1. चारधाम यात्रा मा पौंचणा छिन रिकॉर्ड संख्या मा श्रद्धालु: उत्तराखंड चारधाम यात्रा मा ये साल श्रद्धालुओं की आमद ना तोड़िन सबि रिकॉर्ड, तीन मई से गंगोत्री और यमुनोत्री धाम का कपाट खुना बाद से अब तक आठ दिनों की भितर चारों धामों मा 10 मई तक पहुंचिन 2 लाख 61 हजार 113 श्रद्धालु, बदरीनाथ और केदारनाथ धाम मा दर्शना खुण भारी संख्या मा पौंचणा छिन श्रद्धालु.
2. चारधाम यात्रा अव्यवस्थाओं से श्रद्धालु परेशान: चारधाम यात्रा की शुरुआत मा ही पटरी बटि उतरदि नजर आणी छिन यात्रा व्यवस्थाएं, हाल यि छिन कि रुद्रप्रयाग से केदारनाथ और बदरीनाथ जाणा खुण यात्रियों थै नि मिनि छिन गाड़ी, घंटों तक यात्रियों थै वाहनों कू कन पुड़नु च इंतजार, वखि केदारनाथ पैदल यात्रा मार्ग घोड़ा खच्चर संचालकों की बदतमीजी थै भी यात्री परेशान.
3. कैबिनेट मंत्री द्याख्ला चारधाम यात्रा व्यवस्था: उत्तराखंड चारधाम व्यवस्थाओं बनाणा खुण धामी सरकार ना कैबिनेट मंत्रियों थै सौंपी जिम्मेदारी, केदारनाथ धाम यात्रा संचालन अब कैबिनेट मंत्री डॉ. धन सिंह रावत का जिम्मा, वखि, मंत्री सुबोध उनियाल द्याख्ला बदरीनाथ यात्रा व्यवस्थाएं, चारधाम यात्रा मा तीर्थ यात्रियों खुण बेहतर व्यवस्था बणै जाणा खुण जल्द मंत्रि करला संबंधित विभागों और मंदिर समिति पदाधिकारियों दगणि बैठक.
4. कांग्रेस प्रत्याशी निर्मला गहतोड़ी ना करि नामांकन: चंपावत उपचुनौ खुण कांग्रेस प्रत्याशी निर्मला गहतोड़ी ना दाखिल करि नामांकन, निर्मला गहतोड़ी का नोमिनेशन का दौरान कांग्रेस प्रदेश अध्यक्ष करण महारा सहित पार्टी का कई बड़ा नेता और कार्यकर्ता रेनि मौजूद, सीएम पुष्कर सिंह धामी से कांग्रेस प्रत्याशी निर्मला गहतोड़ी की च सीधी टक्कर. वखि द्वि पार्टियों ना अपणा स्टार प्रचारकों की लिस्ट भी करि जारी.
5. कैबिनेट मंत्री प्रेमचंद अग्रवाल ना ल्याई RERA की बैठक: कैबिनेट मंत्री प्रेमचंद अग्रवाल ना अपणा विधानसभा कार्यालय मा भू-संपदा नियामक प्राधिकरण यानि रेरा की करि समीक्षा बैठक, जैका बाद केबिनेट मंत्री ना रेरा मा आण वलि शिकायतों का समाधाना खुण संबंधित अधिकारियों थै देनि दिशा निर्देश, उपभोक्ता हितों की रक्षा और सरकार का राजस्व मा वृद्धि पर मंत्री ना द्याई जोर.
6. कीर्तिनगर मा पुष्पा गैंग का सात सदस्य गिरफ्तार: टिहरी मा कीर्तिनगर पुलिस का हत्था चढ़िन शातिर पुष्पा गैंग का सात सदस्य, पुलिस ना रंगे हाथ सब्यूं थै क्रेश बैरियर चोरी करदि करि गिरफ्तार, चोरों का पास से करीब आठ लाख रुपये की लागत का 48 क्रेश बैरियर, समेत द्वि लग्जरी गाड़ी भी बरामद, पकड़ा ग्या चोरों मा एक पश्चिम बंगाल, त बाकि, छह लोग यूपी का रैण वला. आरोपियों कू आपराधिक रिकॉर्ड भी खंगालणी च पुलिस.
7. बुजुर्ग दंपति ना बेटा और ब्यारी पर करि केस: हरिद्वार जिला कोर्ट मा आई अजीबोगरीब मामला, यख बुजुर्ग दंपती ना जिला कोर्ट मा याचिका दायर कर बेटा और ब्यारी से करि पोता-पोती की मांग, वखि मांग पूरी न कन पर बेटा और ब्यारी से करि 5 करोड़ रुपया हर्जाना की मांग, जू द्वियों ना अपणा बेटा की परवरिश और करियर बनाण मा खर्च करिन. बुजुर्ग दंपती की शिकायत च कि शादी का छह साल बाद भि बेटा और ब्यारी पैदा नि कुई औलाद.
8. घौर मा गुलदार घुसण से मचि हड़कंप: श्रीनगर गढ़वाल का कमलेश्वर इलाका मा एक घौर मा गुलदार का घुसण से मची अफरा-तफरी, मकान मालिक की सूचना पर मौका पर पौंचि पुलिस और वन विभाग की टीम, गुलदार थै चार घंटा की कड़ी मशक्कत का बाद फॉरेस्ट टीम ना करि ट्रेंकुलाइज, गुलदार का पकड़े जाणा का बाद लौखु ना ल्याई राहत की सांस.
9. हरिद्वार मा बाबा विश्वनाथ की डोली ना करि स्नान: पहाड़ों बटि धर्मनगरी हरिद्वार मा पौराणिक स्थल हरकी पैड़ी पौंचि बाबा विश्वनाथ की जगदीश शिला डोली, ढोल नगाड़ों की थाप पर डोली का दगणि पौंचया सैंकड़ों श्रद्धालुओं कू हरकी पैड़ी मा किये ग्या जोरदार स्वागत, जैका बाद पूरा विधि विधान से बाबा विश्वनाथ की डोली थै गंगा जी मा करये ग्या स्नान, उत्तराखंड का पूर्व मंत्री, मंत्री प्रसाद नैथानी कना छाई बाबा विश्वनाथ की डोली की अगुवाई.
