उत्तराखंड मा पेहलु बाल मित्र थाने शुरूआत, बच्चों ते अपराध बटि बचोंणो लक्ष्य
उत्तराखंड मा आज बटि बाल मित्र थाने शुरुआत ह्वे गी. राजधानी देहरादून का डालनवाला कोतवाली मा मुख्यमंत्री त्रिवेंद्र सिंह रावत न थाना कु शुभारंभ करी. बाल मित्र थाना मा बाल आयोग का सदस्य, वकील और बेहतर काउंसलर राला. जेमा बच्चों की काउंसिलिंग करला और ऊंते अपराध बटि दूर रेंणे कोशिश होली.
उत्तराखंड मा कोरोना टेस्ट हव्यां सस्ता
उत्तराखंड मा कोरोना संक्रमितों की संख्या लगातार कम होंणी च. अब सरकार न कोरोना टेस्ट का रेट कम करलिन. कोरोना मरीजों की जांच खुंण सरकार न एंटीजन और आरटीपीसीआर की जांचक दाम मा कटौती करेली.
जसपुर का मनोरथ प्रथम गौं मा बीजेपी नेतों की एंट्री बंद
कृषि कानून का विरोध औऱ किसानों का समर्थन मा जसपुर ब्लॉक की मनोरथ प्रथम गौं मा लौखुं न बीजेपी नेतों की एंट्री बैन करेली. गौं वलुं बाकायदा साइन बोर्ड भी लगे. बोर्ड मा चेतावनी साफ च कि अगर क्वी बीजेपी कु नेता गौं मा घुसी त वू अपणिं सुरक्षा का प्रति खुद जिम्मेदार होलु.
एक बार फिर विवादों मा कुंवर चैंपियन, इं बार मुनिम न लगे आरोप
खानपुर विधायक कुंवर प्रणव सिंह चैंपियन का खिलाफ ऊंका मुनिम संजय न मोर्चा खोलेली. संजय न वीडियो जारी करेकी बोली कि चैंपियन अपणिं दबंगई दिखांदा छिन. वखि, मामला मा चैंपियन न सफै भी दे. ऊं बोली कि मुनिम जी अब बेईमान ह्वे गिन.
दून का स्पा सेंटरों पर पुलिसे छापेमारी, एक लाख 70 हजार रुपए कु जुर्माना
देहरादून का बसंत विहार मा पुलिस न स्पा सेंटरों पर छापेमारी करी. एसएसपी डॉ. योगेंद्र रावत का आदेश पर पुलिस न 17 स्पा सेंटरों कु चालान करी और एक लाख 70 हजार रुपया कु जुर्माना वसूली.
बर्फबारी का बीच केदारनाथ धाम मा खिली धूप, नजारा ह्वे खूबसूरत
इं दिनों केदारनाथ धाम मा खूब बर्फबारी होंणी च. धाम मा बर्फे सफेद चादर बिछिं च. चारों ओर सिर्फ बर्फ ही बर्फ दिखंणी च. वखि, आज धाम मा चटक धूप खिली. जेका बाद धाम कु नजारा और भी खूबसूरत ह्वे गी. धाम मा इं दिनों द्वी से तीन फीट तक बर्फ जमा च.
