बदरीनाथ, गंगोत्री और यमुनोत्री मा विशेष पूजा अर्चना करे गी. ये मौका पर मुख्यमंत्री पुष्कर सिंह धामी (CM Pushkar Singh Dhami) भी मौजूद रैन. मुख्यमंत्री पुष्कर सिंह धामी ने प्रधानमंत्री नरेंद्र मोदी थै जन्मदिनै बधाई दिनीन.सिखूं का पवित्र धार्मिक स्थल श्री हेमकुंड साहिब मा भी ये मौके पर विशेष अरदास करये गी.
उत्तराखंड मा सीजनै पैली बर्फबारी: उत्तराखंड मा आज सुबेर बटी मौसमौ मिजाज बदल्यूं च. आज सीजनै पैली बर्फबारी ह्लवे. बदरीनाथ धाम और हेमकुंड साहिब का अलावा पिथौरागढ़ धारचूला की चोटियूं मा बर्फबारी ह्वे. पिथौरागढ़ै दारमा घाटी की चीन सीमा की अंतिम चौकी दावे मा लगभग 14 इंचै बर्फ और पहाड़ूं पर एक फुट से अधिक बर्फबारी ह्ववे. राज्य का लगभग सबू मैदानी और पहाड़ी इलाकों मा भी बरखा कु दौर जारी च. भारी बरखा का कारण आज केदारनाथ यात्रा भी बाधित रै.
शॉर्ट सर्किट होंण से बस मा लगी भयंकर आग: हरिद्वार बटी चारधाम यात्रा पर निकली बस मा विकासनगर का पास आज अचानक शॉर्ट सर्किट होंण से आग लग गी. घटना का वक्त बस मा कुल 28 लोग सवार छा, ज्या मा 21 लोग गुजरात का अहमदाबाद का रौंण वाला छै. स्थानीय लोखूं न बस मा आग लगणै सूचना पुलिस और फायर बिग्रेड थै दिनी. ज्या का बाद मौके पर पौंछि फायर बिग्रेडै टीम न बस मा सवार सभी यात्रियूं थै सकुशल भैर निकाली.
उधमसिंह नगर मा दर्ज ह्वे पैली E-FIR: उत्तराखंड पुलिस एपै लॉन्चिंग का बाद आज ऊधमसिंह नगर का ट्रांजिट कैंप थाणा मा पैली ई-एफआईआर दर्ज करे गी. पैली ई-एफआईआर मा बाइक चोरी कु मुकदमा दर्ज करे गी. या ई-एफआईआर ट्रांजिट कैंप थाणा क्षेत्र निवासी बिरेश कश्यप न करै. मुकदमा दर्ज होणा बाद पुलिस मामलै छानबीन मा जुट गी. फिलहाल पुलिस घौर का आसपास लग्यां सीसीटीवी फुटेज थै खंगालणी च.
21 सितंबर बटी देहरादू मा क्रिकेट कु महाकुंभ: 21 सितंबर बटी देहरादून का राजीव गांधी इंटरनेशनल स्टेडियम मा Road Safety World Series 2022 का मैच खेले जाला. ईं सीरीज मा भाग लेणौ दुनियाभर का दिग्गज खिलाड़ी देहरादून पौंछला. Road Safety World Series का 6 मैच देहरादून का राजीव गांधी इंटरनेशनल स्टेडियम मा खेले जाला. यां कु थै लेकी आज सीरीज का आर्गनाइजरुं न पुलिस-प्रशासन दगड़ि मुलाकात करी. का आर्गनाइजरुं न मैच का दौरान सुरक्षा व्यवस्था थै लेकी एक पत्र भी दिनी
देहरादून मा आयोजित होली मैराथन: सरदार वल्लभ भाई पटेलै जंयती पर उत्तराखंड पुलिस रन फॉर यूनिटी कु आयोजन करली. यां का तहत देहरादून मा मैराथन कु आयोजन किये जालू. ई मैराथन मा 21 किलोमीटर और 10 किलोमीटरै दौड़ करये जाली. यां मा विजेता प्रतिभागियूं थै ₹10 लाख रुप्या की राशि दिये जाली. 30 अक्टूबरौ उत्तराखंड पुलिस देहरादून मैराथन कु चौथूं संस्करण आयोजित करली.
उत्तराखंड मा कोरोना का मामला: उत्तराखंड मां धीरे-धीरे कोरोना का मामलौ मा कमी औंणी च. सरकार और स्वास्थ्य विभाग यां कु थै लेकी लगातार प्रयास कन्ना छन. आज प्रदेश मा कोरोना का 17 नया मामला समणि ऐनी, ज्या का बाद प्रदेश मा कोरोना संक्रमितू की संख्या 103,897 ह्वे गी, जबकि यां से मन्न वालौ की संख्या 327 च.
