1. बीजेपी मुख्यालय मा संगठन की बैठक संपन्न: भाजपा मुख्यालय मा राष्ट्रीय महामंत्री संगठन बीएल संतोष की अध्यक्षता मा तीन दौरा की बैठक ह्वे संपन्न, प्रदेश अध्यक्ष मदन कौशिक ना बोली- संगठन स्तर पर आगामी रणनीतियों थै लेकि बैठक मा ह्वे चर्चा, विधानसभा चुनौ में 23 सीटों पर मिली हार पर ह्वाई मंथन, वखि प्रत्याशियों का भितरघात का आरोपों पर भी ह्वे चर्चा.
2. विधानसभा अध्यक्ष ऋतु खंडूड़ी कू पौड़ी दौरा: कोटद्वार विधायक ऋतु खंडूड़ी विधानसभा अध्यक्ष बनणा का बाद आज पेलि बार अपणा गृह जनपद पौड़ी पहुंचीं. ये दौरान पार्टी कार्यकर्ताओं ना ऋतु खंडूड़ी कू फूल मालाओं से जोरदार स्वागत करि, जैका बाद ऊना विभिन्न कार्यक्रमों मा शिरकत करि. वखि सबसे पेलि पौड़ी पौंचिकि ऋतु खंडूड़ी ना कंडोलिया मंदिर मा करि पूजा अर्चना.
3. राजस्थान मा मंदिर तोड़ा जाण से संतों मा आक्रोश: राजस्थान का अलवर मा 300 साल पुरणा मंदिरों थै तोड़ा जाण से हरिद्वार का संत समाज मा आक्रोश, संतों ना बोली- मंदिरों थै तुड़ना खुण हिंदु समाज का लौखु ना केंद्र मा नि बैणे छाई बीजेपी की सरकार. मंदिर तुड़ना की घटना की संतों ना करि कड़ी निंदा, पीएम मोदी और गृहमंत्री से करि हिंदू समाज से माफी मंगणा की मांग.
4. वन विभाग और एसडीआरएफ टीम ना चीतल थै करि रेस्क्यू: उत्तराखंड मा इनदिनों तापमान मा लगातार बढ़ोत्तरी हुणी च, जैसे वन्यजीवों का जीवन पर भी संकट मंडराणु च, यन मा रविवार का दिन रुद्रपुर मा पानी की तलाश मा एक चीतल टांडा जंगल से निकलिकी शिमला बहादुर गौं मा पौचि ग्या. जैका बाद वन विभाग और एनडीआरएफ की टीम ना चीतल से सकुशल रेस्क्यू करि जंगल में छोड़ द्याई.
5. अघोषित बिजली कटौती का खिलाफ प्रदर्शन: उत्तराखंड मा अघोषित बिजली कटौती से आम जनता बेहाल, यन मा हल्द्वानी और रामनगर मा अघोषित बिजली कटौती का खिलाफ कांग्रेस ना खोली मोर्चा, कांग्रेसियों ना जोरदार प्रदर्शन करि बीजेपी सरकार कू फूंकी पुतला, प्रदर्शनकारियों ना बोली- जै हिसाब से प्रदेश मा अघोषित बिजली कटौती हुणी च, वैसे लगणु च कि सरकार केवल आम आदमी थै परेशान कना खुण बिजली कटौती कनि च.
6. रुड़की मेयर गौरव गोयल कू वीडियो वायरल: अक्सर अपणा बयानों थै लेकि चर्चा मा रेण वला रुड़की नगर निगम मेयर गौरव गोयल कू एक वीडियो सोशल मीडिया पर वायरल हुणु च, जैमा वू कुछ पार्षदों थै लेकि विवादित बयान दिंदा नजर आणा छिन, वीडियो मा मेयर बुना छिन कि वु यन लुच्चा पर्षादों का बीच फंसया छिन जु द्वि हजार रुपया लिणा खुण भी तैयार रैंदिन. वखि ये वीडियो का समणि आणा बाद अब मेयर गौरव गोयल की मुश्किल बढ़ सकदिन.
7. कॉर्बेट नेशनल पार्क मा बढ़ी सैलानियों की आमद: विश्व प्रसिद्ध जिम कॉर्बेट नेशनल पार्क मा साल 2021 से अबतक पौचिंन करीब द्वि लाख 78 हजार पर्यटक, वखि करीब एक हजार विदेशी पर्यटकों ना भी करि कॉर्बेट पार्क की सैर, कोरोना संक्रमण काल का बाद कॉर्बेट मा एक बार फिर पर्यटकों की आवाजाही से खिलिन कारोबारियों का चेहरा.
8. एसएसबी सेंटर श्रीनगर मा पासिंग आउट परेड: सशस्त्र सीमा बल का श्रीनगर सेंटर मा भौल यानि सोमवार का दिन होली पासिंग आउट परेड, एसएसबी का 278 जवान बढ़णा भारतीय सेना कू हिस्सा, जैमा बिहार से 94, यूपी से 74, मध्यप्रदेश से 44, उत्तराखंड से 24, राजस्थान से 21, जम्मू-कश्मीर से 20, दिल्ली से 1 जवान च शामिल, बतौर मुख्य अतिथि सीएम पुष्कर सिंह धामी ये कार्यक्रम मा करला शिरकत.
9. हेमकुंड साहिब मा जवान हटाणा छिन रस्ता मा जमी बर्फ: उत्तराखंड मा 22 मई का दिन खुलला सिखों का पवित्र धाम हेमकुंड साहिब का कपाट, यन मा कपाट खुना की तैयारियों मा जुटयु छिन हेमकुंड साहिब ट्रस्ट का पदाधिकारी, वखि घांघरिया से अगैन आस्था पथ पर जमी बर्फ से हटाणा का काम मा जुटयां छिन सेना का 40 जवान, आस्था पथ से बर्फ हटाणु कू वीडियो भी ऐ समणि. ये रस्ता थै पदैल चन जुगा बणाणा छिन जवान.